চিটাৰা ডেস্ক, 28 এপ্ৰিল : ইৰফান খানক বলীউডৰ এগৰাকী কিংবদন্তি হিচাপে স্মৰণ কৰা হয় । তেওঁ কেৱল হিন্দী চলচ্চিত্ৰলৈহে অৱদান আগবঢ়োৱাই নহয় আন্তঃৰাষ্ট্ৰীয় পৰ্যায়তো সুখ্যাতি লাভ কৰিছে ৷ কেইবাবছৰ ধৰি কৰ্কট ৰোগৰ সৈতে যুঁজাৰ পাচত 2020 চনত ইৰফান খানৰ মৃত্যু হৈছিল । অহা 29 এপ্ৰিলত তেওঁৰ চতুৰ্থ মৃত্যু বাৰ্ষিকী ৷ এই দিনটোৰ উপলক্ষে এই 3 খন আইকনিক চলচ্চিত্ৰৰে তেওঁক স্মৰণ কৰো ৷
হাসিল (2003)
এই চলচ্চিত্ৰখনত ইৰফানে এজন ছাত্ৰ নেতাৰ চৰিত্ৰত অভিনয় কৰিছিল ৷ যিয়ে ছাত্ৰ ৰাজনীতিৰ এক ঘৃণনীয় ছবি দেখুৱাইছিল । এই চলচ্চিত্ৰখনত ইৰফানে খলনায়কৰ চৰিত্ৰত অভিনয় কৰিছিল । এই ছবিখনৰ বাবে, তেওঁ নেতিবাচক চৰিত্ৰ শিতানত শ্ৰেষ্ঠ অভিনেতাৰ ফিল্মফেয়াৰ বঁটাও লাভ কৰে । এই ছবিখন পৰিচালনা কৰিছিল তিগমাংশু ধুলিয়াই ।
মকবুল (2003)
মকবুল ইৰফানৰ বাবে এখন সফল চলচ্চিত্ৰ আছিল । চলচ্চিত্ৰখন শ্বেইকছপীয়েৰৰ মেকবেথৰ এক অভিযোজন আছিল ৷ এই ছবিখনত ইৰফানে মুখ্য চৰিত্ৰৰ অভিনয় কৰিছিল ৷ চলচ্চিত্ৰখনত, তেওঁ আণ্ডাৰৱৰ্ল্ড ডনৰ হেঞ্চমেন মকবুলৰ চৰিত্ৰত অভিনয় কৰিছিল । বিশাল ভৰদ্বাজে এই ছবিখনৰ পৰিচালনা কৰিছিল । বলীউডৰ অভিনেত্ৰী টাবুও ছবিখনত অভিনয় কৰিছিল ৷
পান সিং তোমৰ (2012)
2012 চনত মুক্তি প্ৰাপ্ত পান সিং তোমাৰ ইৰফান খানৰ অন্যতম সফল চলচ্চিত্ৰ । এইখন এগৰাকী ৰাষ্ট্ৰীয় খেলুৱৈৰ জীৱনৰ ওপৰত আধাৰিত ছবি । পৰিস্থিতিৰ বাবে খেলুৱৈগৰাকী এগৰাকী ডকাইতলৈ পৰিৱৰ্তিত হৈছিল । এই চৰিত্ৰটোৱে ইৰফান খানৰ কেৰিয়াৰৰ অন্যতম শ্ৰেষ্ঠ প্ৰদৰ্শন আছিল । দৰ্শক আৰু অনুৰাগীয়ে এই ছবিখনৰ পিচত অভিনেতাগৰাকীৰ অভিনয়ৰ প্ৰশংসা কৰিছিল ৷
লগতে পঢ়ক : পিতৃৰ মৃত্যু বাৰ্ষিকীৰ পূৰ্বে পুত্ৰ বাবিলে শ্বেয়াৰ কৰিলে এটা আৱেগিক পোষ্ট - Irrfan Khan Death Anniversary
