নেশ্যনেল ডেস্ক, ২১ মাৰ্চ : ভাৰতত নাগৰিকত্ব সংশোধনী আইন চমুকৈ 'কা' বলৱৎ কৰাৰ লগে লগে দেশজুৰি সৃষ্টি হৈছে প্ৰতিক্ৰিয়াৰ ৷ 'কা'ৰ বিধি আৰু নিয়মাৱলীৰ স্থগিতাদেশ বিচাৰি উচ্চতম ন্যায়ালয়ত কৰা আবেদন সন্দৰ্ভত ১৯ মাৰ্চৰ দিনা ন্যায়ালয়ে শুনানি গ্ৰহণ কৰে ৷
এইবোৰৰ মাজতে এইবাৰ ৰাজস্থানৰ বিজেপি চৰকাৰে CAA ক প্ৰত্যাহাৰ জনোৱাৰ সিদ্ধান্ত গ্ৰহণ কৰে । ৰাজ্য চৰকাৰৰ হৈ অতিৰিক্ত অধিবক্তা শিৱমংগল শৰ্মাই উচ্চতম ন্যায়ালয়ত আবেদন দাখিল কৰে । আবেদনখনত উল্লেখ কৰা হৈছে- ‘‘আবেদন দাখিল কৰাৰ পিচত পৰিস্থিতি সলনি হৈছে আৰু ৰাজ্য চৰকাৰে এতিয়া CAA ক প্ৰত্যাহ্বান জনাব নিবিচাৰে । গতিকে আবেদন প্ৰত্যাহাৰ কৰিবলৈ অনুমতি দিব লাগে’’ ।
উল্লেখ্য যে, কেন্দ্ৰীয় চৰকাৰে ভাৰতীয় নাগৰিকত্ব আইন, ১৯৫৫ সংশোধনৰ বাবে ২০১৬ চনত সংসদত নাগৰিকত্ব সংশোধনী বিধেয়ক উত্থাপন কৰিছিল । সংসদত গৃহীত হোৱাৰ পিচত ১২ ডিচেম্বৰত ৰাষ্ট্ৰপতিয়ে বিধেয়কখন অনুমোদন জনায় ।
ইয়াৰ পিচতে নাগৰিকত্ব সংশোধনী আইন প্ৰণয়ন কৰা হয় । এই সন্দৰ্ভত ২০২০ চনত তেতিয়াৰ গেহলট চৰকাৰে উচ্চতম ন্যায়ালয়ত CAA ক প্ৰত্যাহ্বান জনাইছিল । এইখিনিতে জনাও যে মাত্ৰ কেইদিনমানৰ আগতে কেন্দ্ৰৰ মোদী চৰকাৰে নাগৰিকত্ব সংশোধনী আইন (CAA)ৰ অধিসূচনা জাৰি কৰিছিল ।
মুখ্যমন্ত্ৰী ভজনলালে অমিত শ্বাহৰ প্ৰতি কৃতজ্ঞতা প্ৰকাশ কৰিছিল:
নাগৰিকত্ব সংশোধনী আইনৰ অধিসূচনা দেশত কাৰ্যকৰী হোৱাৰ পিচত মুখ্যমন্ত্ৰী ভজনলাল শৰ্মাই প্ৰধানমন্ত্ৰী নৰেন্দ্ৰ মোদী আৰু কেন্দ্ৰীয় গৃহমন্ত্ৰী অমিত শ্বাহৰ প্ৰতি কৃতজ্ঞতা প্ৰকাশ কৰে । ৰাজ্যত CAA অধিসূচনা জাৰি হোৱাৰ দিনা অযোধ্যাৰ পৰা উভতি আহিছিল ৰাজ্য চৰকাৰৰ মন্ত্ৰী-বিধায়কসকল । সেই সময়ত সংবাদ মাধ্যমৰ সৈতে হোৱা বাৰ্তালাপত ভজনলাল শৰ্মাই কৈছিল যে এই আইনখন বহুদিনৰ পৰাই প্ৰয়োজন হৈ আছে ।
তেওঁ কয়, ‘‘স্বাধীনতাৰ পাচত আমাৰ ভাইসকল অত্যাচাৰৰ সন্মুখীন হৈ পাকিস্তান, আফগানিস্তান আৰু বাংলাদেশলৈ আহিছিল । হিন্দু, শিখ, জৈন বা খ্ৰীষ্টান হওক - এই আইনৰ সহায়ত তেওঁলোকে ভাৰতীয় নাগৰিকত্ব লাভ কৰিব ৷ তেওঁলোকে লগতে সকলো সা-সুবিধা লাভ কৰিব’’ ।
- " class="align-text-top noRightClick twitterSection" data="">
লগতে তেওঁ কংগ্ৰেছকে ধৰি একাংশ বিৰোধী দলে এই আইনৰ বিৰোধিতা কৰি আহিছে বুলিও সংবাদ মাধ্যমৰ আগত উল্লেখ কৰে ৷
লগতে পঢ়ক : ভাৰতত 'কা' বলৱৎ হোৱাৰ পিচত বাংলাদেশত কি পৰিৱেশ ?
