ৰাজগড়: মধ্যপ্ৰদেশৰ ৰাজগড়ত এগৰাকী যুৱকৰ প্ৰশংসনীয় তথা সাহসিক কামৰ বাবে প্ৰাণ ৰক্ষা পৰে ৭ গৰাকী লোকৰ । যাৰ বাবে ৰাজ্যখনৰ মুখ্যমন্ত্ৰীয়ে যুৱকজনৰ বাবে পুৰস্কাৰ ঘোষণা কৰে । লগতে ভূয়সী প্ৰশংসা কৰে তেওঁৰ এই কাৰ্যক ।
ৰাজগড় জিলাৰ বিয়াওৰাৰ এই যুৱকজন হৈছে ৱাৰিছ খান । বুধবাৰে এজন হৃদৰোগীক দেখুৱাবলৈ শিৱপুৰী জিলাৰ পৰা গাড়ীৰে পৰিয়াল এটা গৈ থকা সময়ত দুৰ্ঘটনাত পতিত হয় । কিন্তু সেই সময়ত দেৱদূতৰূপে সেই স্থানত উপস্থিত হয় ৱাৰিছ খান । তেওঁ নিজৰ জীৱন বিপদাপন্ন কৰি পৰিয়ালটোৰ সাতগৰাকী সদস্যৰ জীৱন ৰক্ষা কৰে । এই কাৰ্যৰ বাবে মুখ্যমন্ত্ৰী মোহন যাদৱে বৃহস্পতিবাৰে যুৱকজনৰ প্ৰশংসা কৰাৰ উপৰি ১ লাখ টকাৰ নগদ পুৰস্কাৰো ঘোষণা কৰে ।
গাড়ীখন 4 লুটি খাই খাৱৈত পৰি দৰ্জা বন্ধ হৈ পৰিছিল
পেছাত প্লাম্বাৰ ৱাৰিছ খানে বুধবাৰে পুৱা ১১ বজাত তেওঁৰ কামৰ বাবে বিগঞ্জ অভিমুখে গৈ আছিল । সেই সময়তে তেওঁৰ চকুৰ সন্মুখতে ৰাস্তাত ভয়ংকৰ দুৰ্ঘটনাটো সংঘটিত হয় । শিৱপুৰীৰ পৰা ভূপাললৈ গৈ থকা এখন গাড়ীৰ ব্ৰেক লাগি থকাৰ বাবে ৰাস্তাত বাগৰি পৰি ৪ লুটি খাই এটা খাৱৈত পৰে । সেই সময়ত গাড়ীখনৰ দুৱাৰবোৰ লক হৈ যায় । ফলত গাড়ীখনত থকা সাতজন লোক আঘাতপ্ৰাপ্ত হৈ ভিতৰতে আবদ্ধ হৈ পৰে । ঘটনাটো প্ৰত্যক্ষ কৰি ৱাৰিছ খানে অকলেই লুটি খাই থকা গাড়ীখন চিধা কৰে আৰু হাতেৰে গাড়ীখনৰ আইনা ভাঙি ভিতৰত আবদ্ধ লোকসকলক উলিয়াই আনে । ইয়াৰ পিছত এখন এম্বুলেন্স মাতি আহতসকলক চিকিৎসালয়লৈ লৈ যায় । যদি সেই সময়ত ৱাৰিছ খানে এই সাহসিকতা প্ৰদৰ্শন নকৰিলেহেঁতেন তেন্তে গাড়ীখনত থকা 7 জন লোকৰ জীৱনলৈ সংশয় আহিলহেঁতেন ।
शिवपुरी से भोपाल जा रहे एक परिवार के 7 सदस्यों की कार ब्यावारा के पास दुर्घटनाग्रस्त होकर खंती में गिर गई थी। वहां से गुजर रहे एक नागरिक वारिस खान ने साहस दिखाते हुए कार का कांच तोड़कर सभी को बाहर सुरक्षित निकालकर जान बचाई।
— Dr Mohan Yadav (@DrMohanYadav51) November 14, 2024
वारिस खान जी की संवेदनशीलता एवं साहस प्रशंसनीय व… pic.twitter.com/4KP3BKfe11
ঘটনা সন্দৰ্ভত সাহসী যুৱকজনে ই টিভি ভাৰতৰ আগত কি ক'লে
ই টিভি ভাৰতৰ সৈতে হোৱা টেলিফোনিক বাৰ্তালাপত ৱাৰিছ খানে কয়, "মই মোৰ বাইকখন এফালে ৰখাই লুটি খাই পৰা গাড়ীখনৰ ফালে দৌৰ মাৰো । মই গাড়ীখনৰ পিছফালে এগৰাকী মহিলাৰ সৈতে দুটা সৰু ল'ৰা-ছোৱালী প্ৰত্যক্ষ কৰো । তেওঁলোকৰ এজনৰ বয়স 8 ৰ পৰা 9 মাহ আৰু আনজনৰ বয়স প্ৰায় 5 বছৰ । তেওঁলোক সকলোৱে গাড়ীৰ ছীটৰ তলত পৰি আছিল । মই গাড়ীখনৰ আইনা ভাঙি তেওঁলোকক বাহিৰলৈ টানি উলিয়াই আনো আৰু গাড়ীখন চিধা কৰো । তাৰ পিছত আন দুগৰাকী মহিলা আৰু ৩ জন পুৰুষকো উলিয়াই আনো । ইয়াৰ পিছত তেওঁলোকক চিকিৎসালয়লৈ লৈ যাওঁ ।"
ৱাৰিছ খানলৈ মুখ্যমন্ত্ৰীৰ ১ লাখ টকাৰ পুৰস্কাৰ ঘোষণা
বিয়াওৰাৰ পৰা প্ৰায় ৭-৮ কিলোমিটাৰ দূৰত্বত ঘোড়াপাচাৰৰ ওচৰত এই দুৰ্ঘটনাটো সংঘটিত হয় । ৱাৰিছ খানে কয়, "মই এটা কীপেড ফোন ৰাখো । গতিকে মোৰ ওচৰত সেই সময়ৰ ফটো বা ভিডিঅ' নাই, কিন্তু এই ঘটনাৰ পিছত বৃহস্পতিবাৰে নিশা মুখ্যমন্ত্ৰী মোহন যাদৱে মোৰ সৈতে এটা ভিডিঅ' কলত কথা পাতি মোক অভিনন্দন জনায় ।" উল্লেখ্য যে ৱাৰিছ খানে 12 বছৰ পূৰ্বে পৌৰসভাত প্লাম্বাৰ হিচাপে কাম কৰিছিল । কিন্তু তেওঁক কামৰ পৰা আঁতৰাই দিয়া হৈছিল ।
বিভিন্ন সামাজিক সংগঠনৰো ৱাৰিছ খানক সম্বৰ্ধনা
মুখ্যমন্ত্ৰী মোহন যাদৱে এক্সত টুইট কৰি ভিডিঅ'টো পোষ্ট কৰি লিখিছে, "শিৱপুৰীৰ পৰা ভূপাললৈ যোৱা এটা পৰিয়ালৰ ৭ জন সদস্যৰ গাড়ীখন বিয়াওৰাৰ ওচৰত দুৰ্ঘটনাগ্ৰস্ত হৈ খালত পৰিছিল । কাষেৰে গৈ থকা ৱাৰিছ খানে সাহস দেখুৱাই গাড়ীখনৰ আইনা ভাঙি সকলোকে সুৰক্ষিতভাৱে বাহিৰলৈ উলিয়াই আনে । ৱাৰিছ খানৰ সংবেদনশীলতা আৰু সাহস প্ৰশংসনীয় আৰু অনুপ্ৰেৰণাদায়ক । এই সাহসী পদক্ষেপৰ বাবে মধ্য প্ৰদেশ চৰকাৰে 1 লাখ টকাৰ পুৰস্কাৰ প্ৰদান কৰিবলৈ নিৰ্দেশনা দিছে । বহুতো সামাজিক সংগঠনেও তেওঁক আদৰণি আৰু সন্মান জনাইছে ।"
