ব্ৰেকফাষ্ট দিনটোৰ আটাইতকৈ গুৰুত্বপূৰ্ণ বস্তু আৰু ইয়াত কেৱল স্বাস্থ্যকৰ বস্তুহে অন্তৰ্ভুক্ত কৰিব লাগে । শিশুক ব্ৰেকফাষ্টৰ বাবে স্বাস্থ্যসন্মত বস্তু খালে গোটেই দিনটো শক্তি লাভ কৰে । আনহাতে, যদি আপুনি তেওঁলোকক ব্ৰেকফাষ্টত লঘু বা অস্বাস্থ্যকৰ কিবা এটা খুৱায়, তেন্তে শিশুটি সোনকালে ভাগৰি পৰে ।
সেয়েহে আজি আমি আপোনালোকৰ বাবে এনে কিছুমান ব্ৰেকফাষ্টৰ বিকল্প লৈ আহিছো যি আপোনাৰ শিশুৰ শৰীৰত ভৰপূৰ শক্তিৰ যোগান ধৰিব ৷
- ওটচ ইডলি
শিশুৱে পোনপটীয়াকৈ ওটছ নাখায় যদিও আমি সকলোৱে জানো যে ওটছত বহুতো পুষ্টিকৰ উপাদান থাকে ৷ ওটছ ইডলি বনাই খুৱাব পাৰে ৷ ওটছ ইডলী দেখাত বেলেগ হ’ব আৰু ল’ৰা-ছোৱালীয়ে ইয়াক চাবলৈ অস্বীকাৰ নকৰে ৷ ইয়াত কেলৰি কম থকাই নহয় ইয়াত প্ৰচুৰ পৰিমাণে প্ৰ’টিন, খনিজ পদাৰ্থ, বহু ধৰণৰ ভিটামিন আৰু আঁহযুক্ত উপাদায় থাকে ৷ এই ৰেচিপিৰ জৰিয়তে শিশুৱে সোৱাদৰ লগতে পুষ্টিও লাভ কৰিব ৷
- শাক-পাচলিযুক্ত মছলা ডোছা
ডোছাও অতি স্বাস্থ্যকৰ আৰু ইয়াক খালে শিশুৰ পেট সোনকালে ভৰি পৰে ৷ চাটনি বা আলুৰ তৰকাৰী দি খুৱাব পাৰে ৷ ডোছাৰ ভিতৰত শাক-পাচলিও দিব পাৰে যিয়ে ইয়াৰ পুষ্টি আৰু অধিক বৃদ্ধি কৰিব ৷ আলুৰ লগতে পনীৰ, গাজৰ আৰু কেপচিকাম আদি দিব পাৰে ৷
- উপমা
আপুনি অতি সোনকালে উপমা প্ৰস্তুত কৰিব পাৰে ৷ শিশুৰ ৰুচি অনুসৰি বনাব পাৰে ৷ উদাহৰণস্বৰূপে, যদি শিশুৱে মছলাযুক্ত খাদ্য যদি বেছিকৈ ভাল পায়, তেন্তে তাত থকা মছলা দিব পাৰে, কিন্তু যদি শিশুৱে মছলা কমকৈ ভাল পায়, তেন্তে ইয়াক কম মছলাযুক্ত কৰি তৈয়াৰ কৰিব পাৰে ৷
- পৰঠা
পুৱা পৰঠা খালে পেট সোনকালে ভৰি পৰে আৰু বহু সময়লৈকে ভোক অনুভৱ নহয় ৷ শিশুটিক তেওঁৰ পছন্দৰ শাক-পাচলিৰ পৰা তৈয়াৰী পৰঠা খুৱাব পাৰে ৷ আলু, কবি, বিট বা কবি আদিৰ পৰঠা বনাই পুৱাৰ ব্ৰেকফাষ্টত শিশুক খুৱাব পাৰে ৷
- পোহা
ব্ৰেকফাষ্টৰ বাবেও পোহা অতি স্বাস্থ্যকৰ বিকল্প ৷ শিশুৰ পছন্দৰ শাক-পাচলি দি পৰিবেশন কৰিব পাৰে ৷ ইয়াক ৰান্ধিবলৈ বেছি সময় নালাগে আৰু ইয়াৰ পুষ্টিকৰ গুণাগুণ অতি বেছি ৷ ইয়াত শুকান ফলো অন্তৰ্ভুক্ত কৰিব পাৰে ৷
- মগু দালিৰ চিল্লা
চিল্লা দক্ষিণ ভাৰতীয় ডোছা আৰু মগু দালিৰ সৈতেও বনাব পাৰে ৷ শিশুৰ পেটৰ বাবে মগু দালি খুবেই ভাল ৷ ইয়াত আপুনি paneer ষ্টাফ কৰিব পাৰে ৷ ই লঘু আৰু পুষ্টিকৰ উপাদানৰে ভৰপূৰ লগতে খাবলৈও সোৱাদযুক্ত হয় ৷
