চিটাৰা ডেস্ক, 14 জুন : সুশান্ত সিং ৰাজপুতৰ মৃত্যুৰ চতুৰ্থ বৰ্ষপূৰ্তিত তেওঁৰ ভগ্নী শ্বেতা সিং কীৰ্তিয়ে ছ’চিয়েল মিডিয়াত আৱেগিক পোষ্ট শ্বেয়াৰ কৰে ৷ পোষ্টটোত পৰিয়ালটোৰ চলি থকা যন্ত্ৰণা, হতাশা আৰু এতিয়াও সুশান্তৰ মৃত্যুক কেন্দ্ৰ কৰি সৃষ্টি হোৱা ৰহস্যৰ সৈতে যুঁজি থকা সদস্যসকলৰ দুখৰ বৰ্ণনা কৰে তেওঁ ৷
চাৰিটা দীঘলীয়া বছৰ ধৰি সহ্য কৰা অন্যায়ৰ বাবে শোক প্ৰকাশ কৰি সুশান্ত এনে ভাগ্যৰ যোগ্য নেকি বুলি প্ৰশ্ন উত্থাপন কৰে শ্বেতাই ৷ সুশান্তৰ এখন ছবি শ্বেয়াৰ কৰি শ্বেতাই লিখিছে, "এই নিষ্ঠুৰ পৃথিৱীখনত ইমান নিৰ্মল আৰু মৰমিয়াল হোৱাটো দোষ আছিল নেকি ? সুশান্তৰ প্ৰতি ৪ বছৰ ধৰি অন্যায় হ’ল । তেওঁ ইয়াৰ যোগ্য নেকি ?’’
ভাই-ভনীৰ আনন্দৰ মুহূৰ্তবোৰৰ সৈতে এটা মৰমলগা ভিডিঅ’ শ্বেয়াৰ কৰি শ্বেতাই সুশান্তৰ মৃত্যুক কেন্দ্ৰ কৰি ৰৈ যোৱা ৰহস্যক লৈ নিজৰ যন্ত্ৰণা প্ৰকাশ কৰে । তদন্ত চলি থকাৰ পিচতো আজিলৈকে প্ৰকৃত কাৰণটো জানিব নোৱাৰাৰ বাবে পৰিয়ালটোৱে ভুগি থকা দুখৰ কথা প্ৰকাশ কৰে তেওঁ ।
"ভাই, আপুনি আমাক এৰি যোৱাৰ 4 বছৰ হ'ল আৰু আমি এতিয়াও নাজানো যে 14 জুন, 2020 তাৰিখে কি ঘটিছিল । আপোনাৰ মৃত্যু আজিও ৰহস্য হৈ আছে । মই অসহায় অনুভৱ কৰো আৰু সত্যৰ বাবে কৰ্তৃপক্ষৰ ওচৰত অগণনবাৰ অনুৰোধ কৰিছো । মই মোৰ ধৈৰ্য হেৰুৱাই পেলাইছো আৰু এৰি দিবলৈ মন কৰিছো ৷" শ্বেতাই ইনষ্টাগ্ৰামত এইদৰে দুখ প্ৰকাশ কৰিছে ।
লগতে পঢ়ক : ন্যায় বিচাৰি প্ৰধানমন্ত্ৰী মোদীলৈ সুশান্ত সিং ৰাজপুতৰ ভগ্নীৰ আহ্বান
কাতৰ অনুৰোধেৰে শ্বেতাই প্ৰশ্ন কৰিলে, "আজি শেষবাৰৰ বাবে ঘটনাটোত সহায় কৰিব পৰা সকলোকে ক'ব বিচাৰিছো যে আপুনি আপোনাৰ হৃদয়ত হাত থৈ নিজকে প্ৰশ্ন কৰক: আমাৰ ভাইটিৰ কি হ'ল আমি জনাৰ যোগ্য নহয়নে ।" সুশান্ত কিয় ৰাজনৈতিক এজেণ্ডা হৈ পৰিছে ?"
শ্বেতাই লগতে আবেদন জনাইছে, "প্লিজ, মই অনুৰোধ কৰিছো— পৰিয়াল হিচাপে আগবাঢ়ি যোৱাত আমাক সহায় কৰক । আমাক আমাৰ প্ৰাপ্য দিয়ক। 🙏"।
২০২০ চনত বান্দ্ৰা বাসগৃহত অভিনেতাগৰাকীৰ অকাল মৃত্যুক লৈ ব্যাপক বিতৰ্কৰ সৃষ্টি হৈছিল ৷ যাৰ ফলত চিবিআইৰ তদন্ত আৰম্ভ হৈছিল । তেওঁৰ মৃত্যুৰ পিচত তেওঁৰ পাটনাৰ বাসগৃহটো তেওঁৰ টেলিস্কোপ, কিতাপ, গীটাৰ আদি তেওঁৰ আদৰৰ সম্পত্তিৰে সজ্জিত কৰি স্মৃতিসৌধলৈ ৰূপান্তৰিত কৰা হয় ।
‘কাই পো চে’ৰ জৰিয়তে বলীউডত অভিষেক ঘটোৱা সুশান্ত সিং ৰাজপুতে নিজৰ উষ্মতাৰে দৰ্শকৰ মাজত নিজকে প্ৰিয় কৰি তুলিছিল । এম.এছ. ধোনী: দ্য আনটল্ড ষ্ট’ৰীয়ে তেওঁৰ জনপ্ৰিয়তা শীৰ্ষ পৰ্যায়লৈ লৈ যায় ৷ ২০১৯ চনত মুক্তি পোৱা তেওঁৰ অন্তিমখন চিনেমা Chhichhore য়েই অপৰিসীম প্ৰশংসা লাভ কৰিছিল ।
মুকেশ ছাব্ৰা পৰিচালিত আৰু সঞ্জনা সংঘী অভিনীত দিল বেচাৰা আছিল তেওঁৰ অন্তিমখন ছবি ৷ দ্য ফল্ট ইন আৱাৰ ষ্টাৰছ উপন্যাসৰ পৰা অভিযোজিত আছিল ছবিখন ৷
