নেশ্যনেল ডেস্ক,২৩ জুলাই: তাজমহলক তেজোমহালয় হিচাপে ঘোষণা কৰাক লৈ উৰ্দ্ধত উঠিছে বিতৰ্ক । ইয়াৰ মাজতে যোগী যুৱ ব্ৰিগেডে পৱিত্ৰ শাওণ মাহত তেজোমহালয়ত জলাভিষেক আৰু দুগ্ধঅভিষেক কৰাৰ বাবে অনুমতি বিচাৰি মৃত্যুঞ্জয় শ্ৰীবাস্তৱৰ আদালতত আবেদন দাখিল কৰে । ন্যায়াধীশ মৃত্যুঞ্জয় শ্ৰীবাস্তৱে মঙলবাৰে আবেলি যোগী যুৱ ব্ৰিগেডৰ ৰাজ্যিক সভাপতি কোঁৱৰ অজয় টোমৰ আৰু অধিবক্তা শিৱ অধৰ সিং টোমৰৰ দ্বাৰা স্থানীয় আদালতত দাখিল কৰা গোচৰটো গ্ৰহণ কৰে ।
তেজোমহালয় হিন্দু ৰজা পৰম দ্ৰাবিড়দেৱে নিৰ্মাণ কৰিছিল
অধ্যক্ষ কোঁৱৰ অজয় টোমৰে কয়, "পবিত্ৰ শাওণ মাহ চলি আছে । এই মাহত মহাদেৱৰ উপাসনাৰ বিশেষ গুৰুত্ব আছে । এই মাহটো কোটি কোটি হিন্দুৰ বিশ্বাসৰ সৈতে জড়িত । সেয়েহে, এই মাহত, ভগৱান শিৱৰ মন্দিৰত জলাভিষেক আৰু দুগ্ধঅভিষেক কৰা উচিত । সেয়েহে, আদালতত এটা গোচৰ ৰুজু কৰা হৈছে ।"
লগতে টোমৰে কয়, "১২১২ চনত ৰজা পৰমাদিদেভে আগ্ৰাত এটা শিৱ মন্দিৰ নিৰ্মাণ কৰিছিল । যাৰ নাম আছিল তেজোমহালয় বা তেজো মহল । ৰজাপৰমাদিদেৱৰ পিচত, ৰাজা মান সিঙে ইয়াত তেওঁৰ প্ৰাসাদ তৈয়াৰ কৰে আৰু মন্দিৰটো সুৰক্ষিত কৰি ৰাখে । পিছত মোগলৰ শাসন আহিল। এই সময়ছোৱাত, শ্বাহজাহানে ৰজা মানসিঙৰ পৰা তেজোমহালয় দখল কৰে আৰু ইয়াতেই তাজমহল নিৰ্মাণ কৰা হৈছিল ।"
তেওঁ উল্লেখ কৰে,"তেজোমহালয়ত শ্বাহজাহান আৰু মমতাজৰ কোনো কবৰ নাই । এইটো এটা গোকাট মিছা কথা । কাৰণ মমতাজৰ ১৬৩১ চনত মৃত্যু হৈছিল । আনহাতে, তাজমহলৰ নিৰ্মাণ কাৰ্য ১৬৩২ চনত আৰম্ভ হৈছিল । এবছৰৰ পিচত কোনো মৃতদেহ সমাধিস্থ কৰা নহয় । দৰাচলতে, মধ্য প্ৰদেশৰ বুৰহানপুৰৰ তাপ্তি নদীৰ পাৰত মমতাজক সমাধিস্থ কৰা হৈছিল ।"
মূল গম্বুজটোৰ হিন্দু মন্দিৰৰ দৰে
মোগল সম্ৰাট শ্বাহজাহানৰ পুত্ৰ ঔৰঙ্গজেবে ১৬৫২ চনত তেওঁৰ পিতৃলৈ এখন পত্ৰ লিখিছিল । এইটো লিখা হৈছিল যে ভৱনটোৰ ফাঁটবোৰ বাঢ়ি গৈছে, ই যিকোনো সময়তে খহি পৰিব পাৰে । গতিকে ইয়াক মেৰামতি কৰিব লাগে । এইটোও স্পষ্ট যে ইয়াক কৰবাত এটা পুৰণি চিহ্নত সংশোধন কৰা হৈছে । মূল গম্বুজটো হিন্দু মন্দিৰৰ দৰে । আজিও, হিন্দু মন্দিৰবোৰত এটা সোণালী গম্বুজ স্থাপন কৰাৰ পৰম্পৰা আছে ।
মোগল আছিল আক্ৰমণকাৰী
অজয় টোমৰে কয়,"মোগলসকল ভাৰতলৈ আহিছিল আৰু মন্দিৰসমূহ ভাঙিছিল আৰু তাৰ ওপৰত সমাধি নিৰ্মাণ কৰিছিল । মোগল সন্ত্ৰাসবাদীয়ে আমাৰ হিন্দু মন্দিৰসমূহ ভাঙি পেলাইছিল আৰু তাৰ ওপৰত মছজিদ আৰু সমাধি নিৰ্মাণ কৰিছিল । আন কাৰোবাৰ ঘৰত নাম ফলক লগোৱাটোৱে নিজৰ ঘৰ বুলি প্ৰমাণিত নকৰে । মোগলসকলে হিন্দুসকলৰ ধৰ্মীয় স্থানত তেওঁলোকৰ নামত নাম ফলক লগাইছে । যিটো সহ্য কৰা নহ'ব ।
তেওঁ লগতে কয়, "তাজমহলত বৰ্তমান মুছলমান সম্প্ৰদায়য়ে নামাজ আদায় কৰে । তেনেস্থলত পৱিত্ৰ শাওণ মাহত জলাভিষেক আৰু দুগ্ধঅভিষেক কিয় অনুষ্ঠিত কৰিব নোৱাৰি ? আদালতৰ পৰা জলাভিষেকৰ অনুমতি বিচৰা হৈছে । যদি অনুমতি দিয়া হয়, যোগী যুৱ ব্ৰিগেডৰ সদস্যসকলে তাজমহললৈ যাব আৰু জল অভিষেক তথা দুগ্ধ অভিষেক কৰি শিৱৰ উপাসনা কৰিব ।"
তাজমহলত শিৱ মন্দিৰৰ প্ৰমাণ
অধিবক্তা শিৱ অধৰ সিং টোমৰে কয়,"তাজমহলৰ বাহিৰৰ দেৱালবোৰত কলহ, ত্ৰিশূল, পদুম, নাৰিকল আৰু আমগছৰ পাতৰ চিহ্ন আছে । যিবোৰ হিন্দু মন্দিৰৰ প্ৰতীক । যিবোৰ সনাতন ধৰ্মত ব্যৱহাৰ কৰা হয় । হিন্দু মন্দিৰসমূহ সাধাৰণতে নদী বা সাগৰৰ পাৰত নিৰ্মাণ কৰা হয় । তাজমহল যমুনা নদীৰ পাৰত আছে । তেজো মহালয় এটা হিন্দু মন্দিৰ । য'ত শাওণ মাহত জলাভিষেক কৰিব লাগে ।"
লগতে পঢ়ক: Jan Suvidha Kendra in Taj Mahal: তাজমহলত পৰ্যটকৰ সুবিধাৰ্থে মুকলি কৰা হ'ব জন সুবিধা কেন্দ্ৰ
