ভাৰতত বাৰিষাৰ প্ৰভাৱ আৰম্ভ হৈছে ৷ প্ৰচণ্ড আৰু অবিৰত বৰষুণৰ বাবে বহু ঠাইত পানী বাঢ়িবলৈ আৰম্ভ কৰিছে, যাৰ বাবে ডেংগু আৰু চিকুনগুনিয়া মহৰ প্ৰজনন আৰম্ভ হয় ৷ এই মহে যেতিয়া আমাক কামোৰে তেতিয়া আমাৰ স্বাস্থ্যৰ অৱনতি ঘটিব পাৰে লগতে সময়ত চিকিৎসা গ্ৰহণ নকৰিলে মৃত্যুও হ’ব পাৰে ৷ কিন্তু যদি এই ৰোগে আপোনাৰ শৰীৰত দেখা দিয়ে তেন্তে সেই জ্বৰ ডেংগু বা চিকুনগুনিয়া হয় নে নহয় সেয়া আপুনি কেনেকৈ গম পাব ৷
ডেংগু আৰু চিকুনগুনিয়াৰ মাজত পাৰ্থক্য
ডেংগু আৰু চিকুনগুনিয়া দুয়োটা ৰোগ মহে কামোৰাৰ ফলত হয় ৷ ফ্লেভিভাইৰাছ প্ৰজাতি ডেংগুৰ বাবে দায়ী ৷ আনহাতে চিকুনগুনিয়া আলফাভাইৰাছ প্ৰজাতিৰ দ্বাৰা হয় ৷ এই দুয়োটা ৰোগতে জ্বৰ প্ৰথমে বাঢ়িবলৈ আৰম্ভ কৰে ৷ এনে পৰিস্থিতিত দুয়োটা ৰোগৰ মাজত পাৰ্থক্য কেনেকৈ কৰিব পাৰি জানো আহক ৷
ডেংগুৰ লক্ষণ
যদি কেতিয়াবা মহৰ কামোৰৰ বাবে জ্বৰ হয়, প্ৰথমে আইনাত চকু চাওক, যদি ৰঙা হয় তেন্তে বুজিব যে আপোনাৰ ডেংগু হৈছে ৷ এই ৰোগত ছালৰ ৰং পাতল ৰঙা হয় ৷ সাধাৰণতে এই জ্বৰ ৩ৰ পৰা ৪ দিনলৈকে থাকে, যাৰ বাবে তেজত প্লেটলেট কমিবলৈ আৰম্ভ কৰে ৷ এনে পৰিস্থিতিত মুখৰ সোৱাদৰ পৰিৱৰ্তন, মূৰ ঘূৰোৱা, বমি হোৱা আনকি মূৰ্চ্ছা যোৱাৰ সন্মুখীন হ’বলগীয়া হ’ব পাৰে ৷ বেয়া অৱস্থাত শৰীৰৰ উষ্ণতা ১০৪ ডিগ্ৰী ফাৰেনহাইট পৰ্যন্ত হয় ৷
চিকুনগুনিয়াৰ লক্ষণ
ডেংগুৰ দৰে চিকুনগুনিয়াতো প্ৰথমে জ্বৰ হয়, লগতে গাঁঠিত বিষ হয় যিটো কেতিয়াবা সহ্য কৰিব নোৱৰা হৈ পৰে ৷ এই জ্বৰ কমি গ’লেও ইয়াৰ প্ৰভাৱ বহু দিনলৈকে থাকে ৷ চিকুনগুনিয়াত চকুৰ বিষ আৰু ডিঙিৰ বিষৰ অভিযোগো দেখা যায় ৷
ডেংগু আৰু চিকুনগুনিয়াৰ পৰা কেনেকৈ হাত সাৰিব পাৰি ?
1. এই ৰোগবোৰৰ পৰা হাত সাৰিবলৈ উপায় হ'ল মহক বংশবৃদ্ধি
কৰিবলৈ নিদিয়া
2. যদি কুলাৰটো পৰিষ্কাৰ কৰা সম্ভৱ নহয়, তেন্তে তাত 2 চামুচ কেৰাচিন তেল দিব লাগে
3. ৰাতি হওক বা দিনেই হওক, আঁঠুৱা তৰি শুলে এই ৰোগৰ পৰা হাত সাৰিব পৰা যায়
4. ঘৰৰ আশে-পাশে থকা টায়াৰ, নাৰিকলৰ কোকোৰা, কোনো প্লাষ্টিকৰ বটল আদিত পানী জমা হ’বলৈ নিদিব
5. সন্ধিয়াৰ সময়ত বিশেষকৈ এই বাৰিষাৰ বতৰত ধূপ-ধূনা জ্বলোৱাৰ অভ্যাস গঢ়ি তোলক
লগতে পঢ়ক: ৰাজ্যত ডেংগুৰ প্ৰাদুৰ্ভাৱ: তৎপৰ স্বাস্থ্য বিভাগ - Assam dengue cases
