নেশ্যনেল ডেস্ক, 4 জুলাই : মধ্যপ্ৰদেশত শোকাৱহ ঘটনা ৷ মধ্যপ্ৰদেশৰ সাগৰ জিলাৰ এখন গাঁৱত দেওবাৰে এখন দেৱাল খহি পৰাৰ ফলত 9 টাকৈ শিশু-কিশোৰৰ মৃত্যু হোৱা বুলি এগৰাকী জ্যেষ্ঠ বিষয়াই জানিবলৈ দিয়ে । ৰেহলী বিধানসভা সমষ্টিৰ অন্তৰ্গত শ্বাহপুৰ গাঁৱত এই শোকাৱহ ঘটনাটো সংঘটিত হয় বুলি এগৰাকী বিষয়াই জানিবলৈ দিয়ে ।
জানিবলৈ পোৱা গৈছে যে মাটিৰ শিৱ লিংগ নিৰ্মাণ কৰিবলৈ বহু স্থানীয় শিশু-কিশোৰ উক্ত স্থানত গোট খাইছিল । তাৰ পাচত মাটিৰ বেৰ এখন খহি পৰে ৷ ফলত তাৰ তলত পোত যায় 9 টাকৈ কিশোৰ । স্থানীয় বিধায়ক তথা প্ৰাক্তন মন্ত্ৰী গোপাল ভাৰ্গৱে উক্ত স্থানত উপস্থিত হৈ সাহায্য অভিযান নিৰীক্ষণ কৰিছে । মৃত আৰু আহত কিশোৰসকলক সাগৰ জিলা চিকিৎসালয়লৈ প্ৰেৰণ কৰা হৈছে ।
দেৱাল ভাঙি পৰা ঘটনাৰ ফলত মৃত্যু হোৱা শিশু-কিশোৰকেইটা 10 ৰ পৰা 15 বছৰ বয়সৰ হ’ব বুলি সাগৰৰ সংমণ্ডল আয়ুক্ত বীৰেন্দ্ৰ সিং ৰাৱটে সংবাদ মাধ্যমৰ আগত জনায় ।
आज सागर जिले के शाहपुर में हुई अतिवृष्टि के कारण जर्जर मकान की दीवार गिरने से 9 मासूम बच्चों के काल कवलित होने की खबर सुनकर मन व्यथित है। घायल बच्चों के उचित इलाज के लिए जिला प्रशासन को निर्देशित किया है।
— Dr Mohan Yadav (@DrMohanYadav51) August 4, 2024
भगवान से करबद्ध प्रार्थना है कि दिवंगत बच्चों की आत्मा को शांति प्रदान…
মাটিৰ বেৰত আউজি কিশোৰসকল বহি আছিল
শ্বাহপুৰ নগৰৰ স্থানীয় লোকে জনোৱা তথ্য অনুসৰি কুটি মন্দিৰৰ সমীপত শিৱ লিংগ নিৰ্মাণ কৰি আছিল শিশু-কিশোৰকেইজনে ৷ মন্দিৰৰ কাষৰ এখন মাটিৰ দেৱালত ভেজা দি বহি থকা সময়তে মাটিৰ বেৰ এখন ভাঙি তাৰ তলত কিশোৰকেইজন সোমাই পৰে । স্থানীয় লোকে সেই দৃশ্য প্ৰত্যক্ষ কৰাৰ লগে লগে অশেষ চেষ্টাৰ অন্তত কেইজনমানক বচাবলৈ সক্ষম হয় ৷ কিন্তু উক্ত ঘটনাৰ ফলত 9 জন শিশু-কিশোৰৰ মৃত্যু ঘটিছে বুলি জানিব পৰা গৈছে ৷
স্থানীয় উপ-স্বাস্থ্য কেন্দ্ৰত চিকিৎসক নাই
জানিব পৰা মতে, এই ঘটনাৰ দিনটো দেওবাৰ হোৱাৰ বাবে স্থানীয় উপ-স্বাস্থ্য কেন্দ্ৰত উপস্থিত নাছিল চিকিৎসক । কিশোৰকেইজনে তাৎক্ষণিক চিকিৎসা লাভ কৰিব নকৰাৰ ফলত আহত কিশোৰকেইজনৰ মৃত্যু ঘটে । জিলা উপায়ুক্তকে ধৰি জ্যেষ্ঠ বিষয়াসকল উক্ত স্থানত উপস্থিত হৈছে বুলিও বীৰেন্দ্ৰ সিং ৰাৱটে লগতে জনায় ।
মুখ্যমন্ত্ৰী শোক প্ৰকাশ
ৰাজ্যখনৰ মুখ্যমন্ত্ৰী মোহন যাদৱ X যোগে মৃতকৰ পৰিয়ালৰ প্ৰতি সমবেদনা জনাইছে ৷ মৃতকৰ পৰিয়াললৈ 4 লাখ টকাৰ সাহায্য ঘোষণা ।
