চিটাৰা ডেস্ক, 3 ছেপ্টেম্বৰ : সোমবাৰে ইনষ্টাগ্ৰামত দেখিবলৈ পোৱা গ’ল বহু প্ৰতীক্ষিত পোষ্টটো ৷ নজৰ, হৃদয় আৰু চিৰদিনীয়া, এই তিনিটা কথা সূচোৱা তিনিটা ইম’জীৰে সৈতে একৰঙী ফটো শ্বেয়াৰ কৰিলে দীপিকাই ৷ ফটোবোৰত অতি সোনকালেই পিতৃ-মাতৃ হ'বলগীয়া ৰণবীৰ দীপিকাক গৌৰৱ আৰু আনন্দেৰে উজ্জল হৈ থকা দেখিবলৈ পোৱা গৈছে ৷ পাৱাৰ কাপলৰ বান্ধোন স্পষ্টকৈ ফুটাই তুলিছে এই ফটোসমূহেৈ । এই অন্তৰংগ পোষ্টটোৱে তেওঁলোকৰ মাজৰ গভীৰ সম্পৰ্ক আৰু প্ৰেম প্ৰতিফলিত কৰিছে, যিয়ে নেটিজেনসকলক আৱেগিকভাৱে আকৰ্ষণ কৰিছে ।
এই গৰ্ভাৱস্থাৰ ফটোশ্বুটত অনুৰাগী আৰু শুভাকাংক্ষীসকলৰ পৰা অকল্পনীয়ভাৱে মৰম আৰু শুভেচ্ছা লাভ কৰিছে তাৰকাদ্বয়ে । এজন অনুৰাগীয়ে লিখিছে, "আপোনাৰ এটা মৰমলগা ল'ৰা সন্তান হ'ব ।" আন এজনে মন্তব্য কৰিছে, "প্ৰেম আৰু আশীৰ্বাদ ।"
ৰণবীৰ-দীপিকাই পিতৃ-মাতৃত্বৰ যাত্ৰাৰ বিষয়ে মুকলিকৈ প্ৰকাশ কৰি আছে ৷ ছ’চিয়েল মিডিয়াত অনুৰাগীৰ সৈতে নিজৰ অভিজ্ঞতাৰ আভাস শ্বেয়াৰ কৰি আছে আৰু এই ফটোশ্বুটে সেই যাত্ৰাৰ এক সুন্দৰ প্ৰতিফলন দাঙি ধৰিছে ।
উল্লেখ্য যে, চলিত বছৰৰ ফেব্ৰুৱাৰী মাহত দীপিকাই অন্তঃসত্ত্বা হোৱাৰ কথা ঘোষণা কৰিছিল ৷ এতিয়া চলিত মাহৰ 28 তাৰিখে মুম্বাইতে অভিনেত্ৰীগৰাকীয়ে সন্তান জন্ম দিব বুলি জানিব পৰা গৈছে ৷
ছবছৰ ধৰি একেলগে থকা ৰণবীৰ সিং আৰু দীপিকা পাডুকোনে 2018 চনত ইটালীৰ লেক কোমোত এক ব্যক্তিগত অনুষ্ঠানত বিবাহ পাশত আৱদ্ধ হৈছিল । তেওঁলোকৰ প্ৰেমকাহিনী 2013 চনত সঞ্জয় লীলা ভাঞ্চালীৰ ‘‘গ’লিয়ো কি ৰাসলীলা ৰাম-লীলা’’ৰ ছেটত আৰম্ভ হৈছিল আৰু বাজীৰাও মস্তানি আৰু পদ্মাৱত নিৰ্মাণৰ সময়ত এই প্ৰেম গভীৰ হৈছিল । দম্পতীটো এতিয়া ৰোহিত শ্বেট্টীৰ ‘সিংঘম এগেইন’ত আকৌ এবাৰ স্ক্ৰীণ শ্বেয়াৰ কৰিবলৈ সাজু হৈছে ।
শীঘ্ৰেই পিতৃ-মাতৃ হ’বলগীয়া দীপিকা-ৰণবীৰে টুইনিং লুকেৰে মুহিলে সকলোকে - Ranveer Deepika airport look
দীপিকাৰ সমৰ্থনত সমালোচনাকাৰীক তুলাধূনা ৰিচা চাড্ডাৰ - Richa in support of Deepika
হাতত হাত থৈ লাস্যময়ী খোজেৰে বিমানবন্দৰত ৰণবীৰ-দীপিকা - Deepika Ranveer airport video
