চিটাৰা ডেস্ক, 19 মে’ : ২০২৪ চনৰ কাঁ চলচ্চিত্ৰ মহোৎসৱত ৰেড কাৰ্পেটত কিয়াৰাৰ ইটোৰ পিচত সিটো লুকছে মুহিছে সকলোকে ৷ শনিবাৰে কিয়াৰাই উৰুলৈকে কটা গাউন পৰিধান কৰাৰ পিচতে সৰ্বত্ৰে চৰ্চা লাভ কৰে ৷ এইবাৰ আকৌ ৰেড ছী আন্তৰ্জাতিক চলচ্চিত্ৰ ফাউণ্ডেশ্যনৰ ৱ’মেন ইন চিনেমা গালা ডিনাৰত অনন্য ৰূপত দেখা গ’ল কিয়াৰাক ৷
কিয়াৰাই এই অনুষ্ঠানত এটা গোলপীয়া আৰু ক’লা গাউন পৰিধান কৰিছিল ৷ এই গাউনটোত কিয়াৰাৰ শৰীৰৰ কাৰ্ভছ সুন্দৰভাৱে প্ৰতিফলিত হৈছিল ৷ শেহতীয়াকৈ ৱ’মেন ইন চিনেমা গালা ডিনাৰত ভাৰতক প্ৰতিনিধিত্ব কৰিবলৈ ফ্ৰেঞ্চ ৰিভিয়েৰালৈ ভ্ৰমণ কৰিছে অভিনেত্ৰীগৰাকীয়ে ৷ তেওঁ সামাজিক মাধ্যমত এখন ধুনীয়া ফটো শ্বেয়াৰ কৰিছে ।
অভিনেত্ৰীগৰাকীয়ে এই চলচ্চিত্ৰ মহোৎসৱৰ অনুষ্ঠানৰ পৰা তেওঁৰ তৃতীয়টো লুকছ প্ৰকাশ কৰিছে ৷ কিয়াৰাই ৰেড কাৰ্পেটত খোজ দিয়াৰ লগে লগে সকলোৰে আকৰ্ষণৰ কেন্দ্ৰবিন্দু হৈ পৰিছিল ৷ কাঁ চলচ্চিত্ৰ মহোৎসৱত কিয়াৰা আদৱানীৰ এয়া প্ৰথম আত্মপ্ৰকাশ ৷
বিশ্বৰ বিভিন্ন মনোৰঞ্জন উদ্যোগৰ কেইবাজনো এ-লিষ্টাৰৰ সৈতে ৰেড ছী আন্তৰ্জাতিক চলচ্চিত্ৰ ফাউণ্ডেশ্যনৰ ৱ’মেন ইন চিনেমা গালা ডিনাৰত অংশগ্ৰহণ কৰিছে কিয়াৰাই ৷ মজিয়াৰ দৈৰ্ঘৰ গাউনটোৰ পিচফালে এটা ডাঙৰ গুলপীয়া ব’ লগোৱা আছিল ৷ কিয়াৰাৰ চুলি এটা মসৃণ ওখ খোপাত ষ্টাইল কৰিছিল আৰু গ্লছী লিপষ্টিক পৰিধান কৰিছিল ৷ তেওঁ লুকছটো আৰু বেছি ধুনীয়া দেখিবলৈ সূক্ষ্ম হীৰাৰ নেকলেছ আৰু ক'লা লেছৰ হাতমোজা পৰিধান কৰিছিল ৷
মঙলবাৰে নিশা কুৱেণ্টিন ডুপিউক্সৰ লে ডিউক্সিম এক্টৰ (দ্বিতীয় এক্ট) বিশ্ব প্ৰিমিয়াৰৰ সৈতে কাঁ চলচ্চিত্ৰ মহোৎসৱৰ আৰম্ভ হয় ৷ য'ত মুখ্য চৰিত্ৰত লিয়া ছেডৌক্স, ভিনচেণ্ট লিণ্ডন, লুই গাৰেল আৰু ৰাফেল কুৱেনাৰ্ডে অভিনয় কৰে । এইবৰ্ষৰ কাঁ চলচ্চিত্ৰ মহোৎসৱত উপস্থিত থকা আন ভাৰতীয় অভিনেত্ৰীসকলৰ ভিতৰত আছে ঐশ্বৰ্য ৰায় বচ্চন, সোভিতা ধুলিপালা আৰু অদিতি ৰাও হায়দৰী ।
লগতে পঢ়ক: কাঁ চলচ্চিত্ৰ মহোৎসৱত অভিষেক ঘটোৱা কিয়াৰাৰ লুকে মুহিছে সকলোকে - Cannes Film Festival 2024
