নেশ্যনেল ডেস্ক, 11 আগষ্ট : পঞ্জাৱৰ জেজো খাদত বাঢ়নী পানীয়ে উটুৱাই নিয়ে বিবাহযাত্ৰীৰ এখন বাহন ৷ এই বিবাহযাত্ৰীসকল হিমাচল প্ৰদেশৰ উনা জিলাৰ ৷ উনা জিলাৰ ডেহালা গাঁৱৰ এই লোকসকলে এখন ইনোভা গাড়ীত উঠি পঞ্জাৱৰ হোছিয়াৰপুৰ জিলাৰ মহলপুৰলৈ গৈ আছিল এক বিবাহ অনুষ্ঠানত অংশগ্ৰহণৰ বাবে ৷ কিন্তু পঞ্জাৱৰ জেজো খাদত পানীৰ প্ৰবল সোঁতে গাড়ীসহ 10 জন লোক উটুৱাই নিয়ে ৷ শেহতীয়া তথ্য অনুসৰি 9 জন লোকৰ মৃতদেহ উদ্ধাৰ কৰা হৈছে ৷ একে সময়তে এজন ব্যক্তি এতিয়াও সন্ধানহীন হৈ আছে আৰু উদ্ধাৰ অভিযান চলি আছে ৷ দুৰ্ঘটনাৰ সময়ত এজন যুৱক কোনোমতে পানীৰ পৰা পাৰলৈ উঠি আহিবলৈ সক্ষম হয় ৷ বৰ্তমান তেওঁক চিকিৎসালয়ত ভৰ্তি কৰা হৈছে ৷
ऊना ज़िले के देहलां गांव के निवासी लगभग 9 लोगों के जेजो (हिमाचल- पंजाब बॉर्डर) के पास तेज पानी के बहाव के कारण हादसे का शिकार होने की ख़बर अत्यंत दुःखद है।
— Sukhvinder Singh Sukhu (@SukhuSukhvinder) August 11, 2024
मैं स्थानीय प्रशासन के संपर्क में हूँ। राहत और बचाव कार्य जारी है। प्रभावित परिवारों को हर संभव सहायता देने के निर्देश दिए…
হিমাচল প্ৰদেশৰ মুখ্যমন্ত্ৰী সুখু আৰু উপ মুখ্যমন্ত্ৰী মুকেশ অগ্নিহোত্ৰীয়ে দুৰ্ঘটনাটোত শোক প্ৰকাশ কৰিছে ৷ মুখ্যমন্ত্ৰী সুখুৱে এক্স- (টুইটাৰ)ত পোষ্ট কৰিছে, "জেজো (হিমাচল-পাঞ্জাৱ সীমান্ত)ৰ ওচৰত বাঢ়নী পানীৰ তীব্ৰ সোঁতৰ ফলত উনা জিলাৰ দেহলান গাঁৱৰ প্ৰায় 9 জন লোক দুৰ্ঘটনাৰ বলি হৈছে ৷ মই স্থানীয় প্ৰশাসনৰ সৈতে যোগাযোগ কৰি আছো ৷ সাহায্য আৰু উদ্ধাৰৰ কাম চলি আছে ৷ ক্ষতিগ্ৰস্ত পৰিয়ালবোৰক সকলো সম্ভৱ সহায় প্ৰদান কৰিবলৈ নিৰ্দেশনা দিয়া হৈছে ৷ ঈশ্বৰে মৃত লোকসকলৰ বিদেহী আত্মাক শান্তি দিয়ক আৰু এই কঠিন সময়ত শোকসন্তপ্ত পৰিয়ালক সাহস দিয়ক ৷"
একে সময়তে, উপ মুখ্যমন্ত্ৰী মুকেশ অগ্নিহোত্ৰীয়ে ছ'চিয়েল মিডিয়াত দুৰ্ঘটনাটোৰ বিষয়ে প্ৰতিক্ৰিয়া প্ৰকাশ কৰি লিখিছে, "ঘটনাটোৰ বিষয়ে তথ্য পোৱাৰ লগে লগে বিষয়াসকলক ঘটনাস্থলীলৈ প্ৰেৰণ কৰা হৈছে ৷ অনুসন্ধান আৰু উদ্ধাৰ অভিযান চলি আছে ৷ ইয়াত হোৱা দুৰ্ঘটনাটো বৰ দুখজনক ৷ আমি এই ঘটনাটোৰ বাবে অত্যন্ত দুঃখিত ৷ বানপানীৰ ফলত বাথু-বাথড়ী অঞ্চলতো ধ্বংসলীলা দেখা গৈছে ৷ প্ৰশাসনক তাৎক্ষণিক প্ৰভাৱৰ সৈতে সতৰ্ক কৰি দিয়া হৈছে ৷"
লগতে পঢ়ক : খাদ্য প্ৰক্ৰিয়াকৰণ কাৰখানাত গেছ লিক : 17 জনক চিকিৎসালয়ত ভৰ্তি - GAS LEAKAGE INCIDENT
বাহনখনত থকা যাত্ৰীৰ তালিকা :
- মহলপুৰৰ সমীপৰ ডেহলান নিবাসী সুৰজিৎ ভাটিয়াৰ পুত্ৰ দীপক ৷
- মহলপুৰৰ সমীপৰ ডেহলান নিবাসী গুৰদাস ৰামৰ পুত্ৰ সুৰজিৎ ৷
- মহলপুৰৰ সমীপৰ ডেহলানৰ নিবাসী পৰমজিৎ কৌৰ ৷
- মহলপুৰৰ সমীপৰ ডেহলানৰ বাসিন্দা স্বৰূপ চান্দ ৷
- মহলপুৰৰ সমীপৰ ডেহলানৰ বাসিন্দা বিন্দৰ ৷
- মহলপুৰৰ সমীপৰ ডেহলানৰ বাসিন্দা শ্বিন্নো ৷
- ভৱনা (18), মহলপুৰৰ সমীপৰ দেহলানৰ বাসিন্দা ৷
- মহলপুৰৰ সমীপৰ ডেহলানৰ বাসিন্দা অঞ্জু (20) ৷
- মহলপুৰৰ সমীপৰ ডেহলানৰ বাসিন্দা হৰমীত (12) ৷
