চিটাৰা ডেস্ক, ১৪ ফেব্ৰুৱাৰী : বলীউডৰ ৰোমান্স কিং শ্বাহৰুখ খানে তিনি দশক ধৰি নিজৰ ছবিৰে দৰ্শকক মনোৰঞ্জন দি আহিছে । বিশেষকৈ অনুৰাগীয়ে শ্বাহৰুখৰ ৰোমান্টিক শৈলীটো খুব ভাল পায় ৷ অৱশ্যে ডাঙৰ পৰ্দাত নিজৰ ৰোমান্সেৰে দৰ্শকৰ হৃদয় জয় কৰা কিং খান বাস্তৱ জীৱনতো অতি ৰোমান্টিক ।
অভিনেতাগৰাকীয়ে নিজৰ পত্নী গৌৰী খানক বহুত ভাল পায় । কিন্তু আপুনি জানেনে যেতিয়া দুয়ো প্ৰেমিক-প্ৰেমিকা আছিল, তেতিয়া কিং খানে গৌৰি খানক প্ৰথম ভেলেণ্টাইন ডে’ত কি উপহাৰ দিছিল ?
প্ৰথম ভেলেণ্টাইনত গৌৰীক কি উপহাৰ দিছিল শ্বাহৰুখ খানে ?
উল্লেখ্য যে, শ্বাহৰুখ খানে প্ৰায়ে ছ’চিয়েল মিডিয়াত AskSRK session ৰ জৰিয়তে নিজৰ অনুৰাগীৰ সৈতে সংযোগ স্থাপন কৰে আৰু লগতে অনুৰাগীৰ সকলো প্ৰশ্নৰো উত্তৰ দিয়ে । ২০২৩ চনত কিং খানে তেওঁৰ AskSrk session ত অনুৰাগীৰ বহু প্ৰশ্নৰ মুকলিকৈ উত্তৰ দিছিল । সেই সময়চোৱাত অভিনেতাগৰাকীয়ে প্ৰথম ভেলেণ্টাইন ডে’ত তেওঁৰ মৰমৰ পত্নী গৌৰীক কি উপহাৰ দিছিল সেই কথাও প্ৰকাশ কৰিছিল ৷
আচলতে session ৰ সময়ত এজন অনুৰাগীয়ে শ্বাহৰুখ খানক সুধিছিল যে তেওঁৰ প্ৰথম ভেলেণ্টাইন ডে’ত গৌৰীক কি উপহাৰ দিছিল । এই সন্দৰ্ভত কিং খানে দিয়া উত্তৰে সকলোৰে মন জয় কৰিছিল । শ্বাহৰুখ খানে কয়, "যদি মোৰ স্পষ্টকৈ মনত আছে, তেন্তে ৩৪ বছৰ হ’ল...মই এযোৰ গোলাপী ৰঙৰ প্লাষ্টিকৰ কাণফুলি উপহাৰ দিছিলো’’ ৷
শ্বাহৰুখ খানে ১৯৯১ চনত গৌৰীক বিয়া কৰাইছিল
শ্বাহৰুখ আৰু গৌৰীয়ে প্ৰথম লগ পাইছিল দিল্লীৰ এটা ক্লাৱত । গৌৰীক দেখাৰ লগে লগে শ্বাহৰুখ খানে গৌৰীৰ প্ৰেমত পৰিছিল । অৱশ্যে গৌৰীক বিয়া কৰাবলৈ কিং খানে বহু সংগ্ৰাম কৰিবলগীয়া হৈছিল ৷ যদিও এই প্ৰেমিক যুগলে সকলো অসুবিধা অতিক্ৰম কৰি বিবাহপাশত আবদ্ধ হয় ।
১৯৯১ চনৰ ২৫ অক্টোবৰত শ্বাহৰুখ খানে তেওঁৰ প্ৰেমিকা গৌৰী খানৰ সৈতে বিবাহপাশত আবদ্ধ হয় । শ্বাহৰুখ আৰু গৌৰী তিনি সন্তানৰ পিতৃ-মাতৃ । পুত্ৰ আৰিয়ান খান, কন্যা চুহানা খান আৰু সৰু পুত্ৰ অব্ৰাম ।
লগতে পঢ়ক : পত্নীৰ মৃত্যুৰ পিচত ৩৩ বছৰে অকলে থাকিল কাপুৰ পৰিয়ালৰ এইগৰাকী ছুপাৰষ্টাৰ, নাপাতিলে দ্বিতীয় বিয়া
