শাওন মাহত ভগৱান শিৱৰ পূজা অৰ্চনা কৰা হয় ৷ শাওন মাহত ভগৱান শংকৰক পূজা কৰিলে মনোকামনা পূৰণ হয় বুলিও বিশ্বাস কৰা হয় ৷ শাওন মাহত পূজাৰ সময়ত মানুহে ফল-ফুলৰ লগতে মহাদেৱক বেলপাতো আগবঢ়ায় ৷
এইটোৱেই হৈছে শাওন মাহৰ ধৰ্মীয় গুৰুত্ব ৷ কিন্তু শাওন মাহত পূজাৰ সময়ত ভগৱান শংকৰক যি বেলপাত আগবঢ়োৱা হয়, তাৰ বাহিৰেও ইয়াৰ ফলো আগবঢ়োৱা হয় ৷ ইয়াৰ ফল স্বাস্থ্যৰ দৃষ্টিকোণৰ পৰাও অতি উপকাৰী বুলি গণ্য কৰা হয় ৷ গ্ৰীষ্মকালত হিট ষ্ট্ৰ’কৰ পৰা হাত সাৰিবলৈ বেলৰ পৰা তৈয়াৰী চৰবত বিশেষভাৱে খোৱা হয় ৷
কিন্তু চিকিৎসকে কয় যে, সাধাৰণতে মানুহে গৰমৰ পৰা সকাহ পাবলৈ বেলৰ চৰবত খায় ৷ কিন্তু আয়ুৰ্বেদিক দৃষ্টিকোণৰ পৰা বেলে শৰীৰক বহু ৰোগৰ পৰা আঁতৰাই ৰখাত সহায় কৰে ৷ বেল শৰীৰৰ বাবে কেনেদৰে উপকাৰী সেই বিষয়ে বিশেষজ্ঞৰ পৰা জানো আহক ৷
বহুতো পুষ্টিকৰ উপাদানৰ ভঁৰাল
বিশেষজ্ঞসকলৰ মতে, বেলত প্ৰ’টিন, আঁহ, চৰ্বি, কেলচিয়াম, পটাছিয়াম, আইৰণ, ফছফৰাছ আদি মৌল পোৱা যায় ৷ ইয়াৰ উপৰিও এই ফলত ভিটামিন এ, বি আৰু চিও প্ৰচুৰ পৰিমাণে পোৱা যায় ৷
হৃদৰোগৰ পৰা ৰক্ষা কৰে
বহু ৰোগত বেলক অতি উপকাৰী বুলি গণ্য কৰা হয় ৷ কিন্তু বিশেষকৈ পেট আৰু হৃদৰোগৰ পৰা ৰক্ষা কৰাত বেলে এক বিশেষ ভূমিকা পালন কৰে ৷ বেলৰ প্ৰদাহ কমোৱাৰ ক্ষমতা আছে ৷ ইয়াৰ লগতে ই জণ্ডিচ আৰু আলচাৰ আঁতৰোৱাৰ লগতে ৰোগ প্ৰতিৰোধ ক্ষমতা বৃদ্ধি কৰাত সহায়ক ৷
কলেষ্টেৰলত উপকাৰী
বিশেষজ্ঞসকলৰ মতে, বেল আমাৰ হজম শক্তিৰ বাবে অতি উপকাৰী ৷ বেলত প্ৰচুৰ পৰিমাণে আঁহ থাকে ৷ আঁহে আমাৰ হজম শক্তি শক্তিশালী কৰাৰ কাম কৰে ৷ ইয়াৰ উপৰিও শৰীৰৰ শিৰাত জমা হোৱা বেয়া কলেষ্টেৰল কমোৱাতো ই সহায় কৰে ৷
কেনেকৈ খাব লাগে
বেল বহু ধৰণে খাব পাৰি ৷ দৰাচলতে ইয়াক বেছিভাগেই চৰবত হিচাপে খায় ৷ কিন্তু আপুনি খালীকৈও বেল ভাঙি তাৰ ভিতৰৰ অংশখিনি উলিয়াই খাব পাৰে ৷ ইয়াৰ বাহিৰেও ইয়াৰ ভিতৰৰ অংশখিনি উলিয়াই ৰাতি পানীত তিয়াই পিচদিনা পুৱা খালে উপকাৰিতা লাভ কৰিব পাৰি ৷
