বিশেষ প্ৰতিবেদন : প্ৰতি বছৰে ৭ জুলাইৰ দিনটোত বিশ্ব চকলেট দিৱস পালন কৰা হয় । এই দিনটোৱে চকলেটৰ সমৃদ্ধ, ক্ৰিমী আৰু মিঠা মিঠা সোৱাদক স্মৰণ কৰে । এয়া আমোদ আৰু উদযাপনৰ দিন । লগতে চকলেটৰ গুণাগুণৰ বিষয়ে জনাৰ বাবে এই দিনটো বিশেষ । আন বস্তুৰ লগত বা অকলে চকলেট খোৱাটো আটাইতকৈ আনন্দদায়ক মুহূৰ্ত বুলি বিবেচনা কৰা হয় । আনকি বেছিসংখ্যক লোকৰে চকলেট প্ৰিয় খাদ্য ।
৭ খন মহাদেশত আটাইতকৈ জনপ্ৰিয় নহ'লেও চকলেট নিঃসন্দেহে পৃথিৱীৰ প্ৰিয় ফ্লেভাৰৰ ভিতৰত অন্যতম । ইয়াক কেতিয়াবা 'মেজিক বীন' বুলি কোৱা হয় আৰু প্ৰশংসাৰ যোগ্য বুলি ধৰা হয় । সকলোৱে ইয়াক ভাল পায়, আৰু ইয়াৰ দ্বাৰা প্ৰস্তুত কৰা ব্যঞ্জনবোৰ চমৎকাৰতকৈ কম নহয় !
বিশ্ব চকলেট দিৱসৰ ইতিহাস
এয়া অস্পষ্ট যে সুস্বাদু খাদ্য চকলেটৰ এই দিৱসটো কোনে প্ৰথমে আৰম্ভ কৰিছিল । অৱশ্যে ৭ জুলাইৰ দিনটো উদযাপন কৰা হয় কিয়নো ১৫৫০ চনৰ এই তাৰিখতে প্ৰথমে চকলেট ইউৰোপলৈ অনা হৈছিল । প্ৰথম বিশ্ব চকলেট দিৱস ২০০৯ চনত উদযাপন কৰা হৈছিল ।
চকলেট কেনেদৰে প্ৰস্তুত কৰা হয় ?
বহুলোকে নাজানে যে চকলেট ভজা আৰু গুৰি কৰা কেকাও (cacao) গছৰ বীজৰ পৰা তৈয়াৰ কৰা খাদ্য সামগ্ৰী । কেকাও গছৰ বীজবোৰ সোৱাদ তিতা আৰু কিণ্বন কৰি ইয়াৰ সোৱাদ সলনি কৰা হয় । কিণ্বনৰ পিচত বীজবোৰ শুকুৱাই, পৰিষ্কাৰ কৰা হয় আৰু ভজা হয় । তাৰ পিচত বীজৰ ওপৰৰ আৱৰণ আঁতৰ কৰি নিৰ্ভেজাল কোকোভৰ প্ৰস্তুত কৰা হয় । সেইবোৰক কোকো গোটা আৰু কোকো বাটাৰত পৃথক কৰা হয় । তাৰ পিচত সেইবোৰ গাখীৰ আৰু চেনীৰ সৈতে মিহলি কৰা হয় । বগা চকলেটৰ ক্ষেত্ৰত কেৱল গাখীৰ আৰু চেনী চকলেট বাটাৰত মিহলি কৰা হয় । সকলোৰে পৃথক পৃথক পদ্ধতি থাকে যিবোৰ সমগ্ৰ বিশ্বতে জনপ্ৰিয় ।
বিশ্ব চকলেট দিৱসে মানুহক কেনেদৰে একত্ৰিত কৰে
চকলেট হৈছে এক সুস্বাদু আহাৰ যি আনৰ সৈতে অতি উপভোগ্য । একত্ৰিত হৈ থকা আৰু বন্ধ উদযাপন কৰাৰ সময়ত ইয়াক গ্ৰহণ কৰাটো অধিক আমোদজনক হৈ পৰে ! সচৰাচৰ বন্ধুবৰ্গ বা পৰিয়ালৰ সৈতে একেলগে থকাৰ সময়ত বহুতে চকলেট প্ৰস্তুত কৰে বা চকলেটৰ দোকানলৈ যায় আৰু বিভিন্ন প্ৰকাৰৰ চকলেটৰ সোৱাদ লয় । ভাগ বতৰা কৰিবলৈ অতিৰিক্ত চকলেট বনোৱা হয় বা ক্ৰয় কৰা হয় ! যি কি নহওক, চকলেট হৈছে এক সুস্বাদু আহাৰ যি সকলোৰে বাবে উপলব্ধ আৰু আনৰ সৈতে বন্ধ উদযাপন কৰাৰ সময়ত ইয়াক গ্ৰহণ নকৰাটো দুখৰ বিষয় ।
চকলেটৰ গুণাগুণ আৰু বিপদাশংকা
চকলেট খোৱাৰ কিছুমান লাভালাভ থাকিব পাৰে :
- চকলেটে আমাৰ মনোভাৱ উজ্জ্বল কৰে বুলি জনা যায়
- মানসিক সমস্যাৰ বিৰুদ্ধে সহায় কৰিব পাৰে
- চকলেটে আমাৰ চাপ হ্ৰাস কৰিব পাৰে
- ডাৰ্ক চকলেটে হৃদৰোগৰ সমস্যাৰ আশংকা হ্ৰাস কৰিব পাৰে
- ৰক্তচাপ নিয়ন্ত্ৰণ কৰে
- ইয়াত প্ৰচুৰ মূল্যৱান ট্ৰেচ খনিজ থাকে
- প্ৰচুৰ পৰিমাণৰ এণ্টিঅক্সিডেণ্ট সমৃদ্ধ
চকলেটৰ পৰা হ'ব ক্ষতি :
- বৃহৎ পৰিমাণৰ চকলেট গ্ৰহণৰ ফলত অবাঞ্ছিত ওজন বৃদ্ধি হ'ব, যি কেইবাটাও ৰোগৰ কাৰক ।
- দৈনিক চকলেট খোৱাৰ ফলত দাঁতৰ ক্ষতি হ'ব পাৰে ।
- সংপৃক্ত চৰ্বিযুক্ত চকলেটৰ অপ্ৰয়োজনীয় সেৱনে ডায়েবেটিচৰ আশংকা বৃদ্ধি কৰে ।
- ইয়াত ভেচ'এক্টিভ এমিন আছে যি মাইগ্ৰেইনৰ সমস্যাৰ সৃষ্টি কৰে ।
চকলেটৰ বিষয়ে কিছু তথ্য :
- কোকো বীনৰ উৎপত্তি আমাজনত হৈছিল । পৃথিৱীৰ প্ৰায় ৩০ শতাংশ কোকো আফ্ৰিকাত উৎপাদন হয় ।
- পানীয় হোৱাৰ উপৰিও, এজটেক সংস্কৃতিত চকলেট মুদ্ৰা হিচাপেও ব্যৱহাৰ কৰা হৈছিল ।
- বিজ্ঞানীসকলৰ মতে, ৰঙে সোৱাদৰ ধাৰণা প্ৰভাৱিত কৰে । সেয়েহে হট চকলেট কমলা ৰঙৰ কাপত গ্ৰহণ কৰিলে সোৱাদ ভাল বুলি কোৱা হয় ।
- বিশ্ব চকলেট দিৱসৰ উপৰিও, আন বিভিন্ন দিন আছে যেনে বিটাৰউইট চকলেট দিৱস (১০ জানুৱাৰী), মিল্ক চকলেট দিৱস (২৮ জুলাই), হোৱাইট চকলেট দিৱস (২২ ছেপ্টেম্বৰ), চকলেট কভাৰ্ড এনিথিং ডে (১৬ ডিচেম্বৰ )।
সৰ্বাধিক চকলেট প্ৰস্তুতকাৰী দেশবোৰ :
- বেলজিয়াম
- ছুইজাৰলেণ্ড
- ইকুৱেডৰ
- ব্ৰিটেইন
- আইভৰী কোষ্ট
- ইটালী
- আমেৰিকা
ভাৰতত কোকো খেতি মুখ্যতঃ অন্ধ্ৰ প্ৰদেশ আৰু কেৰালাত হয়, যি মুঠ উৎপাদনৰ প্ৰায় ৮০ শতাংশ ।
কিছুমান বিলাসী ভাৰতীয় চকলেট ব্ৰেণ্ড :
- আমুল
- মেছন এণ্ড কোম্পানী
- নাভিলুনা
- পল এণ্ড মাইক
- কোকোৱাট্ৰেট
- পাস্কাটি
সংগ্ৰহ :
https://www.thequint.com/lifestyle/world-chocolate-day-2024-date-history-significance-celebration-and-events#read-more
https://www.newindianexpress.com/cities/bengaluru/2024/Jul/06/choco-bliss-on-world-chocolate-day
https://zeenews.india.com/culture/world-chocolate-day-significance-history-ways-of-celebrating-2763743.html
https://www.hindustantimes.com/lifestyle/brunch/discover-divine-chocolate-delights-on-amazon-in-this-world-chocolate-day 101720184182716.html
https://www.newindianexpress.com/cities/bengaluru/2024/Jul/06/the-unseen-thread-for-this-years-carbon-film-festival
https://www.nationaldaycalendar.com/international/world-chocolate-day
https://www.indianretailer.com/restaurant/article/world-chocolate-day-2024-how-chocolaty-is-the-biz-in-india.11435
