চিটাৰা ডেস্ক, 13 জুন : তাৰকা দম্পতী বিজয় বাৰ্মা আৰু তামান্না ভাটিয়াই নিজৰ মৰম প্ৰকাশৰ ভংগীৰে অনুৰাগীক আপ্লুত কৰাত কেতিয়াও ব্যৰ্থ নহয় । যেতিয়াই তেওঁলোক ৰাজহুৱাভাৱে ক’ৰবাত উপস্থিত হয়, তেওঁলোকৰ মাজৰ কেমেষ্ট্ৰি স্পষ্টকৈ দেখা পোৱা যায় যিয়ে তেওঁলোকৰ সম্পৰ্কক প্ৰকাশ্যে উপস্থাপন কৰে ৷ ১২ জুনত বিজয় বাৰ্মাই ছ’চিয়েল মিডিয়াত নিজৰ আগন্তুক এমাজন প্ৰাইম ভিডিঅ’ ছিৰিজ মটকা কিঙৰ এখন পোষ্টাৰ শ্বেয়াৰ কৰে, যাৰ চিত্ৰগ্ৰহণ ইতিমধ্যে আৰম্ভ হৈছে ।
বিজয় বাৰ্মাক শক্তিশালী অৱতাৰত দেখুওৱা এই পোষ্টাৰখনে তামান্নাৰ মন-প্ৰাণ কাঢ়ি নিয়ে ৷ তামান্নাই উৎসাহেৰে ছ'চিয়েল মিডিয়াত পোষ্টাৰখন শ্বেয়াৰ কৰি প্ৰেমিকৰ লুকটোৰ প্ৰশংসা কৰে ৷ নিজৰ ইনষ্টাগ্ৰাম ষ্ট’ৰীত পোষ্টাৰখন কেপশ্যন "উফফ" আৰু জুইৰ ইম’জীৰে সৈতে পুনৰ শ্বেয়াৰ কৰে তামান্নাই ৷ বিজয়ে পাচলৈ নিজৰ ইনষ্টাগ্ৰাম ষ্ট’ৰীত তেওঁৰ প্ৰতিক্ৰিয়া পুনৰ শ্বেয়াৰ কৰি মৰমেৰে তেওঁক “বেবী” বুলি সম্বোধন কৰে ।
ক্ৰাইম থ্ৰিলাৰ ছিৰিজ মটকা কিং ৰয় কাপুৰ ফিল্মছৰ অধীনত সিদ্ধাৰ্থ ৰয় কাপুৰ, নাগ্ৰজ মঞ্জুলে, গাৰ্গী কুলকাৰ্ণী, আশীষ আৰ্য়ন আৰু অশ্বিনী সিধৱানীৰ যৌথ প্ৰচেষ্টাত নিৰ্মাণ কৰা হৈছে । নাগৰাজ মঞ্জুলৰ পৰিচালনা আৰু অভয় কোৰান আৰু মঞ্জুলৰ কাহিনীত আধাৰিত এই ধাৰাবাহিকখনৰ কাহিনীভাগ ১৯৬০ চনৰ মুম্বাইৰ পটভূমিত লোৱা হৈছে ৷ কাহিনীটোৱে এজন উদ্যমী কপাহ ব্যৱসায়ীৰ জীৱনৰ পৰিক্ৰমা বৰ্ণনা কৰে, যিয়ে কালক্ৰমত মটকা নামৰ এবিধ নতুন জুৱা খেল উদ্ভাৱন কৰে । কাহিনীৰ অগ্ৰগতিৰ লগে লগে খেলটোৰ অপৰিসীম জনপ্ৰিয়তাই সকলো বাধা অতিক্ৰম কৰি সকলো শ্ৰেণীৰ লোকৰ বাবে সুলভ হৈ উঠে ।
বিজয় বাৰ্মাই মুখ্য চৰিত্ৰত অভিনয় কৰা মটকা কিঙত কৃতিকা কামৰা, সাই তামহাংকৰ, গুলশ্বন গ্ৰ’ভাৰ, আৰু সিদ্ধাৰ্থ যাদৱকে ধৰি কেইবাগৰাকী শীৰ্ষ তাৰকাই অভিনয় কৰিছে । পোষ্টাৰ আৰু প্ৰতিভাৱান অভিনেতা-অভিনেত্ৰীৰ সৈতে মটকা কিঙ আমাজন প্ৰাইম ভিডিঅ’ত দৰ্শকক আকৰ্ষণ কৰিবলৈ সাজু হৈছে ।
লগতে পঢ়ক : হাতত হাত থৈ প্ৰেমিকযুটিয়ে খোজকঢ়া দেখিলে কাৰনো প্ৰেমত পৰিবলৈ মন নাযায় ? - Lovebirds Vijay Tamannaah
