চিটাৰা ডেস্ক, ৯ মাৰ্চ: অনন্ত আম্বানী আৰু ৰাধিকা মাৰ্চেণ্টৰ প্ৰি-ৱেডিং অনুষ্ঠানৰ অন্ত পৰিল ৷ মুকেশ আম্বানী আৰু নীতা আম্বানীয়ে সৰু পুত্ৰৰ প্ৰি-ৱেডিং অনুষ্ঠান অতি ধুমধামেৰে উদযাপন কৰে ৷ ১ মাৰ্চৰ পৰা ৩ মাৰ্চলৈকে চলিছিল এই অনুষ্ঠান ৷ এই অনুষ্ঠানত দেশ-বিদেশৰ বহু ডাঙৰ ডাঙৰ চেলিব্ৰিটিক নিমন্ত্ৰণ জনোৱা হৈছিল । বলীউডৰ তাৰকাসকলেও এই উদযাপনত অংশগ্ৰহণ কৰিছিল ।
ৰণবীৰ সিং আৰু দীপিকা পাডুকনেও খুব আনন্দ কৰিছিল এই অনুষ্ঠানত, গৰ্ভৱতী দীপিকাই এই অনুষ্ঠানত এক সুন্দৰ নৃত্য প্ৰদৰ্শন আগবঢ়াইছিল । এতিয়া অনন্ত আৰু ৰাধিকাৰ অনুষ্ঠানৰ বহু ছবি আৰু ভিডিঅ’ ছ’চিয়েল মিডিয়াত ভাইৰেল হৈ পৰিছে হৈ পৰিছে । এনে পৰিস্থিতিত শেহতীয়াকৈ ৰাধিকাৰ এনে এটা ভিডিঅ’ ওলাইছে, যিয়ে অনুৰাগীৰ হৃদয় জয় কৰিবলৈ সক্ষম হৈছে ।
গুজৰাটী ষ্টাইলত দম্পতীক শুভেচ্ছা জনালে ৰাধিকাই
ভিডিঅ’টোত আম্বানী পৰিয়ালৰ কনিষ্ঠ বোৱাৰীয়ে ৰণবীৰ সিং আৰু দীপিকা পাডুকনক গুজৰাটী শৈলীত অভিনন্দন জনাইছে । অনুষ্ঠানত ৰাধিকাই মঞ্চৰ পৰা কয়, ‘‘বহুত বহুত ধন্যবাদ । এতিয়া ৰণবীৰ সিং আৰু দীপিকা পাডুকনৰ পৰিয়াল দুটাৰ পৰা বৃদ্ধি হ’বলৈ গৈ আছে । ইয়াৰ বাবে আমাৰ জামনগৰ পৰিয়ালৰ পৰা আপোনাৰ পৰিয়াললৈ অভিনন্দন । ’’
সমাৱেশত ৰাধিকা মাৰ্চেণ্টে ৰণবীৰ-দীপিকাক যি ধৰণে ধন্যবাদ জনাইছে আৰু তেওঁলোকৰ আগন্তুক সন্তানটিৰ বাবে যিদৰে অভিনন্দন জনাইছে, সেয়া দেখি ৰণবীৰেও ৰাধিকাক ধন্যবাদ জনায় । অনন্ত-ৰাধিকাৰ প্ৰি-ৱেডিং অনুষ্ঠানৰ এই ভিডিঅ’টোৱে সকলোৰে হৃদয় চুই গৈছে । ছ’চিয়েল মিডিয়াত সকলোৱে এতিয়া ৰাধিকাৰ প্ৰশংসাত পঞ্চমুখ হোৱা দেখা গৈছে ৷
লগতে পঢ়ক: পুনৰ ভাইৰেল আলিয়া-ৰণবীৰৰ সৈতে কন্যা ৰাহাৰ এটি মৰমলগা ভিডিঅ’
