চিটাৰা ডেস্ক, ১৯ মাৰ্চ: আজি মুকলি হ’ল জন আব্ৰাহাম আৰু শৰ্বাৰী ৱাগৰ ছবি ‘বেদা’ৰ জোৰদাৰ টিজাৰ । টিজাৰত জন আব্ৰাহাম আৰু শৰ্বাৰী ৱাগক সম্পূৰ্ণ একশ্যন অৱতাৰত দেখা গৈছে । টিজাৰটোত শৰ্বাৰী ৱাগে চৰকাৰী ব্যৱস্থাৰ বিৰুদ্ধে মাত মতা দেখা গৈছে । ইফালে জন আব্ৰাহামক তেওঁৰ ৰক্ষক হিচাপে যুঁজ দিয়া দেখা গৈছে ।
‘বেদা’ৰ টিজাৰৰ আৰম্ভণি হয় শৰ্বাৰী ৱাগৰ একশ্যন অৱতাৰৰ পৰা । যিয়ে নিজৰ অধিকাৰৰ বাবে যুঁজ দিয়া দেখা যায় । ইয়াৰ পিচত জন আব্ৰাহামৰ প্ৰৱেশ ঘটে আৰু কয় – মই কাজিয়া কৰিব নাজানো, কিন্তু মই যুঁজিব জানো । ইয়াৰ পিচত শত্ৰুৱে তেওঁৰ পৰিচয় সোধাত তেওঁ নিজকে পিতৃ বুলি কয় । ‘বেদা’ৰ টিজাৰত তামন্না ভাটিয়াকো দেখা যায় । তামান্না আৰু জনৰ কেমিষ্ট্ৰী টিজাৰত দেখা যায় ।
- " class="align-text-top noRightClick twitterSection" data="">
১২ জুলাইত মুক্তি পাব ‘বেদা’
জী ষ্টুডিঅ’ৰ প্ৰযোজনাত নিৰ্মিত একশ্যন ছবি ‘বেদা’ৰ পৰিচালনা কৰিছে নিখিল আদৱানীয়ে । ছবিখনত মুখ্য চৰিত্ৰত অভিনয় কৰিছে জন আব্ৰাহাম আৰু শৰ্বাৰী ৱাগে । ইয়াৰ উপৰিও অভিষেক বেনাৰ্জী আৰু তামান্না ভাটিয়াকো দেখা যাব ছবিখনত । চলিত বৰ্ষৰ ১২ জুলাইত ছবিগৃহত মুক্তি পাব ‘বেদা’ ।
ডেৰ বছৰৰ পিচত পৰ্দালৈ উভতি আহিছে জন
উল্লেখ্য যে, জন আব্ৰাহাম ডেৰ বছৰৰ পিচত ‘বেদা’ৰ জৰিয়তে পৰ্দালৈ ঘূৰি আহিছে । অভিনেতাগৰাকীক শেষবাৰৰ বাবে দেখা গৈছিল শ্বাহৰুখ খান অভিনীত ছবি ‘পাঠান’ত । ছবিখনত জনক খলনায়কৰ চৰিত্ৰত দেখা গৈছিল আৰু ছবিখনে বক্স অফিচত আলোড়নৰ সৃষ্টি কৰিছিল ।
লগতে পঢ়ক: এয়াৰ হোষ্টেছ হৈ সোণৰ বিস্কুট লাভ টাবু-কৃতি-কৰীণাৰ, চাওক ক্ৰুৰ মনোৰঞ্জনমূলক ট্ৰেইলাৰ
