চিটাৰা ডেস্ক, 25 জুন : দক্ষিণৰ চলচ্চিত্ৰ উদ্যোগৰ মেগাষ্টাৰ কমল হাছানৰ নতুন ছবি ইণ্ডিয়ান ২ মুক্তিৰ বাবে সাজু হৈছে । শেহতীয়াকৈ নিৰ্মাতাসকলে ছবিখনৰ ট্ৰেইলাৰৰ বিষয়ে আপডেট শ্বেয়াৰ কৰিছে । আজি, 25 জুনৰ পুৱা নিৰ্মাতাসকলে তেওঁলোকৰ অফিচিয়েল এক্স একাউণ্টত এই কথা ঘোষণা কৰিছে ৷
লাইকা প্ৰডাকচনে মঙলবাৰে ইয়াৰ অফিচিয়েল এক্স হেণ্ডেলত ইণ্ডিয়ান ২ ৰ ট্ৰেইলাৰৰ কথা ঘোষণা কৰে । নিৰ্মাতাসকলে নতুন পোষ্টাৰৰ সৈতে শিৰোনামটোত লিখে, 'উৎসাহেৰে পৰিপূৰ্ণ । ইণ্ডিয়ান ২ ৰ ট্ৰেইলাৰ আজি সন্ধিয়া 7️ বজাত মুকলি কৰা হ'ব । কামাণ্ডাৰৰ মহাকাব্যিক কাহিনীৰ এক ৰোমাঞ্চকৰ আভাসৰ বাবে সাজু হওক ।" ট্ৰেইলাৰটো ৰাজহুৱা কৰাৰ আগতে চেন্নাইৰ সংবাদ মাধ্যমক দেখুওৱা হৈছিল ।
‘ইণ্ডিয়ান ২’ত সেনাপতি হিচাপে পুনৰ উভতি আহিছে কমল হাছান । কমল হাছানৰ বাহিৰেও ছবিখনত সিদ্ধাৰ্থ, কাজল আগৰৱাল, ৰাকুল প্ৰীত সিঙৰ দৰে বহু প্ৰতিভাশালী তাৰকা আছে । প্ৰিয়া ভৱানী শংকৰ, বিবেক, নেদুমুডি ভেনু, গুলশ্যন গ্ৰ’ভাৰ, এছ জে সূৰ্য্য আৰু ববি সিমহাৰ দৰে শিল্পীয়েও ছবিখনত অভিনয় কৰা দেখিবলৈ পোৱা যাব । অনিৰুদ্ধ ৰবিচন্দৰে ৰচনা কৰিছে ছবিখনৰ সংগীত । সামাজিক নাটকখনে দৰ্শকক এক শক্তিশালী বাৰ্তা দিয়াৰ সম্ভাৱনা আছে ।
একশ্যন ছবি 'ইণ্ডিয়ান ২' পৰিচালনা কৰিছে বিখ্যাত পৰিচালক শংকৰ শানমুগামে । আনহাতে লাইকা প্ৰডাকচনে ৰাজনৈতিক থ্ৰিলাৰখন প্ৰযোজনা কৰিছে । ছবিখন ২০২৪ চনৰ ১২ জুলাইত ছবিগৃহত মুক্তি দিয়া হ'ব । তামিল, তেলুগু আৰু হিন্দী এই তিনিটা ভাষাত ছবিগৃহলৈ আহিব ছবিখন ।
