নিউজ ডেস্ক, ২২ ছেপ্টেম্বৰ : সমগ্ৰ বিশ্বই আজি বিশ্ব গঁড় দিৱস পালন কৰিছে । তাৰ মাজতে প্ৰধানমন্ত্ৰী নৰেন্দ্ৰ মোদীয়ে অসমৰ কাজিৰঙা ৰাষ্ট্ৰীয় উদ্যানৰ প্ৰশংসা কৰে । কাজিৰঙা ভ্ৰমণৰ কথা স্মৰণ কৰি তেওঁ কয় যে এয়া গৌৰৱৰ কথা যে ভাৰত বৃহৎ সংখ্যক এশিঙীয়া গঁড়ৰ বাসস্থান । তেওঁ লগতে দেশবাসীক কাজিৰঙা ভ্ৰমণৰো আহ্বান জনায় । প্ৰধানমন্ত্ৰী মোদীয়ে গঁড় সংৰক্ষণ কাৰ্যসূচীৰ সৈতে জড়িত ব্যক্তিসকলকো প্ৰশংসা কৰে ।
কাজিৰঙা ভ্ৰমণৰ আহ্বান
এক্সৰ এটা পোষ্টত প্ৰধানমন্ত্ৰী মোদীয়ে লিখিছে, "আজি বিশ্ব গঁড় দিৱস, আমি পৃথিৱীৰ আটাইতকৈ আইকনিক প্ৰজাতি গঁড়ক সুৰক্ষা দিয়াৰ প্ৰতিশ্ৰুতি পুনৰাবৃত্তি কৰো আহক । যোৱা বহু বছৰ ধৰি গঁড় সংৰক্ষণৰ প্ৰচেষ্টাত জড়িত সকলোকে ধন্যবাদ । এয়া যথেষ্ট গৌৰৱৰ বিষয় যে ভাৰতত বৃহৎ সংখ্যক এশিঙীয়া গঁড় আছে । মোৰ অসমৰ কাজিৰঙা ভ্ৰমণৰ কথাও মনত পৰিছে আৰু আপোনালোক সকলোকে তালৈ যাবলৈ অনুৰোধ জনাইছো ।"
Today, on #WorldRhinoDay, let us reiterate our commitment to protect one of our planet’s most iconic species—rhinos. Compliments to all those involved in rhino conservation efforts over the last many years.
— Narendra Modi (@narendramodi) September 22, 2024
It is a matter of immense pride that India is home to a large number of… pic.twitter.com/VbUcQkeVZv
বিশ্ব গঁড় দিৱসৰ দিনটোত বন্যপ্ৰাণী বিশেষজ্ঞ ড৹ বিভৱ কুমাৰ তালুকদাৰে কয় যে গঁড়ৰ সংখ্যা বৃদ্ধি আৰু গঁড়ৰ চোৰাং চিকাৰৰ ওপৰত নিষেধাজ্ঞা নিশ্চিত কৰাৰ বাবে কেন্দ্ৰীয় আৰু ৰাজ্য চৰকাৰে যোৱা কেইবছৰমানত বিভিন্ন ব্যৱস্থা গ্ৰহণ কৰিছে । তেওঁ লগতে কয় যে চোৰাং চিকাৰীৰ বিৰুদ্ধে যুঁজ দিবলৈ অসম চৰকাৰে গঁড়ৰ সুৰক্ষা নিশ্চিত কৰিবলৈ বন সুৰক্ষা বাহিনীৰ আধুনিকীকৰণ কৰিছে ।
অসম চৰকাৰৰ প্ৰশংসা
সংবাদ মাধ্যমৰ সন্মুখত বন্যপ্ৰাণী বিশেষজ্ঞ ড৹ বিভৱ কুমাৰ তালুকদাৰে কয়, "ভাৰত আৰু নেপালৰ ভিতৰত এশিঙীয়া গঁড়ৰ বাবে অসম এক গুৰুত্বপূৰ্ণ স্থান । ১২০ বছৰতকৈও অধিক সময় ধৰি অসমে গঁড়ৰ সংখ্যা বৃদ্ধি কৰিবলৈ আৰু ইয়াৰ বাসস্থান বৃদ্ধি কৰাৰ বাবে পদক্ষেপ লৈছে ।শেহতীয়া বছৰবোৰত, ২০১৩ চনৰ তুলনাত চোৰাং চিকাৰীৰ কাৰ্যকলাপ যথেষ্ট হ্ৰাস পাইছে... সাম্প্ৰতিক সময়ত অসম চৰকাৰে গঁড়ৰ সুৰক্ষা নিশ্চিত কৰাৰ বাবে বহুতো পদক্ষেপ গ্ৰহণ কৰিছে... প্ৰধানমন্ত্ৰী মোদীৰ কাজিৰঙা ভ্ৰমণে গঁড় সংৰক্ষণৰ প্ৰতি তেওঁৰ প্ৰতিশ্ৰুতি প্ৰতিফলিত কৰিছে ।"
লগতে পঢ়ক :গঁড়ৰ সুৰক্ষা আৰু সংৰক্ষণৰ লক্ষ্যৰে বিশ্ব গঁড় দিৱস - World Rhino Day 2024
