চিটাৰা ডেস্ক, 25 জুন : ২০২৪ চনৰ আই চি চি টি-২০ বিশ্বকাপৰ ছেমি ফাইনেলত মঙলবাৰে ছেইণ্ট ভিনচেণ্টত বাংলাদেশৰ বিৰুদ্ধে আঠ ৰানৰ জয় (ডিএলএছ) লাভ কৰি আফগানিস্তানে নিজৰ স্থান দখল কৰে । আফগানিস্তানে বাংলাদেশক ৮ ৰানত পৰাস্ত কৰে । গ্ৰুপ 1 ৰ পৰা কোৱালিফায়াৰ হিচাপে ভাৰতৰ সৈতে যোগদান কৰে আফগানিস্তানে । একে সময়তে বাংলাদেশৰ পৰাজয়ৰ পাচত অষ্ট্ৰেলিয়া প্ৰতিযোগিতাৰ পৰা বাহিৰ হৈছে । আফগানিস্তানৰ জয় আৰু অষ্ট্ৰেলিয়া খেলৰ পৰা বাহিৰ হোৱাত কেৱল আফগানসকলেই নহয় ভাৰতীয় চেলেব্ৰিটীসকলো সুখী ।
বাংলাদেশৰ বিৰুদ্ধে আফগানিস্তানৰ দৰ্শনীয় বিজয়ক লৈ দেখিবলৈ পোৱা গৈছে বলীউডৰ তাৰকাৰ প্ৰতিক্ৰিয়া । ছ’চিয়েল মিডিয়াৰ জৰিয়তে বিজয়ী দলটোক অভিনন্দন জনাইছে তেওঁলোকে ।
আফগানিস্তান দলৰ অল-ৰাউণ্ডাৰ ৰছিদ খানৰ এখন ছবি ইনষ্টাগ্ৰাম ষ্ট’ৰীত পোষ্ট কৰি চনু সুদে ক্ৰিকেটাৰগৰাকীক প্ৰশংসা কৰি কেপশ্যনত লিখিছে, ‘অভিনন্দন মোৰ ভাই ৰছিদ । ৱেল ডান ভাই ।’
Aussie ki taisi ho gayi hai iss world cup mein. Well played Afghanistan! #worldCup #T20
— Ayushmann Khurrana (@ayushmannk) June 25, 2024
বলীউডৰ অভিনেতা আয়ুষ্মান খুৰানাই এক্সত এটা পোষ্ট কৰিছে, য’ত তেওঁ আফগানিস্তানৰ দলটোক প্ৰশংসা কৰিছে । তেওঁ কেপশ্যনত লিখিছে, ‘এই বিশ্বকাপত অষ্ট্ৰেলিয়া দুৰ্ভগীয়া হৈ পৰিছে । ভাল খেলিলে আফগানিস্তানে ।’
বলীউডৰ অভিনেতা সুনীল শ্বেট্টীয়েও আফগানিস্তানৰ দলটোক প্ৰশংসা কৰিছে । দলটোৰ প্ৰদৰ্শনক প্ৰশংসা কৰি তেওঁ নিজৰ ইনষ্টাগ্ৰাম ষ্ট’ৰীত লিখিছে, ‘অ’, আফগানিস্তানৰ বাবে কি জয় । এটা কল্পনাতীত দল আৰু এখন দেশৰ বাবে এক অতি যোগ্য জয় । কাবুলে আজি উদযাপন কৰিছে আৰু লগতে পৃথিৱীয়েও ।’
বাংলাদেশৰ বিৰুদ্ধে আফগানিস্তানৰ ঐতিহাসিক জয়ৰ পাচত ২০২৪ চনৰ টি-২০ বিশ্বকাপৰ ছুপাৰ ৮ পৰ্যায়ৰ পৰা বাহিৰ হৈছে অষ্ট্ৰেলিয়া । আফগানিস্তানে টছত জয়লাভ কৰি প্ৰথমে বেটিং কৰাৰ সিদ্ধান্ত লয় । দলটোৱে ৫টা উইকেট হেৰুৱাই বাংলাদেশক ১১৬ ৰানৰ লক্ষ্য দিয়ে । আটাইকেইটা উইকেট হেৰুৱাই ১০৫ ৰান সংগ্ৰহ কৰে বাংলাদেশে । ভাৰতৰ পৰা পৰাজয়ৰ পিচত অষ্ট্ৰেলিয়াৰ দলটো বিপদত পৰিছে, কাৰণ ৩খন মেচৰ পিচত ইয়াৰ একাউণ্টত মাত্ৰ ২ পইণ্টহে আছে ।
লগতে পঢ়ক : লণ্ডনত বেট-বল হাতত তুলি ল’লে পিতৃ-কন্যা যুটিয়ে - shah rukh khan in london with fam
