খুব চুলি সৰিছে নেকি ? ব্যৱহাৰ কৰক এইকেইবিধ তেল দুগুণ বৃদ্ধি হ’ব আপোনাৰ চুলি - Best Hair Oil For Hair Growth

Best Hair Oil For Hair Growth: সকলোৱে নিজৰ চুলি ডাঠ আৰু দীঘল হোৱাটো বিচাৰে । কিন্তু আজিকালি ই অলপ কঠিন কাম। কিন্তু বিশেষজ্ঞসকলে কয় যে যিসকলে চুলিৰ বৃদ্ধি ভাল বিচাৰে তেওঁলোকে এই তেলবোৰ চেষ্টা কৰিলে ভাল ফলাফল পাব। সেই তেলবোৰ কি কি?

আজিকালি বহুতে নিজকে ধুনীয়া দেখাবলৈ কত কি যে নকৰে ৷ বিশেষকৈ মহিলাসকলে নিজৰ ছাল, চুলি, মুখমণ্ডল আদিৰ বিশেষ যত্ন লয় ৷ সৌন্দৰ্যৰ ক্ষেত্ৰতো চুলিৰ বিশেষ গুৰুত্ব আছে ৷ বহুতে নিজৰ চুলিৰ সৌন্দৰ্য বৃদ্ধি কৰিবলৈ ষ্ট্ৰেইটনিং,স্পা ইত্যাদি ট্ৰিটমেন্ট কৰে কিন্তু ইয়াৰ দ্বাৰা বহুবাৰ অজানিতে আমি আমাৰ চুলিক নষ্ট কৰি পেলাও ৷ চুলিক ধুনীয়া দেখাবলৈ কেৱল বাহিৰৰ পৰা নহয় ভিতৰৰ পৰাও পুষ্টি প্ৰদান কৰাটো প্ৰয়োজনীয় ৷

কিন্তু আজিকালি পৰিৱৰ্তিত জীৱনশৈলীৰ বাবে বহুতে কম বয়সতে বিভিন্ন ধৰণৰ চুলিৰ সমস্যাৰ সন্মুখীন হৈছে ৷ বিশেষকৈ চুলি সৰা, শুকান হোৱা, ধূসৰ চুলি, উফি আদি বিভিন্ন সমস্যাত ভুগিছে ৷ এই সমস্যাবোৰৰ পৰা পৰিত্ৰাণ পাবলৈ বজাৰত উপলব্ধ বিভিন্ন ধৰণৰ চুলিৰ যত্ন লোৱা সামগ্ৰী আৰু তেল ব্যৱহাৰ কৰা হয় ৷ এই সকলোবোৰ চেষ্টা কৰাৰ পিছতো সঠিক ফলাফল পাবলৈ সক্ষম নহও ৷

কিন্তু আজি আমি এই প্ৰতিবেদনৰ জৰিয়তে আপোনালোকক এনে কেইবিধমান তেলৰ বিষয়ে ক’বলৈ ওলাইছো যাৰ দ্বাৰা আপোনাৰ চুলি দীঘল হোৱাই নহয় বৰঞ্চ কোমল আৰু ঘনো হ’ব ৷ তেন্তে জানো আহক এই তেল কেইবিধ নো কি ?

কালজিৰা তেল: বিশেষজ্ঞসকলে কৈছে যে, কালজিৰা তেল কেৱল স্বাস্থ্যৰ বাবেই নহয়, চুলিৰ বৃদ্ধি কৰাটো অতি উপকাৰী ৷ এই তেল ঘৰতে কেনেকৈ তৈয়াৰ কৰিব জানো আহক..

• প্ৰথমে জুইত নাৰিকল তেল বা অলিভ তেল একাপ গৰম কৰক ৷
• তাত এচামুচ কালজিৰা গুটি দি সিজিব ৷
• তাৰ পিছত এই তেল চেকি বটলত ভৰাই থব ৷
• এই তেলে চুলিত জিংক, আইৰণ, পটাছিয়াম আদি ভিটামিন আৰু খনিজ পদাৰ্থ যোগান ধৰে যাৰ দ্বাৰা চুলি বৃদ্ধিত সহায় কৰে ৷

কাঠবাদাম তেল: দীঘল, ডাঠ চুলিৰ বাবে বিশেষজ্ঞসকলে কয় যে, সপ্তাহত দুবাৰকৈ কাঠবাদাম তেলেৰে মূৰৰ ছাল মালিচ কৰিব পাৰি ৷ কোৱা হয় যে এনে কৰিলে ৰক্ত সঞ্চালন উন্নত হ’ব আৰু এইদৰে চুলিৰ বৃদ্ধি ভাল হ’ব ৷ লগতে কাঠবাদাম তেলৰ দ্বাৰা চুলিৰ গুৰি মজবুত হৈ পৰে ৷ চুলি কোমল হৈ পৰে ৷ চুলিৰ লগত জড়িত সমস্যাবোৰ দূৰ কৰাত সহায় কৰে ৷ ইয়াৰ দ্বাৰা চুলি ফটা, চুলি সৰা সমস্যাৰ পৰা উপশম পোৱা যায় ৷

২০১৫ চনত "International Journal of Dermatology" ত প্ৰকাশিত এক অধ্যয়নত দেখা গৈছে যে কাঠবাদাম তেলে চুলিৰ বৃদ্ধিত সহায় কৰে আৰু চুলি শক্তিশালী হোৱাত সহায় কৰে ৷ নিউয়ৰ্ক চহৰৰ মাউণ্ট চিনাই স্কুল অৱ মেডিচিনৰ ছালৰ ৰোগ বিভাগৰ অধ্যাপক ডাঃ জন ডব্লিউৱে এই গৱেষণা চলাইছিল

নৰসিংহ পাতৰ তেল: নৰসিংহ পাতৰ পৰা তৈয়াৰী তেলে চুলি দীঘল আৰু ডাঠ কৰি তোলাই নহয়, চুলিৰ অকালতে ধূসৰ হোৱাৰ সম্ভাৱনাও হ্ৰাস কৰে বুলি বিশেষজ্ঞসকলে কয় ৷ সেইটোৰ কাৰনে..

• ১০০ গ্ৰাম তেলত কেইটামান নৰসিংহ পাত দি ভালদৰে সিজাই লওক ৷
• ঠাণ্ডা হোৱাৰ পিছত চেকি লৈ কাঁচৰ বটলত ৰাখিব ৷
• এই তেল আন যিকোনো তেলৰ দৰে মূৰৰ ছালৰ মালিচত ব্যৱহাৰ কৰিব পাৰি ৷

পিঁয়াজ তেল: বিশেষজ্ঞসকলৰ মতে পিঁয়াজত থকা পুষ্টিকৰ উপাদানসমূহ চুলিৰ স্বাস্থ্যৰ বাবে অতি উপকাৰী ৷ বিশেষজ্ঞসকলৰ মতে বিশেষকৈ পিঁয়াজৰ এন্টি-ফাংগেল, এন্টি-বেক্টেৰিয়েল আৰু এন্টি-ইনফ্লেমেটৰী গুণ চুলিৰ সমস্যা দূৰ কৰাত অতি ফলপ্ৰসূ, এই সকলোবোৰে চুলি সৰি পৰাত বাধা দিয়ে আৰু চুলি ডাঠ, শক্তিশালী আৰু স্বাস্থ্যকৰ কৰি তোলে ৷ ইয়াক তৈয়াৰৰ পদ্ধতি জানো আহক-

সৰু সৰু পিঁয়াজ নাৰিকল তেলত দি ভালদৰে ভাজি ঠাণ্ডা কৰি তাৰ পিছত চেকি গ্লাছৰ বটলত ভৰাই থব ৷

• এই তেল সপ্তাহত দুবাৰ বা তিনিবাৰ ৰাতি চুলিত লগালে পিছদিনা পুৱা চুলিখিনি ধুই ল‘ব ৷
• এনে কৰিলে চুলি দুগুণ সুস্থ হৈ উঠিব ৷

লগতে পঢ়ক: প্ৰতিগৰাকী লোকৰ বাবে নিয়মীয়াকৈ স্বাস্থ্য পৰীক্ষা কৰাটো কিয় জৰুৰী ? - HEALTH TIPS