চিটাৰা ডেস্ক, ১৪ ফেব্ৰুৱাৰী : অনুৰাগীয়ে আগ্ৰহেৰে অপেক্ষা কৰি আছে ৰোহিত শ্বেট্টীৰ কপ ইউনিভাৰ্ছৰ তৃতীয়খন ছবি সিংঘম ৩ৰ বাবে । এই ছবিখনৰ ঘোষণাৰ পিচৰে পৰা সকলোৱে মুক্তিৰ বাবে অপেক্ষা কৰি আছে । ৰোহিত শ্বেট্টীৰ ছবি সিংঘম ৩ত দেখা বহু ডাঙৰ ডাঙৰ তাৰকাক ৷ ছবিখনৰ পৰা বহু তাৰকাৰ প্ৰথম লুক শ্বেয়াৰ কৰিছে ৰোহিত শ্বেট্টীয়ে ।
এতিয়া ৰোহিত শ্বেট্টীয়ে প্ৰকাশ কৰিছে তেওঁৰ ছবিখনৰ খলনায়কৰ নাম আৰু ফটো । শেহতীয়াকৈ ৰোহিত শ্বেট্টীয়ে নিজৰ ইনষ্টাগ্ৰাম একাউন্টত দুখন পোষ্টাৰ শ্বেয়াৰ কৰিছে ৷ পোষ্টাৰখনত অৰ্জুন কাপুৰক খলনায়কৰ চৰিত্ৰত দেখা গৈছে । ইয়াৰ লগে লগে ছবিখনৰ পৰা অৰ্জুনৰ ফাৰ্ষ্ট লুক শ্বেয়াৰ কৰিছে ৰোহিতে ।
হয়, সিংঘম ৩ ত খলনায়কৰ চৰিত্ৰত দেখা যাব অৰ্জুন কাপুৰক ৷ এখন ফটোত অৰ্জুনৰ মুখত তেজ দেখা গৈছে আৰু তেওঁ হাঁহিছে । দ্বিতীয়খন ফটোত তেওঁৰ মুখামুখি হৈছে ৰণবীৰ সিং । এইখিনিতে উল্লেখ কৰিব লাগিব যে ৰণবীৰৰ ছিম্বাত যি ভূমিকা আছিল ৷ সেই ভূমিকা এই ছবিখনতো দেখা যাব । অৰ্থাৎ আৰক্ষী বিষয়াৰ চৰিত্ৰত দেখা যাব ৰণবীৰক ৷
ইফালে অৰ্জুন কাপুৰৰ লুক শ্বেয়াৰ কৰি ৰোহিত শ্বেট্টীয়ে লিখিছে, ‘‘মানুহে ভুল কৰে আৰু তাৰ বাবে শাস্তিও পায় । কিন্তু এতিয়া যিজন আহিব তেওঁ হৈছে চয়তান । ক’ব পাৰোনে- চিনাকি কৰাই দিছো অৰ্জুন কাপুৰক ।’’
লুকটো চোৱাৰ পিচত অনুৰাগীয়ে প্ৰকাশ কৰিছে প্ৰতিক্ৰিয়া । এজনে লিখিছে- আমি এক মিনিটৰ বাবে ৰৈ অৰ্জুনৰ চাৱনিৰ প্ৰশংসা কৰিব পাৰোনে ? আনহাতে আন এজনে লিখিছে – অৰ্জুনৰ ফেশ্বন চেন্স সদায় জুই । এজনে লিখিছে- বহুত ভাল ।
নায়কৰ সৈতে যুঁজিব খলনায়ক
সিংঘম ৩ত বহু আৰক্ষীৰ সৈতে জোৰদাৰ একশ্যন কৰা দেখা যাব অৰ্জুন কাপুৰক । ছবিখনত অজয় দেৱগন, ৰণবীৰ সিং, অক্ষয় কুমাৰ, দীপিকা পাডুকন, কৰীণা কাপুৰ আৰু টাইগাৰ শ্ৰফকো দেখা যাব । ৰোহিত শ্বেট্টীৰ সিংঘম ৩ত বহু তাৰকাক দেখা যাব ৷ যাৰ বাবেই ছবিখনক লৈ চৰ্চা চলিছে ।
ৰোহিত শ্বেট্টীৰ পৰিচালনাত নিৰ্মিত সিংঘম ৩ ছবিখন স্বাধীনতা দিৱস অৰ্থাৎ ২০২৪ চনৰ ১৫ আগষ্টত ছবিগৃহত মুক্তি পাব ।
লগতে পঢ়ক: ৰণবীৰ সিং-জনী ছিন্সৰ বিজ্ঞাপনত ক্ষোভ প্ৰকাশ ৰশ্মি দেশাইৰ
