চিটাৰা ডেস্ক, 20 ছেপ্টেম্বৰ : নিউ জাৰ্ছিৰ এডিচনত মুকুট পিন্ধাৰ পিছত ধ্ৰুৱীয়ে কয়, “মিছ ইণ্ডিয়া ৱৰ্ল্ডৱাইড জয় কৰাটো এটা ডাঙৰ সন্মান । ই এটা মুকুটতকৈয়ো বেছি । এইটোৱেই মোৰ ঐতিহ্য, মোৰ মূল্যবোধ আৰু বিশ্ব পৰ্যায়ত আনকো অনুপ্ৰাণিত কৰে ।”
পি টি আইৰ মতে, চুৰিনামৰ লিছা আব্দোয়েলহাক উক্ত প্ৰতিযোগিতাত প্ৰথম ৰানাৰ-আপ ঘোষণা কৰা হয় । নেডাৰলেণ্ডৰ মালবিকা শৰ্মাক দ্বিতীয় ৰানাৰ-আপ ঘোষণা কৰা হয় । মিছেজ শাখাত, ত্ৰিনিদাদ আৰু টোবাগোৰ চুয়ান মৌটেট বিজয়ী হয়, আনহাতে স্নেহা নাম্বিয়াৰে প্ৰথম আৰু যুক্তৰাজ্যৰ পৱনদীপ কৌৰে দ্বিতীয় স্থান অধিকাৰ কৰে ।
VIDEO | Dhruvi Patel, a Computer Information System student from USA, has been declared as the winner of Miss India Worldwide 2024, the longest running Indian pageant outside India.
— Press Trust of India (@PTI_News) September 20, 2024
READ: https://t.co/uUWwqEGEE3
(Full video available on PTI Videos - https://t.co/n147TvqRQz) pic.twitter.com/z3ZLY7zwba
কিশোৰ শ্ৰেণীত, গুয়াডেলুপৰ চিয়েৰা চুৰেটক মিছ টিন ইণ্ডিয়া ৱৰ্ল্ডৱাইডৰ মুকুট পিন্ধোৱা হয় । নেডাৰলেণ্ডৰ শ্ৰেয়া সিঙক প্ৰথম ৰানাৰ-আপ ঘোষণা কৰা হয়, আনহাতে চুৰিনামৰ শ্ৰদ্ধা টেডজোক দ্বিতীয় ৰানাৰ-আপ ঘোষণা কৰা হয় ।
নিউয়ৰ্কস্থিত ইণ্ডিয়া ফেষ্টিভেল কমিটীৰ উদ্যোগত এই সৌন্দৰ্য্য প্ৰতিযোগিতাৰ আয়োজন কৰা হয় । নেতৃত্বত আছে ভাৰতীয়-আমেৰিকান নীলম আৰু ধৰ্মত্মা সৰণ । এই প্ৰতিযোগিতাখনে এইবাৰ 31 বছৰ সম্পূৰ্ণ কৰিছে ।
ধ্ৰুৱী পেটেল কোন ?
সংবাদ মাধ্যমৰ বাতৰি অনুসৰি ধ্ৰুৱী পেটেল কুইনিপিয়াক বিশ্ববিদ্যালয়ৰ কম্পিউটাৰ ইনফৰ্মেশ্যন চিষ্টেমছৰ ছাত্ৰ । ধ্ৰুৱীৰ ইনষ্টাগ্ৰামত 18.6 হাজাৰৰো অধিক ফ’ল’ৱাৰ আছে । 2023 চনত ধ্ৰুৱীয়ে মিছ ইণ্ডিয়া নিউ ইংলেণ্ডৰ মুকুট পিন্ধিছিল । ঘৰৰ পৰাই থ্ৰীডি চেৰিটিজ নামৰ এটা অলাভজনক সংস্থা চলাই আছে তেওঁ । স্বেচ্ছাসেৱী কামৰ লগতে আৰ্তজনৰ বাবে খাদ্য সংগ্ৰহ আৰু ধন সংগ্ৰহো কৰে তেওঁ । ইয়াৰ উপৰিও ইউনিচেফ আৰু ফিডিং আমেৰিকাৰ দৰে দাতব্য সংস্থালৈও তেওঁ অৰিহণা আছে ।
লগতে পঢ়ক : বিয়াৰ পিছত হাতত হাত ধৰি প্ৰথমবাৰৰ বাবে ৰাজহুৱাকৈ অদিতি-সিদ্ধাৰ্থ - ADITI RAO AND SIDDHARTH WEDDING
