শৰীৰত এই লক্ষণ দেখা দিছে নেকি ? তেন্তে জানিব আপুনি অসুস্থ

আপোনাৰ শৰীৰতো এই লক্ষণ কেতিয়াবা দেখা দিছে নেকি ? জানি লওক যদি আমাৰ শৰীৰটো অসুস্থ হয়ে তেন্তে কেনেধৰণৰ সংকেত দেখা দিয়ে-

দীঘলীয়া জীৱন যাপন কৰিবৰ বাবে আপুনি স্বাস্থ্যৱান হৈ থকাটো অতি জৰুৰী ৷ কিন্তু ব্যস্ত সময়সূচীৰ বাবে মানুহে তেওঁলোকৰ স্বাস্থ্যৰ সঠিক যত্ন ল'বলৈ পাহৰি যায় ৷ যেতিয়া আমি অসুস্থ হওঁ, আমাৰ শৰীৰে কেতবোৰ সংকেত দিয়া আৰম্ভ কৰে ৷ যদি আমি এই সংকেত উপেক্ষা কৰো, বিপদ নিশ্চিত ৷ শৰীৰটো ভিতৰৰ পৰা অসুস্থ হ’লে আমাক কি সংকেত দিয়ে, জানো আহক-

সদায় ভাগৰ অনুভৱ কৰা

যদি পৰ্যাপ্ত টোপনি যোৱাৰ স্বত্বেও আপুনি নিৰন্তৰ ভাগৰ অনুভৱ কৰি আছে, তেন্তে এয়া আপুনি অসুস্থ হোৱাৰ এক অন্যতম লক্ষণ হ'ব পাৰে ৷ ই আপোনাৰ শৰীৰত আইৰণ, ভিটামিন বি-১২ আৰু কেলৰিক সূচায় ৷ নিৰন্তৰ অৱসাদে আপোনাৰ পুষ্টি উন্নত কৰাৰ প্ৰয়োজনীয়তাৰ সংকেত দিয়ে ৷ ইয়াক উপেক্ষা কৰিলে আপুনি হিম'গ্লোবিনৰ অভাৱ বা ৰক্তহীনতাৰ দৰে সমস্যাৰ সন্মুখীন হ'ব পাৰে ৷ সেয়েহে, খাদ্য তালিকাত সদায় পুষ্টিকৰ উপাদান অন্তৰ্ভুক্ত কৰাটো অতি গুৰুত্বপূৰ্ণ ৷

চুলি সৰা

যদি আপোনাৰ খুব চুলি সৰে, এয়াও এক সতৰ্কবাণী হ'ব পাৰে ৷ ই প্ৰ'টিন, আইৰণ বা ভিটামিন ডি-ৰ অভাৱ সূচায় ৷ যদি এই সমস্যাটো সময়মতে সমাধান কৰা নহয়, ই গুৰুতৰ ৰূপ ল'ব পাৰে ৷ সঠিক পুষ্টি আৰু অত্যাৱশ্যকীয় ভিটামিন গ্ৰহণ কৰি আপুনি আপোনাৰ চুলিৰ স্বাস্থ্য উন্নত কৰিব পাৰে ৷

নখ ভাঙি যোৱা

যদি আপোনাৰ নখ দুৰ্বল, খহটা বা ভাঙিবলৈ আৰম্ভ কৰে, ই জিংক আৰু আইৰণৰ অভাৱৰ লক্ষণ হ'ব পাৰে ৷ এনে নখবোৰে স্বাস্থ্যৰ স্থিতিৰ লগতে শৰীৰৰ হাড়ৰ দুৰ্বলতাও সূচিত কৰিব পাৰে ৷ এই পুষ্টিৰ অভাৱৰ বাবে নখৰ শক্তি আৰু স্বাস্থ্য প্ৰভাৱিত হয় ৷ সেয়েহে, নখ আৰু হাড়ৰ স্বাস্থ্য উন্নত কৰিবলৈ এই উপাদানবোৰৰ অভাৱ পূৰণ কৰাটো গুৰুত্বপূৰ্ণ ৷

শুকান ছাল

যদি আপোনাৰ ছাল শুকান হৈ পৰে, ই ডিহাইড্ৰেচন বা ভিটামিন এ, চি আৰু ই-ৰ অভাৱৰ লক্ষণ হ'ব পাৰে ৷ ই আপোনাৰ ছালৰ বয়সো বৃদ্ধি কৰিব পাৰে ৷

সদায় চৰ্দি হোৱা

যদি আপুনি প্ৰায়ে চৰ্দিৰ দ্বাৰা অসুবিধাত পৰে, তেন্তে এয়া দুৰ্বল ৰোগ প্ৰতিৰোধ ক্ষমতাৰ লক্ষণ ৷ এই সমস্যাৰ পৰা বাচি থাকিবলৈ জিংক আৰু ভিটামিন চি থকা আহাৰ গ্ৰহণ কৰাটো গুৰুত্বপূৰ্ণ ৷

পেশীৰ বিষ বা ক্ৰেম্প

নিৰন্তৰ পেশীৰ বিষ বা ক্ৰেম্পৰ অৰ্থ হৈছে যে আপোনাৰ শৰীৰত ইলেক্ট্ৰলাইট, পটাছিয়াম আৰু মেগনেছিয়ামৰ অভাৱ হৈছে ৷ এই অৱস্থাই আপোনাৰ পেশী দুৰ্বল কৰিব পাৰে ৷

ঘাঁ সোনকালে ভাল নোহোৱা

যদি আপোনাৰ আঘাত বা কটা-ছিঙা আৰোগ্য হ'বলৈ অধিক সময় লয়, ই আপোনাৰ শৰীৰত জিংক, ভিটামিন চি আৰু প্ৰ'টিনৰ অভাৱ হোৱাটো বুজায় ৷

যদি আপুনি এই সমস্যাবোৰৰ যিকোনো এটাৰ সন্মুখীন হৈছে, আপোনাৰ খাদ্য তালিকাত পুষ্টিকৰ খাদ্য অন্তৰ্ভূক্ত কৰিব আৰু প্ৰয়োজন হ'লে চিকিৎসকৰ পৰামৰ্শ ল’ব ৷

https://www.vinmec.com/eng/article/the-signs-of-good-health-you-need-to-know-en

লগতে পঢ়ক: কম্বলো লৈছে একেলগে ফেনো চলাইছে...পৰিৱৰ্তিত বতৰত কেনেকৈ ৰোগৰ পৰা নিজকে কৰিব ৰক্ষা