চিটাৰা ডেস্ক, 19 জুন: ছ’চিয়েল মিডিয়াত প্ৰায়েই সক্ৰিয় হৈ থকা বলীউডৰ অভিনেত্ৰী শ্ৰদ্ধা কাপুৰক লৈ অনুৰাগীৰ মাজত অন্ত নাই চৰ্চাৰ ৷ শ্ৰদ্ধাৰ মুক্তি লাভ কৰিবলগীয়া ছবি স্ত্ৰী 2 ক লৈ অনুৰাগীৰ মাজত দেখা গৈছে যথেষ্ঠ উচাহ ৷
অভিনেত্ৰীগৰাকীয়ে প্ৰায়ে সামাজিক মাধ্যমৰ জৰিয়তে তেওঁৰ বিলাসী জীৱনশৈলীৰ বহু মুহূৰ্ত অনুৰাগীৰ আগত প্ৰকাশ কৰি থাকে ৷ শেহতীয়াকৈ চলচ্চিত্ৰ লেখক ৰাহুল মোদীৰ সৈতে শক্তি তনয়াই ডেট কৰি থকাতো অনুৰাগীয়ে লক্ষ্য কৰি আছে ৷ অৱশ্যে এই সন্দৰ্ভত অভিনেত্ৰীগৰাকীয়ে প্ৰকাশ কৰা নাই কোনো প্ৰতিক্ৰিয়া ৷
শ্ৰদ্ধাই নিজৰ ইনষ্টাগ্ৰাম হেণ্ডেলত ‘আৰ’ নামৰ এটি লকেট পৰিধান কৰাও দেখা গৈছিল ৷ শেহতীয়াকৈ অভিনেত্ৰীগৰাকীয়ে এখন ছেলফি পোষ্ট কৰে, য’ৰ পৰা অনুমান কৰিব পাৰি যে ৰাহুল-শ্ৰদ্ধাই কোনো হিল ষ্টেচনত একেলগে অৱসৰৰ সময় উপভোগ কৰিছে ৷
লগতে পঢ়ক: গহনাৰ বিপণিত বিক্ৰেতা হিচাপে কৰ্মৰত শ্ৰদ্ধা কাপুৰ...চাওক ভিডিঅ’ - Shraddha Kapoor Sales Woman
ছেলফিখন শ্বেয়াৰ কৰাৰ সময়ত ৰাহুল মোদীক টেগ কৰি শ্ৰদ্ধাই কেপচনত হাঁহি আৰু ধেমেলীয়া ইম’জিৰ সৈতে লিখে যে, ‘‘মোৰ হৃদয়খন ৰাখি থৈ মোৰ টোপনি ঘূৰাই দিয়ক’’ ৷ পোষ্টটোৰ কেপচনৰ পৰা এনে লাগে যেন শ্ৰদ্ধাই আনুষ্ঠানিকভাৱে নিজৰ ৰুমাৰ্ড প্ৰেমিকৰ সৈতে থকা সম্পৰ্কৰ এটি ইংগিত প্ৰকাশ কৰিছে ।
শ্ৰদ্ধা কাপুৰৰ পৰৱৰ্তী ছবি
‘টিন পট্টি’ত এটা সৰু চৰিত্ৰৰে অভিনয় জীৱনৰ আৰম্ভণি কৰিছিল শ্ৰদ্ধাই । কিন্তু ২০১১ চনত তেওঁ অতি সোনকালেই ‘লাভ কা দি এণ্ড’ ত সুন্দৰ অভিনয় কৰি শ্ৰদ্ধা জনপ্ৰিয় হৈ পৰে । তেতিয়াৰ পৰাই ‘আশিকী ২’, ‘এক ভিলেইন’, ‘বাঘী’, ‘হাইদৰ’, ‘হাফ গাৰ্লফ্ৰেণ্ড’, ‘হাছিনা পাৰ্কাৰ’, ‘ষ্ট্ৰী’ আদি বহুকেইখন হিট ছবি আগবঢ়াইছে । বৰ্তমান তেওঁ ২০২৪ চনৰ ১৫ আগষ্টত ছবিগৃহত মুক্তি পাবলগীয়া তেওঁৰ পৰৱৰ্তী ছবি ষ্ট্ৰী ২ ৰ শ্বুটিঙক লৈ তেওঁ ব্যস্ত।
