চিটাৰা ডেস্ক, 2 জুলাই : হিন্দী চলচ্চিত্ৰৰ 'বাদশ্বাহ' শ্বাহৰুখ খান তেওঁৰ কামৰ বাবে সমগ্ৰ বিশ্বতে বিখ্যাত । শ্বাহৰুখ খানৰ অনুৰাগী পৃথিৱীৰ প্ৰতিটো কোণত বিয়পি আছে । শ্বাহৰুখ খানৰ অনুৰাগীসকলে তেওঁৰ চলচ্চিত্ৰৰ বাবে আগ্ৰহেৰে অপেক্ষা কৰি থাকে । 2023 চনত, শ্বাহৰুখ খানে একেৰাহে তিনিখন চুপাৰহিট ছবি পাঠান, জৱান আৰু ডাংকি অনুৰাগীলৈ আগবঢ়াইছিল ৷ শ্বাহৰুখ ভাৰতীয় চলচ্চিত্ৰৰ একমাত্ৰ তাৰকা যিয়ে এবছৰত তিনিখনকৈ হিট দি বক্স অফিচত আঢ়ৈ হাজাৰতকৈও অধিক উপাৰ্জন কৰিছে । শ্বাহৰুখৰ ভাৰতীয় চলচ্চিত্ৰলৈ এক মহান অৱদান আছে ।
শ্বাহৰুখ খানে তেওঁৰ অৱদানৰ বাবে দেশী-বিদেশী বিভিন্ন বঁটা অৰ্জন কৰিছে । এতিয়া ভাৰতীয় ছুপাৰষ্টাৰগৰাকীক আন এক সন্মানীয় বিদেশী বঁটাৰে সন্মানিত কৰা হ’ব । আগন্তুক ৭ আগষ্টত ছুইজাৰলেণ্ডৰ লোকাৰ্ণোত আয়োজন কৰা হৈছে ‘লোকাৰ্ণো চলচ্চিত্ৰ মহোৎসৱ ২০২৪’। ১৭ আগষ্টত সমাপ্ত হ’ব লোকাৰ্ণো চলচ্চিত্ৰ মহোৎসৱ ২০২৪ । শ্বাহৰুখ খানক এই চলচ্চিত্ৰ মহোৎসৱত সন্মান জনোৱাৰ বিষয়ে লোকাৰ্ণো এছ’চিয়েশ্যনে নিজৰ এক্স হেণ্ডেলত উল্লেখ কৰিছে ।
লগতে পঢ়ক : ৰিচা-আলীৰ ছবি ‘‘গাৰ্লছ উইল বি গাৰ্লছ’’ৰ IFFLA ত বৃহৎ জয় - Richa Ali movie Girls Will Be Girls
এই বঁটা লাভ কৰিব শ্বাহৰুখ খানে
আগন্তুক ১০ আগষ্টত ২০২৪ চনৰ লোকাৰ্ণো চলচ্চিত্ৰ মহোৎসৱত শ্বাহৰুখ খানক কেৰিয়াৰ এচিভমেণ্ট বঁটাৰে সন্মানিত কৰা হ’ব । ইয়াৰ লগতে শ্বাহৰুখে পিয়াজা গ্ৰেণ্ডে বঁটাও লাভ কৰিব । একে সময়তে অহা ১১ আগষ্টত শ্বাহৰুখ খানে এখন ৰাজহুৱা সভাত অংশগ্ৰহণ কৰিব । শ্বাহৰুখ খানৰ ছবি দেৱদাস (২০০২) ও লোকাৰ্ণো চলচ্চিত্ৰ মহোৎসৱ ২০২৪ত প্ৰদৰ্শিত হ’ব ।
