চিটাৰা ডেস্ক, 24 আগষ্ট : নৱাজুদ্দিন ছিদ্দিকী, ৰোহন মেহৰা, শ্ৰেয়া ধাৱানটাৰী আৰু ডায়েনা পেণ্টি অভিনীত অতিপ্ৰাকৃতিক আৰু ছাচপেন্সফুল ছবি অদ্ভূতৰ ট্ৰেইলাৰ আজি 24 আগষ্টত মুকলি কৰা হয় । নৱাজুদ্দিনক অদ্ভূত চলচ্চিত্ৰখনত এজন ডিটেক্টটিভৰ চৰিত্ৰত দেখিবলৈ পোৱা যাব ।
এই ট্ৰেইলাৰটো চাই দৰ্শক নিশ্চয়কৈ উত্তেজিত হৈ পৰিব ৷ ছুপাৰনেছাৰেল শক্তি সুন্ৰকৈ উপস্থাপন কৰা হৈছে ছবিখনত । ছবিখন ছাবিৰ খানে পৰিচালনা কৰিছে । ট্ৰেইলাৰটো উপভোগ কৰক-
- অদ্ভূতৰ ট্ৰেইলাৰটো কেনেকুৱা ?
অদ্ভূতৰ ট্ৰেইলাৰ আৰম্ভ হয় ছবিখনৰ মুখ্য দম্পতী ৰোহন মেহৰা আৰু শ্ৰেয়াৰ মাজত হোৱা কথা-বতৰাৰ পৰা আৰু তাৰ পিচত দুয়োকে অন্তৰংগ হোৱা দেখা যায় । ৰোহন আৰু শ্ৰেয়া অন্তৰংগ মুহূৰ্তৰ সময়তে হঠাৎ ঘৰৰ দুৱাৰখন খোল খাই যায় আৰু তাৰ পিচতে আৰম্ভ হয় এটা অদৃশ্য অপশক্তিৰ খেল । এই দুষ্ট শক্তি কোন, কিয় আহিছে আৰু কিয় ৰোহন-শ্ৰেয়াৰ পিচত পৰে সেই কথা জানিবলৈ নৱাজুদ্দিন ছিদ্দিকীয়ে ডিটেক্টিভ হিচাপে ট্ৰেইলাৰত প্ৰৱেশ কৰে ।
অদ্ভূতৰ ট্ৰেইলাৰৰ শেষত দেখা যায় যে এই দুষ্ট শক্তিয়ে ছবিখনৰ মুখ্য অভিনেত্ৰী শ্ৰেয়াক সম্পূৰ্ণৰূপে নিজৰ আৱেশলৈ আনে আৰু তেওঁ শেষত ছাদৰ পৰা জঁপিয়াই পৰে । এতিয়া গোটেই ঘটনাটোৰ ৰহস্য ফাদিলৰ বাবে দৰ্শক নৱাজুদ্দিন ছিদ্দিকীৰ ওপৰত নিৰ্ভৰশীল ।
- কেতিয়া চাবলৈ পাব ছবিখন ?
ছ’নী পিকচাৰ্ছ ইণ্টাৰনেশ্যনেল প্ৰডাকশ্যনৰ বেনাৰত নিৰ্মাণ কৰা হৈছে ‘অদ্ভূত’ । ‘অদ্ভূত’ৰ কাহিনীটো ইয়াৰ পৰিচালক ছাবিৰ খানে নিজেই লিখিছে । ছবিখন থিয়েটাৰলৈ যোৱাৰ পৰিৱৰ্তে 15 ছেপ্টেম্বৰৰ নিশা 8 বজাত পোনপটীয়াকৈ ছ’নী মেক্স টিভি চেনেলত দেখিবলৈ পোৱা যাব ।
লগতে পঢ়ক : ষ্টেণ্ডিং অভেশ্যন লাভ কৰি আৱেগিক হৈ পৰিল সান্যা মালহোত্ৰা - Sanya Malhotra Standing Ovation
