চিটাৰা ডেস্ক, 7 ছেপ্টেম্বৰ : প্ৰতি বছৰৰ দৰে এইবাৰো মুম্বাইত গণেশ উৎসৱ উদযাপন কৰা হৈছে ৷ লালবাগচা ৰাজাও আহি উপস্থিত হৈছে, য'ত দেশৰ আটাইতকৈ বিশিষ্ট তাৰকাৰ পৰা সাধাৰণ লোকলৈকে সকলোৱে মূৰ দোৱাই । এইবাৰো লালবাগচা ৰাজাক আড়ম্বৰপূৰ্ণভাৱে আদৰণি জনোৱা হয় । এইবছৰ তেওঁৰ শিৰত 20 কিলোগ্ৰাম ওজনৰ সোণৰ মুকুট সজোৱা হৈছে ।
लालबागचा राजाचे, प्रसिद्धी माध्यमांसाठी फोटो सेशन गुरुवार दिनांक 5 सप्टेंबर 2024 रोजी संध्याकाळी ठिक 7 वाजता करण्यात आले आहे. त्या वेळेची क्षणचित्रे.#lalbaugcharaja
— Lalbaugcha Raja (@LalbaugchaRaja) September 5, 2024
Exclusive live on YouTube :https://t.co/XAHhCLjBM6 pic.twitter.com/fg07hI096z
লালবাগচা ৰাজালৈ এই আশ্চৰ্যকৰ উপহাৰ আগবঢ়াইছে কোটিপতি মুকেশ আম্বানীৰ পুত্ৰ অনন্ত আম্বানীয়ে । প্ৰাপ্ত খবৰ অনুসৰি, অনন্তে লালবাগচা ৰাজালৈ 15 কোটি টকীয়া 20 কিলোগ্ৰাম ওজনৰ সোণৰ মুকুট আগবঢ়াইছে ।
- লালবাগচাৰ শিৰত 20 কিলোগ্ৰামৰ সোণৰ মুকুট
বাতৰি অনুসৰি, অনন্ত আম্বানীয়ে গণেশ চতুৰ্থী উৎসৱৰ পূৰ্বে লালবাগচা ৰাজাক 20 কিলোগ্ৰাম সোণ আগবঢ়াইছিল । লালবাগচা ৰাজাৰ প্ৰথম লুকটো 6 ছেপ্টেম্বৰৰ সন্ধিয়া প্ৰকাশ কৰা হৈছিল, য'ত ভগৱান গণেশক মেৰুণ ৰঙৰ এম্ব্ৰইডাৰী কৰা পোছাক পিন্ধা দেখা যায় । মূৰ্তিটোৰ ডিঙিত মেৰুণ আৰু হালধীয়া মালাও আছে । অনন্ত আম্বানীয়ে উপহাৰ হিচাপে আগবঢ়োৱা সোণৰ 'মুকুট'টোৱে এইবছৰ লাইমলাইট চুৰি কৰিছে ।
জানিব পৰা গৈছে যে অনন্ত আম্বানীয়ে উপহাৰ দিয়া সোণৰ মুকুটতো দুমাহৰ ভিতৰত প্ৰস্তুত কৰা হৈছিল । লালবাগচা ৰাজা ৰাজহুৱা গণেশোৎসৱ মণ্ডলে 7 ছেপ্টেম্বৰৰ পৰা 17 ছেপ্টেম্বৰলৈ গণেশ চতুৰ্থী উদযাপন কৰিব ।
- এণ্টিলিয়ালৈয়ো আহিল বাপ্পাৰ মূৰ্তি
আনহাতে আম্বানী পৰিয়ালে বাপ্পাৰ মূৰ্তি তেওঁলোকৰ ঘৰ এন্টিলিয়াতো স্থাপন কৰে, যাক এন্টিলিয়া কা ৰাজা বুলি কোৱা হয় । সমগ্ৰ আম্বানী পৰিয়ালে ভগৱান গণেশৰ মূৰ্তিক আদৰণি জনাই ‘গণপতি বাপ্পা মৌৰিয়া’ ধ্বনিৰে পৰিৱেশটো মনোমোহা কৰি তোলে । গণেশ চতুৰ্থীৰ পূৰ্বে মুকেশ আম্বানীৰ পত্নী নীতা আম্বানীয়ে বৃহস্পতিবাৰে মুম্বাইত এক অনুষ্ঠানৰ জৰিয়তে সকলো দেশবাসীক এই উৎসৱৰ বাবে শুভেচ্ছা জনায় । নীতা মুকেশ আম্বানী সাংস্কৃতিক কেন্দ্ৰ (এনএমএচিচি)ত অনুষ্ঠিত এই অনুষ্ঠানত মুকেশ আম্বানী, অনন্ত আম্বানী আৰু ৰাধিকা মাৰ্চেণ্টো উপস্থিত থাকে ।
লগতে পঢ়ক : আশীৰ্বাদ বিচাৰি সিদ্ধিবিনায়ক মন্দিৰত ৰণবীৰ-দীপিকা - Ranveer Deepika Siddhivinayak visit
