হায়দৰাবাদ : ২০২৫ চনটোত ভাৰতীয় চিনেমাই বক্স অফিচত ঢৌ তোলাৰ পৰিকল্পনা কৰি আছে । চলিত বৰ্ষত ভাৰতীয় চিনেমাত বহু নতুন কাহিনী দেখিবলৈ পোৱা যাব । একশ্যন, নাটক, কৌতুক আৰু ভৌতিক ছবিৰ লগতে একশ্যন-এডভেন্সাৰ ছবিও আহি আছে । পিছে লক্ষণীয় কথাটো হ’ল যে প্ৰতি বছৰৰ দৰে এইবাৰো ভাৰতীয় চিনেমাত দেখিবলৈ পোৱা যাব নতুন চেলেব্ৰিটীৰ যুটি । এই বিশেষ লেখাটোত আমি ২০২৫ চনত পৰ্দাত আহিবলগীয়া সেই সতেজ যুটিবোৰৰ বিষয়ে উল্লেখ কৰিছো -
ছলমান খান আৰু ৰশ্মিকা মান্দান্না
প্ৰথমে ২০২৫ চনৰ বলীউডৰ আটাইতকৈ প্ৰত্যাশিত ছবি ছিকন্দৰৰ কথা কওঁ । ২০২৫ চনত ঈদ উপলক্ষে মুক্তি পাবলৈ সাজু হৈছে বলীউডৰ ছুপাৰষ্টাৰ ছলমান খান অভিনীত ছবি ছিকন্দৰ । ছলমান খান আৰু দক্ষিণৰ সুন্দৰী ৰশ্মিকা মান্দান্নাৰ যুটি প্ৰথমবাৰৰ বাবে পৰ্দাত দৰ্শকে চাব পাৰিব ছিকন্দৰ ছবিখনৰ জৰিয়তে । ছিকন্দৰ জনসাধাৰণৰ মনোৰঞ্জনক কেন্দ্ৰ কৰি নিৰ্মাণ কৰা এখন একশ্যন ছবি ।
হৃত্বিক ৰোশন আৰু কিয়াৰা আদৱানী
বলীউডৰ ছুপাৰহিৰো হৃত্বিক ৰোশন ২০২৫ চনত তেওঁৰ একশ্যন ছবি ৱাৰ ২ ৰ জৰিয়তে বক্স অফিচত ঢৌ তুলিবলৈ সাজু হৈছে । ছবিখন পৰিচালনা কৰিছে অয়ন মুখাৰ্জীয়ে । ছবিখনত হৃত্বিক ৰোশনৰ বিপৰীতে কিয়াৰা আদৱানীয়ে অভিনয় কৰিছে । প্ৰথমবাৰৰ বাবে হৃত্বিক আৰু কিয়াৰাই একেলগে কাম কৰিব । আনকি প্ৰথমবাৰৰ বাবে হৃত্বিক আৰু দক্ষিণৰ ছুপাৰষ্টাৰ জুনিয়ৰ এন টি আৰকো দেখিবলৈ পোৱা যাব ।
আদিত্য ৰয় কাপুৰ আৰু ছাৰা আলী খান
অনুৰাগ বসুৰ দ্বাৰা পৰিচালিত ‘মেট্ৰ' ইন দিনো’ চলচ্চিত্ৰখনৰ মুক্তিৰ তাৰিখ বাৰে বাৰে পিছুৱাই দিয়া হৈছে । ছবিখনত আদিত্য ৰয় কাপুৰ আৰু ছাৰা আলী খানে মুখ্য চৰিত্ৰত অভিনয় কৰিছে । ছবিখনত ফাতিমা ছানা শ্বেইখ, কংকনা সেন, পংকজ ত্ৰিপাঠী আৰু আলী ফজলক গুৰুত্বপূৰ্ণ চৰিত্ৰত দেখিবলৈ পোৱা যাব ।
ANURAG BASU’S ANTHOLOGY ‘METRO… IN DINO’ NEW RELEASE DATE… #MetroInDino - the anthology directed by #AnuragBasu - gets new release date: 13 Sept 2024.
— taran adarsh (@taran_adarsh) January 11, 2024
Stars #AdityaRoyKapur, #SaraAliKhan, #AnupamKher, #NeenaGupta, #PankajTripathi, #KonkonaSenSharma, #AliFazal and… pic.twitter.com/918G6zb2Nh
বিকী কৌশল আৰু ৰশ্মিকা মান্দান্না
বিকী কৌশল আৰু ৰশ্মিকা মান্দান্নাৰ যুটিক পিৰিয়ড ড্ৰামা ছবি 'চাভা'ত দেখা যাব । এই চলচ্চিত্ৰখনত, বিকী মাৰাঠা ৰজা সম্ভাজী মহাৰাজৰ চৰিত্ৰত থাকিব আৰু ৰশ্মিকা মান্দান্নাই তেওঁৰ পত্নী য়েচুবাই ভোছলেৰ চৰিত্ৰত অভিনয় কৰিব । ছবিখন ১৪ ফেব্ৰুৱাৰীত মুক্তি পাব ।
সিদ্ধাৰ্থ মালহোত্ৰা আৰু জাহ্নৱী কাপুৰ
শেহতীয়াকৈ, সিদ্ধাৰ্থ মালহোত্ৰা আৰু জাহ্নৱী কাপুৰৰ সৈতে পৰম সুন্দৰী চলচ্চিত্ৰখন ঘোষণা কৰা হৈছে । তুষাৰ জালোটা ছবিখনৰ পৰিচালক । ই এখন ক্ৰছ-কালচাৰেল ৰোমাণ্টিক ড্ৰামা চলচ্চিত্ৰ, যিখন জুলাই 2025 ত মুক্তি পাব । সিদ্ধাৰ্থ আৰু জাহ্নৱী কাপুৰক প্ৰথমবাৰৰ বাবে একেলগে দেখা যাব ।
শ্বাহিদ কাপুৰ আৰু পূজা হেগড়ে
বলীউডৰ চকলেট হিৰো’ শ্বাহিদ কাপুৰ আৰু দক্ষিণৰ অভিনেত্ৰী পূজা হেগড়ে সাজু হৈছে নতুন ছবিৰ বাবে । শ্বাহিদ-পূজা যুটিক দেৱা চলচ্চিত্ৰত দেখা যাব । একশ্যন-থ্ৰিলাৰ চলচ্চিত্ৰ দেৱা ৩১ জানুৱাৰীত মুক্তি পাব । ৰোশন এণ্ড্ৰুজে ছবিখন পৰিচালনা কৰিছে ।
বিক্ৰান্ত মেছী আৰু শ্বানায়া কাপুৰ
অনিল কাপুৰৰ ভতিজী শ্বানায়া কাপুৰে প্ৰথমে কৰণ জোহৰৰ বেধড়ক ছবিৰে অভিষেক ঘটোৱাৰ কথা আছিল, কিন্তু ছবিখন বন্ধ ৰখা হৈছে ৷ এতিয়া শ্বানায়া কাপুৰে বলীউডত অভিষেক ঘটাব সন্তোষ সিঙৰ ছবি আখো কি গুস্তাখিয়াৰ জৰিয়তে ।
ৰাস্কিন বণ্ডৰ কাহিনী ‘দ্য আইছ হেভ ইট’ ৰ আধাৰত নিৰ্মিত ছবিখনত শ্বানয়াক অভিনেতা বিক্ৰান্ত মেছিৰ বিপৰীতে দেখা যাব ।
জুনেইদ খান আৰু খুশী কাপুৰ
বলীউডৰ ছুপাৰষ্টাৰ আমিৰ খানৰ পুত্ৰ জুনেইদ খানে মহাৰাজ ছবিৰে আত্মপ্ৰকাশ কৰে আৰু শেহতীয়াকৈ তেওঁৰ নতুন ছবি লৱয়াপা ঘোষণা কৰা হৈছে । এইখন এখন ৰোমাণ্টিক ছবি, য’ত প্ৰয়াত অভিনেত্ৰী শ্ৰীদেৱীৰ কন্যা খুশী কাপুৰে অভিনয় কৰিব । ২০২৫ চনৰ ৭ ফেব্ৰুৱাৰীত মুক্তি পাব অদ্বৈত চন্দনৰ পৰিচালনাৰে নিৰ্মিত এই ছবিখন ।
অমন দেৱগণ আৰু ৰাশা থাদানী
অজয় দেৱগণৰ ভতিজা অমন দেৱগণ আৰু ৰবীনা টেণ্ডনৰ জীয়ৰী ৰাশা থাদানী এতিয়া বলীউডৰ বাবে সাজু । এই সতেজ যুটিয়ে আজাদ চলচ্চিত্ৰৰ জৰিয়তে বলীউডত আত্মপ্ৰকাশ কৰিবলৈ গৈ আছে । চলচ্চিত্ৰখন ২০২৫ চনৰ ১৭ জানুৱাৰীত মুক্তি পাব । অভিষেক কাপুৰৰ দ্বাৰা পৰিচালিত এই ছবিখনত অজয় দেৱগণ আৰু ডায়েনা পেণ্টিয়েও অভিনয় কৰিছে ।
ইব্ৰাহিম আলী খান আৰু খুশী কাপুৰ
ছৈফ আলী খানৰ পুত্ৰ ইব্ৰাহিম আলী খানেও বলীউডত অভিষেক ঘটাব বুলি বাতৰিৰ শিৰোনাম দখল কৰি আছে । তেওঁৰ সন্দৰ্ভত বাৰে বাৰে কোৱা হৈছে যে তেওঁ কৰণ জোহৰৰ সৰ্জমীন ঔৰ নাদানিয়া ছবিৰে বলীউডত অভিষেক ঘটাব । তেওঁক শ্ৰীদেৱীৰ কন্যা খুশী কাপুৰৰ সৈতে দেখিবলৈ পোৱা যাব ।
দক্ষিণ চিনেমাৰ পৰা সতেজ আৰু নতুন যুটি (২০২৫)
ধনুষ আৰু কৃতি সেনন
তনু ৱেডছ মনুৰ পৰিচালকৰ দ্বাৰা পৰিচালিত তেৰে ইশ্ক দক্ষিণৰ তাৰকা ধনুষ মুখ্য চৰিত্ৰত থাকিব । জানিব পৰা মতে বলীউডৰ মোহময়ী তাৰকা কৃতিক এই ছবিখনত ধনুষৰ বিপৰীতে দেখা যাব পাৰে ।
যশ আৰু কিয়াৰা আদৱানী
কান্নাড়া ছুপাৰষ্টাৰ যশ অভিনীত আটাইতকৈ প্ৰতীক্ষিত একশ্যন এডভেন্সাৰ ছবি যশ ১০ এপ্ৰিলত মুক্তি পাব । বাতৰি অনুসৰি, বলীউডৰ অভিনেত্ৰী কিয়াৰা আদৱানীক টক্সিক চলচ্চিত্ৰত যশৰ বিপৰীতে দেখা যাব পাৰে ।
প্ৰভাস আৰু সাই পল্লৱী বা মালবিকা মহনন
ভাৰতীয় চিনেমাৰ ‘বাহুবলী’ প্ৰভাস অভিনীত হৰৰ-কমেডী ছবি দ্য ৰাজা চাহেবো ২০২৫ চনত মুক্তি পাবলৈ সাজু হৈছে । ছবিখনত প্ৰভাসৰ সৈতে প্ৰথমবাৰৰ বাবে দেখা যাব সাই পল্লৱী আৰু মালবিকা মহননক ।
লগতে পঢ়ক : দ্য এক্সিডেণ্টেল প্ৰাইম মিনিষ্টাৰৰ পৰা মে অটল হুঁলৈকে- প্ৰধানমন্ত্ৰীৰ ওপৰত নিৰ্মিত শীৰ্ষ 5 খন চলচ্চিত্ৰ
