হায়দৰাবাদ : বাবা ছিদ্দিকীৰ হত্যাৰ পিছত তেওঁৰ পুত্ৰ-ৰাজনীতিবিদ জীশান ছিদ্দিকীয়ে বলীউডৰ ছুপাৰষ্টাৰ ছলমান খানৰ অদম্য সমৰ্থনৰ বিষয়ে মুকলিকৈ কয় । বাবা ছিদ্দিকীৰ দীৰ্ঘদিনীয়া বন্ধু ছলমান চিকিৎসালয়ত উপস্থিত হোৱা প্ৰথম চেলেব্ৰিটীসকলৰ ভিতৰত অন্যতম আছিল আৰু অন্ত্যেষ্টিক্ৰিয়াতো তেওঁ উপস্থিত আছিল । ঘনিষ্ঠ বন্ধনৰ বৰ্ণনা কৰি জীশানে প্ৰকাশ কৰে যে ছলমানে বাবাক ভাতৃৰ দৰে ব্যৱহাৰ কৰিছিল আৰু তেতিয়াৰ পৰাই তেওঁ ছিদ্দিকী পৰিয়ালৰ বাবে শক্তিৰ স্তম্ভ হিচাপে আছে ।
শেহতীয়াকৈ এটা নিউজৱায়াৰৰ সৈতে হোৱা এক সাক্ষাৎকাৰত জীশানে শ্বেয়াৰ কৰে, “ছলমান ভায়ে মোক প্ৰতিনিশাই ফোন কৰে ৷” পিতৃৰ মৃত্যুৰ পিছত উজাগৰী নিশা কটোৱা জীশানৰ খবৰ ল’বলৈ ছুপাৰষ্টাৰগৰাকীয়ে কৰা প্ৰচেষ্টাৰ কথা উল্লেখ কৰে ৷ ছিদ্দিকী পৰিয়ালৰ সৈতে ছলমানৰ সংযোগ ৰেড কাৰ্পেটৰ উৰ্ধত ; ই প্ৰকৃত পাৰিবাৰিক সম্পৰ্কৰ দৰে ৷
শিল্পা শ্বেট্টী আৰু সঞ্জয় দত্তৰ দৰে বলীউডৰ আন তাৰকাসকলেও জীশানক সমৰ্থন আগবঢ়াবলৈ আহিছিল ৷ শিল্পা এই খবৰৰ দ্বাৰা বিশেষভাৱে প্ৰভাৱিত হৈছিল । জীশানে উল্লেখ কৰে যে তেওঁ পিতৃৰ বন্ধুসকলক কেৱল চেলেব্ৰিটী হিচাপে নহয়, পৰিয়াল হিচাপেহে চায় ।
ছিদ্দিকী পৰিয়াল এতিয়া গভীৰভাৱে চিন্তিত, কিয়নো বাবা ছিদ্দিকীৰ হত্যাকাণ্ডৰ দায়িত্ব লৰেন্স বিষ্ণৈ দলে মূৰ পাতি লৈছে ৷ বিষ্ণৈ দলৰ সৈতে জড়িত বুলি অভিযোগ থকা ভাইৰেল পোষ্ট এটাত শেহতীয়াকৈ ছলমান খানলৈ সতৰ্কবাণী প্ৰেৰণ কৰা হৈছিল ৷ এই ঘটনাই অভিনেতাগৰাকীৰ নিৰাপত্তাজনিত উদ্বেগ বৃদ্ধি কৰে । ইয়াৰ পিছতে মুম্বাই আৰক্ষীয়ে ছলমানক ৱাই+ ছিকিউৰিটি প্ৰদান কৰে ৷ ক্ৰমাৎ বৃদ্ধি পোৱা ভাবুকিৰ মাজত অভিনেতাজনক যথেষ্ট সুৰক্ষা দিয়া হৈছে ।
লগতে পঢ়ক : ক’লা হৰিণা চিকাৰৰ গোচৰটো ঢাকিবলৈ ব্লেংক চেক দিছিল ছলমানে !
বিপদে লগ এৰা নাই 'ভাইজান' ছলমান খানৰ ! পিচে অনুৰাগীসকল এইবাৰ চিন্তিত আন এজনক লৈহে
