চিটাৰা ডেস্ক, ১১ জুন : কল্কি ২৮৯৮ এডিৰ ট্ৰেইলাৰে মুক্তিৰ ২৪ ঘণ্টাতকৈয়ো কম সময়ত ইউটিউবত ১৩ নিযুত ভিউজ লাভ কৰে ! ট্ৰেইলাৰ মুকলিৰ পাচতে যেন ইণ্টাৰনেটত জুই লাগে ৷ উন্মাদ হৈ পৰে প্ৰভাসৰ অনুৰাগীসকলক । এই লাগি থকা জুইত অধিক ইন্ধন যোগাবলৈ নিৰ্মাতাসকলে শ্বেয়াৰ কৰিলে চিনেমাখনৰ এখন আইমেক্স পোষ্টাৰ ।
প্ৰভাস আৰু দীপিকা পাডুকন অভিনীত এই সৰ্বভাৰতীয় ছবিখন ২৭ জুন, ২০২৪ তাৰিখে বিশ্বজুৰি ৰূপালী পৰ্দাত মুক্তি পাবলৈ সাজু হৈছে । শেহতীয়াকৈ উন্মোচন কৰা ট্ৰেইলাৰটোৱে চাই-ফাই প্ৰেমীসকলক মতলীয়া কৰি তুলিছে ৷ ভাৰতীয় চলচ্চিত্ৰত আগতে কেতিয়াও নেদেখা দৃশ্য প্ৰদৰ্শন কৰা হৈছে ছবিখনত ।
নাগ অশ্বিনৰ দ্বাৰা পৰিচালিত দলটোৱে ২ মিনিট, ৩০ ছেকেণ্ড দৈঘ্যৰ আন এটা ট্ৰেইলাৰ মুকলি কৰাৰ সম্ভাৱনা আছে, যিটো হয়তো তেওঁলোকে চিনেমাখন ছবিগৃহলৈ অহাৰ এসপ্তাহ আগতে শ্বেয়াৰ কৰিব । শুনিবলৈ পোৱা অনুসৰি এইটো ট্ৰেইলাৰ আগৰটোতকৈয়ো অধিক শ্বাসৰুদ্ধকাৰী হ'ব ।
ইতিমধ্যে বহিঃৰাজ্যৰ টিকট বিক্ৰী চলি আছে আৰু আইমেক্স সংস্কৰণটো বিশাল মুক্তিৰ সাজু কৰা হৈছে । প্ৰভাসৰ অনুৰাগী আৰু চিনেমাপ্ৰেমীসকলে নিশ্চিতভাৱে ডাঙৰ আইমেক্স পৰ্দাত কল্কি ২৮৯৮ এডি চোৱাৰ সাক্ষী হোৱাৰ সুযোগ হেৰুৱাব নিবিচাৰিব । নিৰ্মাতাসকলে কল্কি ২৮৯৮ এডি আইমেক্স পোষ্টাৰ শ্বেয়াৰ কৰাৰ পিচতে নেটিজেন আৰু প্ৰভাসৰ অনুৰাগীসকলে সামাজিক মাধ্যমত উৎসাহেৰে প্ৰতিক্ৰিয়া প্ৰকাশ কৰে ।
নাগ অশ্বিনৰ দৃষ্টিভংগীৰ প্ৰশংসা কৰাৰ পৰা চলচ্চিত্ৰখনৰ আইমেক্স মুক্তিৰ বাবে উল্লাস কৰালৈকে, নেটিজেনসকলে ৰোমাঞ্চিত হৈ পৰিছে । কিংবদন্তি অমিতাভ বচ্চন, দিশা পাটানী, কমল হাছানৰ দৰে অভিনেতাৰ সৈতে এই ছবিখনে এক মহাকাব্যিক দৃশ্যত প্ৰভাৱশালী হোৱাৰ প্ৰতিশ্ৰুতি দিছে । দুলকুৰ ছলমান, বিজয় দেৱেৰাকোণ্ডা আৰু অন্যান্য পৰিচিত নামো দৰ্শকে ছবিখনত দেখিবলৈ পাব পাৰে ৷
পৰিচালনাৰ লগতে, নাগ অশ্বিনে বৈজয়ন্তী মুভিজৰ দ্বাৰা প্ৰযোজিত চাই-ফাই নাটকখন লিখিছেও । কল্কি 2898 এডি ইয়াৰ অত্যাধুনিক ভিএফএক্স, অত্যাশ্চৰ্য দৃশ্য আৰু মনোমোহা সংগীতৰ সৈতে চলচ্চিত্ৰৰ উজ্জ্বলতাক পুনৰ সংজ্ঞায়িত কৰিবলৈ সাজু হৈছে । এক অতুলনীয় চলচ্চিত্ৰ অভিজ্ঞতাৰ বাবে সাজু হওক। এই মাহৰ শেষৰ ফালে বিশ্বজুৰি চমৎকাৰ কৰাটো নিশ্চিত Kalki 2898 AD য়ে ।
লগতে পঢ়ক : আগেয়ে নেদেখা ৰূপত বিগ বি-দীপিকা: ‘ভৈৰৱা’ চৰিত্ৰত প্ৰভাস নে অইন কোনোবা ? - Kalki 2898 AD Trailer
