চিটাৰা ডেস্ক, 6 আগষ্ট : অকস্মাতে চৰ্চালৈ আহিল কৃতি সেনন ৷ বন্ধৰ দি কটাবলৈ ভগ্নী আৰু ঘনিষ্ঠ বন্ধুৰ সৈতে গ্ৰীচলৈ গৈছিল অভিনেত্ৰীগৰাকী ৷ সেই ছুটীৰ বাবেই এতিয়া চৰ্চা লাভ কৰিছে বলীউড অভিনেত্ৰী কৃতি সেননে । 27 জুলাইত গ্ৰীচত আপোনজনৰ সৈতে সময় কটাই জন্মদিন উদযাপন কৰিবলৈ ভাৰতৰ পৰা উৰা মাৰিছিল কৃতিয়ে ।
তেৰী বাটো মে এইছা উলঝা জিয়াৰ তাৰকাগৰাকীৰ লগত তেওঁৰ কথিত প্ৰেমিক কবীৰ বাহিয়া, ভগ্নী নূপুৰ সেনন আৰু আন কেইজনমান ঘনিষ্ঠ বন্ধুয়েও যোগদান কৰে । কবীৰৰ সৈতে ধূমপান কৰা ভিডিঅ’ ফাদিল হোৱাৰ খবৰৰ মাজতে মুম্বাই বিমানবন্দৰত দেখা গ’ল অভিনেত্ৰীগৰাকীক ।
মঙলবাৰে পুৱা বিমানবন্দৰত কৃতি সেননক পাপাৰাজ্জীয়ে ফটো তোলে ৷ চুটি ক'লা পোছাকত ধুনীয়া দেখা গৈছিল কৃতিক । ক'লা মিনি পোছাকত শীতল, সৰল আৰু আকৰ্ষণীয় লুকেৰে বিমানবন্দৰত উপস্থিত হয় কৃতি । সংবাদ মাধ্যমৰ লোকসকলৰ সৈতে বাৰ্তালাপ কৰোঁতে কৃতিৰ মুখত হাঁহি দেখিবলৈ পোৱা গৈছে আৰু তেওঁ অনুৰাগীসকলৰ সৈতে চেল্ফিও তোলে ।
লগতে পঢ়ক : অতিমাত্ৰা সৌন্দৰ্যৰ বাবেও আহে প্ৰত্যাখ্যান ! - celebs rejected for good looks
ডেটিঙৰ উৰাবাতৰিৰ মাজতে কৃতিৰ ধূমপানৰ ভিডিঅ’ আৰু ভেপিঙৰ ফটো ইণ্টাৰনেটত ভাইৰেল হৈ পৰে । সেননে নিজৰ ভ্ৰমণৰ ফটো শ্বেয়াৰ কৰিছে ৷ সাগৰৰ পাৰত এটা ভিডিঅ’ত তেওঁ সময় উপভোগ কৰি থকা দেখা গৈছে, যিটো ভিডিঅ’ত বেকগ্ৰাউণ্ড মিউজিক টাইগাৰ শ্ৰফৰ সৈতে তেওঁৰ প্ৰথম ছবি হিৰ’পণ্টিৰ ‘আ ৰাত ভৰ, জায়ে না ঘৰ’ গানটো বাজি আছে ।
তাৰ পিচত তেওঁ বন্ধুত্ব দিৱসত তেওঁৰ ভগ্নী নূপুৰ সেননৰ সৈতে ফটো শ্বেয়াৰ কৰি লিখে, "মই তোমাৰ সৈতে থাকোঁতে নিজকে ভালপাওঁ । জীৱনৰ বাবে মোৰ সৰ্বশ্ৰেষ্ঠ বন্ধুৰ সৈতে...। শুভ বন্ধুত্ব দিৱস সকলোকে !!"
অৱশ্যে, অভিনেত্ৰীগৰাকীয়ে কবীৰৰ সৈতে কোনো ফটো পোষ্ট কৰা নাই ৷ সেয়ে এই বিষয়ে অধিক চৰ্চা হৈছে ৷ উৰাবাতৰি স্বত্বেও, সেননে তেওঁৰ ব্যক্তিগত জীৱন সন্দৰ্ভত মন্তব্য দিয়াৰ পৰা বিৰত আছে । পেছাদাৰী ক্ষেত্ৰত, কৃতিক অতি শেহতীয়াকৈ কৰীণা কাপুৰ খান আৰু টাবুৰ সৈতে ক্ৰু চলচ্চিত্ৰত দেখা গৈছিল । এতিয়া দো পট্টি চলচ্চিত্ৰখনৰ প্ৰযোজকৰ দায়িত্বত আছে কৃতি, য'ত কাজলে অভিনয় কৰিব ।
লগতে পঢ়ক : মুম্বাই বিমানবন্দৰত বলীউড তাৰকাৰ ভিৰ, চাওক ভিডিঅ’ - anant radhika wedding
