হোলীৰ উৎসৱ আহি পোৱাৰ লগে লগে সকলোৰে মনবোৰ সুখ তথা আনন্দেৰে ভৰি পৰে৷ ৰং অবিহনে হোলীৰ উৎসৱ আধৰুৱা ৷ ৰঙেৰে খেলিলেজহে হোলী উপভোগ কৰিব পাৰি ৷ আজিকালি বজাৰত বহুতো ৰাসায়নিক আৰু কৃত্ৰিম ৰং আহিছে, যিবোৰ মুখ আৰু চুলিত লাগিলে আমাৰ ছাল আৰু বিশেষকৈ চুলি নষ্ট হ’ব পাৰে ৷ সেয়ে এনে ক্ষেত্ৰত চুলিৰ যত্ন লোৱাটো খুবেই জৰুৰী ৷
যদি আপুনি কোনো চিন্তা নকৰাকৈ হোলী উৎসৱ উপভোগ কৰিব বিচাৰে তেন্তে বিশেষকৈ আপোনাৰ ছালৰ লগতে চুলিৰ যত্ন লোৱাটো খুবেই জৰুৰী ৷ সেয়ে আজি এই প্ৰতিবেদনৰ জৰিয়তে আমি আপোনালোকক এনে 4বিধ তেলৰ বিষয়ে ক’বলৈ ওলাইছো, যাক প্ৰয়োগ কৰা পিচত হোলীৰ ৰঙৰ বাবে আপোনাৰ চুলি একেবাৰেই নষ্ট নহয় ৷ জানো আহক এই 4বিধ তেলৰ বিষয়ে ৷
সৰিয়হৰ তেল
চুলিৰ স্বাস্থ্যৰ বাবে সৰিয়হৰ তেল অতি উপকাৰী বুলি গণ্য কৰা হয় ৷ এইটো প্ৰয়োগ কৰিলে চুলিত স্বাভাৱিক ৰূপ পোৱা যায় ৷ ইয়াৰ উপৰিও ই চুলিৰ ডিপ কণ্ডিচনিংও কৰে ৷ হোলীৰ ৰঙৰ পৰা চুলিক ৰক্ষা কৰাত এই তেল অতি ফলপ্ৰসূ ৷ সৰিয়হৰ তেল অলপ গৰম কৰি চুলিত লগাওক ৷ ইয়াৰ ফলত ৰং সোনকালে আঁতৰি যাব ৷
অলিভ অইল
হোলী খেলাৰ আগতে চুলিত অলিভ অইল লগোৱাটোও অতি উপকাৰী বুলি প্ৰমাণিত হ’ব পাৰে ৷ ইয়াত ভিটামিন ই আৰু ওমেগা ৩ ফেটি এচিড পোৱা যায়, যিবোৰ চুলি আৰু ছালৰ বাবে অতি উপকাৰী ৷ অৱশ্যে চুলি বা ছালত লগোৱাৰ ভালদৰে পৰীক্ষা কৰি ল’ব৷
নাৰিকল তেল
হোলীৰ ৰং খেলাৰ আগতে চুলিত কুহুমীয়া নাৰিকল তেল লগাই মালিচ কৰিব ৷ নাৰিকল তেলত থকা পুষ্টিকৰ উপাদানে চুলিৰ গুৰিলৈকে যায় আৰু চুলিক ৰঙৰ পৰা ৰক্ষা কৰে ৷ ইয়াত হাইড্ৰেটিং গুণো থাকে, যাৰ ফলত চুলিক শুকান হোৱাৰ পৰা ৰক্ষা কৰে৷
বাদাম তেল
চুলিত কাঠবাদামৰ তেলো লগাব পাৰে ৷ ইয়াত থকা ভিটামিন ই আৰু ফেটি এচিডে চুলিক আৰ্দ্ৰ কৰি তোলে ৷ ইয়াৰ ফলত আপোনাৰ চুলিৰ ক্ষতি নহয় ৷ ইয়াৰ ফলত চুলিৰ বৃদ্ধিতো সহায় কৰে ৷
লগতে পঢ়ক: হৰম’নে আমাৰ শৰীৰত কেনেদৰে কাম কৰে ? ইয়াৰ অভাৱ বা অতিৰিক্ততা হ’ব পাৰে ক্ষতিকাৰক
