ফাকুৱা উৎসৱত ৰঙেৰে খেলাৰ সমান্তৰালকৈ বহু প্ৰকাৰৰ খাদ্যও উপভোগ কৰা হয় ৷ কিন্তু এই সময়ত স্বাস্থ্যক আওকাণ কৰিবও নোৱাৰি । বিশেষকৈ ডায়েবেটিছ ৰোগীৰ বাবে এয়া এক চিন্তাৰ বিষয় হৈ পৰে ৷ যদি আপুনি মিঠা খাদ্য খাই আৰু আপুনি এগৰাকী ডায়েবেটিছ ৰোগী তেন্তে হোলী উপলক্ষে আজিৰ এই বিশেষ প্ৰতিবেদন আপোনাৰ বাবে ৷ কিছুমান সহজ উপায়েৰে আপুনি ঘৰতে কিছুমান ডেজাৰ্ট প্ৰস্তুত কৰিব পাৰে যিবোৰ ডায়েবেটিছ ৰোগীৰ বাবে উত্তম, অৰ্থাৎ যিবোৰত বেছি চৰ্বি আৰু চেনি নাথাকে ৷
হোলী উপলক্ষে টেঙা-মিঠা খাদ্যৰ লগতে গুঝিয়া, ৰসগোল্লা আদি বহু ধৰণৰ মিঠাই প্ৰস্তুত কৰা হয় ৷ যদি আপোনাৰ ঘৰত কোনোবাই ডায়েবেটিছত আক্ৰান্ত হয়, তেন্তে আপুনি কিছুমান তলত উল্লেখিত এইসমূহ সোৱাদযুক্ত আৰু স্বাস্থ্যকৰ ডেজাৰ্ট বনাব পাৰে যিবোৰত সম্পূৰ্ণ চুগাৰ ফ্ৰী ৷ ইয়াৰ ফলত ৰক্তশৰ্কৰা বৃদ্ধিৰো কোনো ভয় নাই ৷ গতিকে জানি ইয়াৰ ৰেচিপি-
ডিপ ফ্ৰাই কৰাৰ সলনি বেকড গুজিয়া
হোলীত যদি গুঝিয়া নাখায় তেন্তে আধৰুৱা যেন লাগে ৷ যদি আপুনি ফিটনেছ ফ্ৰিক বা ডায়েবেটিছ ৰোগী তেন্তে ডিপ ফ্ৰাইৰ পৰিৱৰ্তে বেকড গুজিয়া বনাওক ৷ ইয়াৰ বাবে ঘেঁহুৰ আটা, এক চতুৰ্থ কাপ দেশী ঘিউ, মাৱা, মিহিকৈ কটা কাজু বাদাম, পিষ্টা, কাঠবাদাম, ইলাচিৰ গুড়ি, গাখীৰ, কুটি লোৱা নাৰিকলৰ প্ৰয়োজন হ’ব ৷
তৈয়াৰ কৰাৰ পদ্ধতি
প্ৰথমে ঘেঁহুৰ আটাত ঘিউ দি হাতেৰে ভালদৰে মিহলাই তাৰ পিছত কুহুমীয়া পানীৰে কোমলকৈ মঠি লওক ৷ এতিয়া মিহি কাপোৰেৰে ঢাকি এফালে ৰাখিব ৷ কেৰাহীত ঘিউ অলপ দি আটাইকেইটা বাদাম মধ্যমীয়া জুইত দুই-তিনি মিনিট ভাজিব আৰু লগতে মাৱাখিনিও লাহে লাহে ভাজিব ৷ সকলো ঠাণ্ডা হ’লে এটা বাটিত মাৱা, ইলাচিৰ গুড়ি আৰু বাকী থকা বাদাম মিহলাই ষ্টাফিঙখিনি প্ৰস্তুত কৰি লওক ৷ এতিয়া সকলো গুজিয়া এটা এটাকৈ প্ৰস্তুত কৰি বেকিং ট্ৰেত স্থানান্তৰিত কৰক ৷ এতিয়া দেশী ঘিউৰে ব্ৰাছ কৰি ১৫ৰ পৰা ২০ মিনিট ২০০ ডিগ্ৰী প্ৰি-হিটত বেক কৰক ৷
স্বাস্থ্যকৰ বাদামৰ কেক
কি কি উপাদানৰ প্ৰয়োজন?
কেক বনাবলৈ দৈ, ঘেঁহুৰ আটা, অলপ অলিভ অইল, ভেনিলা এচেন্স, গাখীৰ, বেকিং পাউদাৰ আৰু কটা কাঠবাদামৰ প্ৰয়োজন হ’ব ৷ সোৱাদৰ বাবে অলপ গুৰ দিব পাৰে ৷
এনেকৈ কেক প্ৰস্তুত কৰক
প্ৰথমে এটা বাটিত ঘেঁহুৰ আটা আৰু বেকিং পাউদাৰ মিহলাই এফালে ৰাখিব ৷ এতিয়া এটা বাটিত দৈ, গুৰ আৰু তেল দি ভালদৰে মিহলাই লওক, লগতে তাত ভেনিলা এচেন্স আৰু গাখীৰ দিব ৷ প্ৰস্তুত কৰা মিশ্ৰণটো ঘেঁহুৰ আটাৰ লগত মিহলাই মসৃণ বেটাৰ প্ৰস্তুত কৰক ৷ বেকিং ট্ৰে এখনত বাটাৰ পেপাৰেৰে গ্রীজ কৰি তাত বেটাৰখিনি স্থানান্তৰিত কৰক ৷ ওপৰত কটা কাঠবাদাম ছটিয়াই দিব ৷ ১৮০ ডিগ্ৰী প্ৰি-হিটত প্ৰায় ৩০ৰ পৰা ৩৫ মিনিট বেক কৰক ৷
লগতে পঢ়ক: মানসিক চাপৰ পৰা সকাহ পাবলৈ এমাহৰ বাবে সংগী কৰি লওক এইসমূহ অভ্যাসক; নিজেই দেখিব ফলাফল
