চিটাৰা ডেস্ক, 3 এপ্ৰিল : প্ৰেম কৰিলেনো কাৰ লগ কৰিবলৈ মন নাযায় ৷ কাৰ একেলগে সময় কটাবলৈ মন নাযায় ৷ প্ৰেমিকযুগল যিয়েই নহওক লাগে একেলগে চায়ো ভাল লাগে ৷ প্ৰেমত পৰিলে পৃথিৱীখন সুন্দৰ দেখি বুলি কোৱাৰ নিচিনাকৈ প্ৰেমিক-প্ৰেমিকাক দেখিও বাকী লোকসকলৰো মন আনন্দেৰে ভৰি পৰে ৷
বলীউডৰ প্ৰেমিক যুটিবোৰৰ কথাই ভাবকচোন ৷ এই যুটিবোৰৰ মাজত বৰ্তমানে সবাতোকৈ চৰ্চাত থকা যুটিটো হ’ল বিজয় বাৰ্মা আৰু তামান্না ভাটিয়াৰ যুটি ৷ প্ৰথমাৱস্থাত দুয়োৰে ছ’চিয়েল মিডিয়া পোষ্টবোৰে সকলোৰে মনত সন্দেহৰ সৃষ্টি কৰিছিল ৷ দুয়োৱে কিন্তু সম্পৰ্কৰ কথা লুকুৱাই ৰাখিছিল ৷ পিছে লাহে লাহে দুয়ো মুকলিকৈ ৰাজহুৱা স্থানত ওলাবলৈ লয়, একেলগে ঘূৰা-ফুৰা কৰিবলৈ লয়, হাতত হাত থৈ খোজ কাঢ়িবলৈ লয় ৷ সকলোৰে সন্দেহ তেতিয়াই সঁচা বুলি প্ৰমাণ হ’ল ৷
বিজয় বাৰ্মা আৰু তামান্নাক পুনৰ পাপাৰাজ্জীয়ে একেলগে প্ৰত্যক্ষ কৰিলে মুভি ডেটৰ পৰা উভতি অহাৰ সময়ত ৷ অকস্মাতে পাপাৰাজ্জীক দেখি অৱশ্যে তেওঁলোক দুয়ো অলপ আচৰিত হৈ পৰা যেন লাগিল ৷
তামান্না ভাটিয়া আৰু বিজয় বাৰ্মাৰ অনুৰাগীসকল উৎফুল্লিত হৈ পৰিছিল যেতিয়া দুয়োৱে ডেটিং কৰা আৰম্ভ কৰিছিল । এই প্ৰেমৰ সম্পৰ্কক এতিয়া আনুষ্ঠানিকভাৱে প্ৰকাশ কৰিছে তাৰকাদ্বয়ে । মঙলবাৰে চিনেমা হলৰ পৰা ওলাই অহা ভিডিঅ’ ছ’চিয়েল মিডিয়াত ভাইৰেল হৈ পৰিছে ।
মুভি ডেটৰ বাবে তামান্নাই অল ব্লেক লুক বাছি লয় ৷ ট্ৰাউজাৰৰ সৈতে একে ৰঙৰ এটা ক্ৰপ টপ পৰিধান কৰে অভিনেত্ৰীগৰাকীয়ে ৷ এটা টুপী আৰু কমলা ৰঙৰ এটা ব্ৰেণ্ডেড বেগেৰে নিজৰ লুকটো সম্পূৰ্ণ কৰে ৷ আনহাতে বিজয় বাৰ্মাক ক’লা ট্ৰাউজাৰৰ সৈতে বেইজ ৰঙৰ গ্ৰাফিক টি-চাৰ্টত যথেষ্ট ধুনীয়া দেখা গৈছিল৷ ৰঙীন স্নিকাৰ, ক্ৰছবডি বেগ আৰু হুডিৰে তেওঁ লুকটো সম্পূৰ্ণ কৰিছিল ৷
শেহতীয়াকৈ বিজয় বাৰ্মাক দেখা গৈছিল ৰহস্যময় থ্ৰিলাৰ ছবি ‘মাৰ্ডাৰ মুবাৰক’ত । ছবিখনৰ সফলতাৰ পিচত তেওঁ এখন তামিল ছবিৰ শ্বুটিং আৰম্ভ কৰিছে । অতি সোনকালে তেওঁক ‘Ul Jalool Ishq’ ছবিতো দেখা যাব । তামান্না ভাটিয়াৰ ৱৰ্ক ফ্ৰণ্টৰ কথা ক’বলৈ গ’লে তেওঁ এখন তামিল ছবিৰ শ্বুটিং সম্পূৰ্ণ কৰিছে । জন আব্ৰাহামৰ সৈতে ‘বেদ’ত দেখা যাব অভিনেত্ৰীগৰাকীক । ষ্ট্ৰী ২ৰ এটা গীতত তামান্নাই কেমিঅ’ কৰা দেখা গৈছে বুলিও খবৰ আহিছে ।
লগতে পঢ়ক : এপ্ৰিল ফুলছ ডে’ত বিজয়লৈ কোনে পঠিয়ালে জন্মদিনৰ নামৰ ফুলৰ থোপা - Vijay Varma April Fool
