চিটাৰা ডেস্ক, 22 মে’ : ছ’চিয়েল মিডিয়াই ৰাজপথৰ পৰা তুলি মানুহক ধনী কৰি তুলিছে । আজি ইনষ্টাগ্ৰাম ৰীলছ, ইউটিউব আৰু বহুতো ছ’চিয়েল মিডিয়া প্লেটফৰ্মৰ জৰিয়তে দৰিদ্ৰতাত কোঙা হৈ থকা লোকসকলে সফলতাৰ বাট দেখিছে । এই তালিকাত নাম আহি পৰে ইউটিউবাৰ অৰমান মালিকৰ । হয়, যাৰ দুগৰাকী পত্নী আছে, সেই অৰমান মালিকেই ।
অৰমান মালিকে দুয়োগৰাকী পত্নীৰ সৈতে বহু ৰীলছ প্ৰস্তুত কৰে ৷ অৰমান মালিকে কেৱল পত্নীৰ সৈতে নহয়, সমগ্ৰ পৰিয়ালৰ সৈতে ৰীলছ বনাই কোটি কোটি লাইক সংগ্ৰহ কৰে । এতিয়া অৰমান মালিক মাত্ৰ ডেৰ-দুবছৰতে ইমানেই ধনী হৈ পৰিছে যে বলীউডৰ বহু অভিনেতাৰো ইমান সম্পত্তি হয়তো নাই ।
অট্টালিকাটো কিনিছে অৰমানে:
শেহতীয়াকৈ অৰমানে এক সাক্ষাৎকাৰত নিজৰ উপাৰ্জনৰ বিষয়ে প্ৰকাশ কৰিছে, যি কথা জানি আপোনাৰ চকু কপালত উঠিব ৷ অৰমান মালিকে কৈছে যে অৰমান মালিক থকা অট্টালিকাটোত ১০টা এপাৰ্টমেণ্টৰ ভিতৰত ১০টা তেওঁৰেই । সম্পাদক আৰু কেমেৰামেন তেওঁৰ সৈতে এই অট্টালিকাটোত থাকে ৷
2 জন চালক আৰু 9 জন সেৱক
অৰমানে 4 টা ফ্লেটত তেওঁৰ পৰিয়ালৰ সৈতে ৰজাৰ দৰে বাস কৰে । কেৱল এয়াই নহয়, এই ভৱনটোত অৰমানৰ নিজা ষ্টুডিঅ'ও আছে । এইবোৰৰ বাহিৰেও, এই ফ্লেটবোৰত 9 জন সেৱক, 2 জন চালক আৰু তেওঁলোকৰ দেহৰক্ষীও আছে । অৰমানৰ মতে, তেওঁৰ মুঠ সম্পত্তি হৈছে 100-200 কোটি, যিটো গোটেই পৰিয়ালৰ উপাৰ্জন । অৰমান আৰু তেওঁৰ পৰিয়ালে কেৱল ইউটিউবৰ পৰাই এয়া উপাৰ্জন কৰিছে । আটাইতকৈ ডাঙৰ কথাটো হ'ল যে এই সম্পত্তি 10 বা 15 বছৰত নহয়, মাত্ৰ আঢ়ৈ বছৰতে ঘটিছে ৷
এটা সময়ত দুখীয়াৰ জীৱন-যাপন কৰিছিল অৰমানে
আপুনি জানি আচৰিত হ’ব যে অৰমান মালিকে এসময়ত শ্ৰমিকৰ লগত মিস্ত্ৰী হিচাপে কাম কৰিছিল । অষ্টম শ্ৰেণীত অৰমান মালিকক দুবাৰকৈ বহিষ্কাৰ কৰা হৈছিল আৰু তাৰ পিচত তেওঁ ঘৰৰ পৰা পলাই গৈছিল ৷ ঘৰলৈ উভতি অহাৰ পিচত দেউতাকে তেওঁক বেয়াকৈ প্ৰহাৰ কৰিছিল । ইয়াৰ পিচত অৰমানে গাড়ীৰ কাম কৰিবলৈ শিকিলে ৷ অৰমান মালিকৰ মাকে কৈছিল যে তেওঁৰ পুত্ৰক হিৰো যেন লাগে, মেকানিকৰ কাম কৰিলে কোনেও বিয়া নাপাতিব ।
লগতে পঢ়ক : কাঁ মহোৎসৱত কাৰ সাজ চকুত লাগিল সোনম কাপুৰৰ ? - Nancy Tyagi cannes look
