নেশ্যনেল ডেস্ক, 9 জুলাই: জম্মু-কাশ্মীৰৰ কঠুৱা জিলাৰ দুৰ্গম মাচেদি অঞ্চলত সোমবাৰে ভাৰতীয় সেনাৰ কনভয়ত সন্ত্ৰাসবাদীয়ে এম্বুশ্ব কৰাৰ ফলত 5 জন সেনা জোৱান নিহত হোৱাৰ লগতে 5 জন জোৱান আহত হয় । দেশৰ বাবে প্ৰাণ আহুতি দিয়া 5 জনৰ আটাকেইজনেই উত্তৰাখণ্ডৰ । 5 জন শ্বহীদ জোৱানৰ ভিতৰত 2 জন পৌৰী, ২ জন তেহৰীৰ আৰু এজন ৰুদ্ৰপ্ৰয়াগৰ বুলি জানিব পৰা গৈছে ।
এই খবৰ লাভ কৰাৰ পাচতে শোকত ম্ৰিয়মান হৈ পৰিছে শ্বহীদ সৈনিক জোৱানৰ কেইজনৰ পৰিয়ালৰ লগতে সমগ্ৰ উত্তৰাখণ্ড । সন্ত্ৰাসবাদৰ বিৰুদ্ধে ৰাইজৰ মাজত প্ৰচণ্ড ক্ষোভ জন্মা পৰিলক্ষিত হৈছে ।
শ্বহীদ জোৱানসকলৰ পৰিচয়
জম্মু-কাশ্মীৰৰ কঠুৱাত সংঘটিত সন্ত্ৰাসবাদী আক্ৰমণত শ্বহীদ হৈছে তেহৰী জিলাৰ আদৰ্শ নেগী । কীৰ্তিনগৰৰ থাটি ডাগৰৰ বাসিন্দা আদৰ্শ নেগী ৰাইফলমেন হিচাপে নিযুক্ত আছিল । 26 বছৰীয়া আদৰ্শ তেহৰী জিলাৰ কীৰ্তিনগৰ ব্লকৰ থাটি ডাগৰ গাঁৱৰ বাসিন্দা আছিল । তেওঁৰ পিতৃ দলবীৰ সিং নেগীয়ে কৃষিকৰ্ম কৰে । আদৰ্শে চৰকাৰী আন্তঃমহাবিদ্যালয় পিপলিধৰৰ পৰা দ্বাদশ শ্ৰেণী পৰ্যন্ত অধ্যয়ন কৰিছিল । 2019 চনত নেগীয়ে গড়ৱাল ৰাইফলছত যোগদান কৰে ।
जम्मू कश्मीर के कठुआ में आतंकियों द्वारा किए गए कायराना हमले में जनपद टिहरी के श्री आदर्श नेगी जी के शहीद होने का समाचार अत्यंत दुःखद है।
— Pushkar Singh Dhami (@pushkardhami) July 9, 2024
माँ भारती की रक्षा करते हुए वीरगति को प्राप्त आदर्श नेगी जी का यह सर्वोच्च बलिदान सदैव अविस्मरणीय रहेगा।
ईश्वर से प्रार्थना है कि… pic.twitter.com/zSjG2HoRC3
জম্মু-কাশ্মীৰৰ কঠুৱাত সংঘটিত সন্ত্ৰাসবাদী আক্ৰমণত শ্বহীদ হোৱা আন এগৰাকী হৈছে জোৱান ৰুদ্ৰপ্ৰয়াগ জিলাৰ কণ্ডাখালৰ বাসিন্দা আনন্দ সিং ৰাৱট । আনন্দ সিং ৰাৱটৰ বয়স আছিল 41 বছৰ । তেওঁ সেনাবাহিনীত নাইব চুবেদাৰৰ পদত অধিষ্ঠিত হৈছিল । ৰাৱট শ্বহীদ হোৱাৰ খবৰ পোৱাৰ পিচতে পৰিয়ালটোত শোকাকুল পৰিবেশে বিৰাজ কৰে । শ্বহীদ পৰিয়ালটোৰ ঘৰ ডেৰাডুনত । মাক আৰু ভায়েক গাঁৱতে থাকে ।
কঠুৱা সন্ত্ৰাসবাদী আক্ৰমণত শ্বহীদ হোৱা তৃতীয়গৰাকী বীৰজোৱান হৈছে পৌৰী জিলাৰ হাবিলদাৰ কমল সিং । হাবিলদাৰ কমল সিং লেন্সডাউন তহচিলৰ পাপৰি গাঁৱৰ বাসিন্দা আছিল । পৌৰী গড়োৱাল জিলাৰ ৰাইফলমেন অনুজ নেগীও কঠুৱা সন্ত্ৰাসবাদী আক্ৰমণত শ্বহীদ হৈছে । অনুজ নেগী আছিল ৰিখানিখাল তালুকৰ ডোব্ৰিয়া গাঁৱৰ বাসিন্দা ।
কঠুৱা সন্ত্ৰাসবাদী আক্ৰমণত শ্বহীদ হৈছে তেহৰী গড়োৱাল জিলাৰ নাইক বিনোদ সিং । বিনোদ সিং আছিল জাখানিধৰ তালুকৰ চাউণ্ড জছপুৰ গাঁৱৰ বাসিন্দা । শ্বহীদ বিনোদ সিঙৰ পৰিয়াল ডেৰাডুনৰ ভনিয়াৱালাত থাকে ।
कठुआ (J&K) में सेना के काफिले पर आतंकवादी हमले में पांच जवानों के शहीद होने का समाचार अत्यंत पीड़ादायक है। इस कायरतापूर्ण हमले की निंदा करता हूँ और पूर्ण विश्वास के साथ कह सकता हूँ कि मानवता के ये दुश्मन बख्शे नहीं जाएँगे।
— Pushkar Singh Dhami (@pushkardhami) July 9, 2024
ईश्वर से दिवंगतों की आत्मा को शांति व शोकाकुल परिजनों…
কেতিয়া সংঘটিত হৈছিল সন্ত্ৰাসবাদী আক্ৰমণ
সোমবাৰৰ বিয়লি সংঘটিত হয় এই সন্ত্ৰাসবাদী আক্ৰমণৰ ঘটনা । বিলৱাৰ মহকুমাৰ বদনোটাৰ নলাৰ সমীপত যেতিয়া সন্ত্ৰাসবাদীয়ে সেনাবাহিনীৰ 22 গড়ৱাল ৰাইফলছৰ বাহনত আক্ৰমণ কৰে। এই সেনাবাহিনীৰ গাড়ীখন অঞ্চলটোত টহল দি আছিল । গাড়ীখনত দহজন জোৱান আছিল । সন্ত্ৰাসবাদীয়ে প্ৰথমে গ্ৰেনেড নিক্ষেপ কৰে । ইয়াৰ পিচতে সেনাৰ বাহনখনলৈ লক্ষ্য কৰি নিৰ্বিচাৰ গুলীচালনা আৰম্ভ কৰে । এই সন্ত্ৰাসবাদী আক্ৰমণত শ্বহীদ হৈছিল 5 জনকৈ সেনা জোৱানৰ লগতে আহত হৈছিল 5 জন জোৱান ।
প্ৰতিৰক্ষা মন্ত্ৰী ৰাজনাথ সিঙৰ শোক প্ৰকাশ
5 জনকৈ জোৱান শ্বহীদ হোৱাত শোক প্ৰকাশ কৰিছে প্ৰতিৰক্ষা মন্ত্ৰী ৰাজনাথ সিঙে । প্ৰতিৰক্ষা মন্ত্ৰীগৰাকীয়ে কয়, "কঠুৱা (জম্মু-কাশ্মীৰ)ৰ বদনোটাত সংঘটিত সন্ত্ৰাসবাদী আক্ৰমণত ভাৰতীয় সেনাৰ পাঁচজন বীৰ জোৱানৰ মৃত্যুত মই গভীৰ শোক প্ৰকাশ কৰিছো । শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰিছো ৷ এই কঠিন সময়ত সকলোৱে তেওঁলোকৰ কাষত থিয় দিয়ক । সন্ত্ৰাসবাদ বিৰোধী অভিযান চলি আছে আৰু আমাৰ সৈন্যই অঞ্চলটোত শান্তি আৰু শৃংখলা বজাই ৰাখিবলৈ বদ্ধপৰিকৰ । এই নৃশংস সন্ত্ৰাসবাদী আক্ৰমণত আহতসকলৰ আশু আৰোগ্যৰ বাবে প্ৰাৰ্থনা জনাইছো ।"
I am deeply anguished at the loss of five of our brave Indian Army Soldiers in a terrorist attack in Badnota, Kathua (J&K).
— Rajnath Singh (@rajnathsingh) July 9, 2024
My deepest condolences to the bereaved families, the Nation stands firm with them in this difficult time. The Counter Terrorist operations are underway,…
মুখ্যমন্ত্ৰী ধামীৰ শোক প্ৰকাশ
কঠুৱা সন্ত্ৰাসবাদী আক্ৰমণত শ্বহীদ হোৱা পাঁচজন জোৱান শ্বহীদ হোৱাত শোক প্ৰকাশ কৰিছে মুখ্যমন্ত্ৰী ধামীয়ে । মুখ্যমন্ত্ৰীয়ে ধামীয়ে কয়, "কঠুৱা (জম্মু-কাশ্মীৰ)ত সেনাৰ কনভয়ত সন্ত্ৰাসবাদী আক্ৰমণত পাঁচজন জোৱান শ্বহীদ হোৱাৰ এই খবৰ অত্যন্ত বেদনাদায়ক । এই কাপুৰুষৰ আক্ৰমণক গৰিহণা দিছো ৷ মানৱতাৰ এই শত্ৰুবোৰক ৰেহাই দিয়া নহ’ব । মৃতকৰ আত্মাক শান্তি আৰু শোকসন্তপ্ত পৰিয়ালবৰ্গক এই অপৰিসীম দুখ সহ্য কৰিবলৈ শক্তি প্ৰদান কৰিবলৈ ভগৱানৰ ওচৰত প্ৰাৰ্থনা জনাইছো । আহতসকলে শীঘ্ৰে আৰোগ্য লাভ কৰক ৷"
