সমগ্ৰ বিশ্বতে এই ৰোগ দ্ৰুতগতিত বৃদ্ধি পাইছে চেপ্চিছ ৰোগ আৰু সেইবাবেই প্ৰতি বছৰে ১৩ ছেপ্টেম্বৰত চেপ্চিছ দিৱস পালন কৰি মানুহৰ মাজত এই ৰোগ সন্দৰ্ভত সজাগতা বৃদ্ধি কৰা হয় ৷ এসময়ত তেজত থকা বেক্টেৰিয়া বা তেজত আন বীজাণু অধিক বৃদ্ধিৰ ফলত চেপ্চিছ হয় বুলি বিশ্বাস কৰা হৈছিল ৷ কিন্তু নতুন গৱেষণাৰ পৰা দেখা গৈছে যে চেপ্চিছ আচলতে দুটা বস্তুৰ দ্বাৰা হয়: এটা সংক্ৰমণ (যেনে নিউমোনিয়া বা প্ৰস্ৰাৱৰ সংক্ৰমণ) আৰু আপোনাৰ শৰীৰৰ নিজৰ ৰোগ প্ৰতিৰোধ ক্ষমতাৰ শক্তিশালী আৰু ক্ষতিকাৰক সঁহাৰি ৷ অৰ্থাৎ ইয়াত আপোনাৰ শৰীৰেই আপোনাৰ শত্ৰু হৈ পৰে ৷ আপোনাৰ ইমিউনিটিয়ে আপোনাৰ বিৰুদ্ধে কাম কৰিবলৈ আৰম্ভ কৰে ৷
হেষ্টেক এনালাইটিক্সৰ চিকিৎসা পৰিক্ৰমা (সংক্ৰামক ৰোগ) সঞ্চালক ডাঃ মহুৱা কাপুৰ দাস গুপ্তাৰ মতে, চেপ্চিছ এক গুৰুতৰ আৰু মাৰাত্মক ৰোগ বুলি প্ৰমাণিত হ’ব পাৰে ৷ কাৰণ ইয়াত সংক্ৰমণ নিৰ্মূলৰ প্ৰক্ৰিয়াত আপোনাৰ শৰীৰে নিজৰ কলা আৰু কোষৰ ক্ষতি কৰিবলৈ আৰম্ভ কৰে ৷ ইয়াক স্পুটুমেমিয়া বুলিও কোৱা হয়, যাক সাধাৰণতে ব্লাড পইজনিং বুলি জনা যায় ৷
ডাঃ মাহুৱাৰ মতে, যদি এই ৰোগটো আৰম্ভণিতে ধৰা পৰে, তেন্তে ইয়াৰ ওপৰত হোৱা খৰচ আৰু ৰোগীৰ জীৱন এই দুয়োটায়ে ৰক্ষা কৰিব পৰা যাব ৷ ২০২০ চনত কৰা গ্ল’বেল বাৰ্ডেন অৱ ডিজিজ ষ্টাডি অনুসৰি বিশ্বজুৰি ৪ কোটি ৮৯ লাখ লোকৰ দেহচ এই ৰোগ ধৰা পৰিছে আৰু ইয়াৰে ১ কোটি ১০ লাখ লোকৰ মৃত্যুও হৈছে ৷ যদি পৰিসংখ্যাৰ ওপৰত বিশ্বাস কৰিবলৈ যোৱা হয় তেন্তে এইটো বিশ্বৰ মৃত্যুৰ হাৰৰ প্ৰায় ২০% ৷
কোনবোৰ লোকৰ এই ৰোগ হোৱাৰ আশংকা অধিক
ডায়েবেটিছ, কেন্সাৰ আদি ৰোগত আক্ৰান্ত লোকৰ এই ৰোগ হোৱাৰ আশংকা অধিক ৷
চেপ্চিছৰ লক্ষণ:
- শৰীৰত ফোহা ওলোৱা ৷
- শ্বাস-প্ৰশ্বাসত অসুবিধা হোৱা
- কেঁচুৱা আৰু সৰু শিশু দুৰ্বল হৈ পৰা বা কান্দোন
- শক্তি বা দুৰ্বলতা কম অনুভৱ কৰা
- দ্ৰুত হৃদস্পন্দন
- কম বি পি
- জ্বৰ বা হাইপোথাৰ্মিয়া
- শিৰশিৰণি বা ঠাণ্ডা
- গৰম বা আঠাযুক্ত ছাল
- বিভ্ৰান্তি বা অস্থিৰতা
চেপ্চিছক কেনেকৈ প্ৰতিৰোধ কৰিব পাৰি
চেপ্চিছ প্ৰতিৰোধ কৰিবলৈ আপুনি:
১) চাবোন আৰু পানীৰে কমেও ২০ ছেকেণ্ডৰ বাবে সঘনাই হাত ধোৱাটো উচিত
২) প্ৰতিষেধক গ্ৰহণ কৰক
৩) যদি আপুনি Chronic Health Conditionsত আছে, তেন্তে ইয়াৰ চিকিৎসা মাজভাগত বন্ধ নকৰিব ৷
৪) ছালৰ ঘাঁবোৰ যিমান সোনকালে পাৰি পৰিষ্কাৰ কৰক ৷
৫) যিকোনো সংক্ৰমণ অতি সোনকালে চিকিৎসা কৰিব লাগে ৷
৬) চিকিৎসকে কোৱাৰ দৰে এন্টিবায়টিক খোৱাটো উচিত৷ এন্টিবায়টিক ঔষধ নিজাববীয়াকৈ গ্ৰহণ নকৰিব ৷
Ref:- https://www.who.int/news-room/fact-sheets/detail/sepsis
