চিটাৰা ডেস্ক, ২০ ফেব্ৰুৱাৰী: ৱেব ছিৰিজ ‘মহাৰাণী’ৰ দুয়োটা ছিজনৰ বৃহৎ সফলতাৰ পিচত এতিয়া ‘মহাৰাণী ৩’ৰ জৰিয়তে পুনৰ উভতি আহিছে হুমা কুৰেশ্বী । শেহতীয়াকৈ মুকলি হৈছে হুমা কুৰেশ্বীৰ ‘মহাৰাণী ৩’ৰ ট্ৰেইলাৰ । এতিয়া ছ’চিয়েল মিডিয়াত ভাইৰেল হৈ পৰিছে মহাৰাণী ৩’ৰ ট্ৰেইলাৰ ৷ হুমা কুৰেশ্বী আৰু অমিত ছিয়ালৰ অভিনীত ‘মহাৰাণী ৩’ত হুমাক এইবাৰ ৰাণী ভাৰতীৰ ৰূপত ন্যায়ৰ বাবে যুঁজ দিয়া দেখা যাব । এইবাৰ তেওঁৰ ৰাজনীতিৰ বেয়া প্ৰভাৱ তেওঁৰ সন্তানৰ ওপৰতো পৰা দেখা যাব । আটাইতকৈ জনপ্ৰিয় ৰাজনৈতিকধৰ্মী ৱেব ছিৰিজ ‘মহাৰাণী ৩’ৰ পৰা হুমা কুৰেশ্বীৰ কিছু সংলাপে এতিয়া ছ’চিয়েল মিডিয়াত আলোড়নৰ সৃষ্টি কৰিছে ।
মহাৰাণী ৩ ৰ ট্ৰেইলাৰ
চলচ্চিত্ৰ জগতত উৎকৃষ্ট অভিনয়ৰ বাবে পৰিচিত হুমা কুৰেশ্বী । এতিয়া অভিনেত্ৰীগৰাকীয়ে আগন্তুক ৱেব ছিৰিজ ‘মহাৰাণী ৩’ৰ ট্ৰেইলাৰৰ জৰিয়তে ছ’চিয়েল মিডিয়াত চৰ্চা লাভ কৰিছে । উল্লেখ্য যে, ‘মহাৰাণী ৩’ৰ ট্ৰেইলাৰৰ লগতে ইয়াৰ মুক্তিৰ তাৰিখো প্ৰকাশ কৰা হৈছে । ‘মহাৰাণী’ ছিৰিজখনৰ তৃতীয় ছিজনৰ ট্ৰেইলাৰটো দৰ্শকে খুব ভাল পাইছে । ইফালে, ‘মহাৰাণী ৩’ পৰা হুমা কুৰেশ্বীৰ কিছুমান জোৰদাৰ সংলাপ ভাইৰেল হৈ পৰিছে, যাৰ বাবে এতিয়া সকলোৱে অভিনেত্ৰীগৰাকীক প্ৰশংসা কৰিছে ।
মহাৰাণী ৩ৰ পৰা হুমা কুৰেশ্বীৰ সংলাপ
ট্ৰেইলাৰত দেখুওৱা হৈছে যে ৰাণী ভাৰতী জেইলত আছে । ছ’চিয়েল মিডিয়াত ট্ৰেইলাৰ প্ৰকাশ পোৱাৰ লগে লগে ভাইৰেল হৈ পৰে হুমা কুৰেশ্বীৰ সংলাপ । এই ট্ৰেইলাৰত হুমা কুৰেশ্বীয়ে দুটা সংলাপ কয় । হুমা কুৰেশ্বীৰ প্ৰথম সংলাপ - 'দুৰ্বল মানুহে বন্দুক ব্যৱহাৰ কৰে, বুদ্ধিমান মানুহে মগজু ব্যৱহাৰ কৰে ৷' হুমা কুৰেশ্বীৰ দ্বিতীয় সংলাপ - 'ন্যায় হওক বা প্ৰতিশোধ, একেই কথা' ।
- " class="align-text-top noRightClick twitterSection" data="">
কেতিয়া মুক্তি পাব মহাৰাণী ৩ ?
'মহাৰাণী ৩' এখন ৰাজনৈতিক নাট্য ধাৰাবাহিক । হুমা কুৰেশ্বীয়ে প্ৰথম দুটা ছিজনতো ৰাণী ভাৰতীৰ চৰিত্ৰত অভিনয় কৰিছিল । এতিয়া ৰাজনীতিৰ জগতখনত আলোড়নৰ সৃষ্টি কৰিবলৈ আকৌ এবাৰ ঘূৰি আহিছে ৰাণী ভাৰতী । SonyLIV ত চাব পাৰিব 'মহাৰাণী ৩' । ২০২৪ চনৰ ৭ মাৰ্চত মুক্তি পাব ‘মহাৰাণী ৩ ’। এই ছিৰিজখনত অনুজা সাথে, সুশীল পাণ্ডে, দিব্যেন্দু ভট্টাচাৰ্য আৰু সোহাম শ্বাহেও গুৰুত্বপূৰ্ণ চৰিত্ৰত অভিনয় কৰিছে ।
লগতে পঢ়ক: যোদ্ধাৰ জোৰদাৰ টিজাৰ মুক্তি, একশ্যন অৱতাৰত সিদ্ধাৰ্থ মালহোত্ৰা
