নিউজ ডেস্ক, ৬ জুলাই: NEET-UG ৰ কাউন্সেলিং পৰৱৰ্তী জাননীলৈ পিছুৱাই দিয়া হৈছে । আজিৰ পৰা অৰ্থাৎ ৬ জুলাইৰ পৰা কাউন্সেলিং আৰম্ভ হ’ব লাগিছিল । উচ্চতম ন্যায়ালয়ে NEET-UGৰ কাউন্সেলিং পিছুৱাই দিবলৈ অস্বীকাৰ কৰাৰ পাচতেই এই তথ্য পোহৰলৈ আহে ।
मोदी सरकार ने माननीय सुप्रीम कोर्ट को बताया है कि NEET-UG में कोई पेपर लीक नहीं हुआ है !
— Mallikarjun Kharge (@kharge) July 6, 2024
लाखों युवाओं से ये सफ़ेद झूठ बोला जा रहा है। उनके भविष्य को बर्बाद किया जा रहा है।
शिक्षा मंत्रालय ने कहा है कि “केवल कुछ जगहों पर अनियमितताएं/चीटिंग हुई हैं” — ये गुमराह करने वाली बात… pic.twitter.com/HNQYvHjpDx
NEET পৰীক্ষাত প্ৰশ্ন কাকত ফাদিল আৰু অন্যান্য অনিয়মৰ অভিযোগৰ পিচত এই সিদ্ধান্ত লোৱা হৈছে । ANIয়ে সূত্ৰৰ উদ্ধৃতিৰে প্ৰকাশ কৰা অনুসৰি NEET-UGৰ কাউন্সেলিং শনিবাৰে পৰৱৰ্তী জাননীলৈ নিদিয়ালৈ পিছুৱাই দিয়া হৈছে । বৰ্তমান কাউন্সেলিঙৰ নতুন তাৰিখ ঘোষণা কৰা হোৱা নাই ।
লগতে পঢ়ক: NEET-UG 2024 পুনৰ পৰীক্ষা স্থগিতৰ বিৰুদ্ধে উচ্চতম ন্যায়ালয় - UGC NET 2024
কেন্দ্ৰীয় চৰকাৰক সমালোচনা মল্লিকাৰ্জুন খাৰ্গেৰ
এই ঘোষণাৰ কিছু সময়ৰ পাচতে কংগ্ৰেছৰ সভাপতি মল্লিকাৰ্জুন খাৰ্গেই বিজেপি চৰকাৰক কঠোৰ ভাষাৰে সমালোচনা কৰি ‘X’ত এটা পোষ্ট কৰি কয়, মোদী চৰকাৰে উচ্চতম ন্যায়ালয়ক জনাইছে যে NEET-UGত কোনো প্ৰশ্নকাকত ফাদিল হোৱা নাই । কংগ্ৰেছৰ সভাপতি খাৰ্গেই কয়, "লাখ লাখ যুৱক-যুৱতীক প্ৰকাশ্যে মিছা কথা কোৱা হৈছে । তেওঁলোকৰ ভৱিষ্যৎ ধ্বংস কৰা হৈছে ।"
কংগ্ৰেছ নেতাগৰাকীয়ে আঙুলিয়াই দিয়ে যে শিক্ষা মন্ত্ৰালয়ে “কেৱল কেইটামান ঠাইতহে অনিয়ম বা গাফিলতি হৈছে” বুলি কৈছে যদিও এইটো “বিভ্ৰান্তিকৰ” । বিজেপি-আৰ এছ এছে সমগ্ৰ শিক্ষা ব্যৱস্থাৰ ওপৰত নিয়ন্ত্ৰণ ৰাখি "শিক্ষা মাফিয়া"ক উৎসাহিত কৰিছে বুলিও তেওঁ দাবী কৰে । খাৰ্গে অভিযোগ কৰে যে এন চি ই আৰ টিৰ কিতাপেই হওক বা পৰীক্ষাৰ ফাদিল হওক, মোদী চৰকাৰে আমাৰ শিক্ষা ব্যৱস্থা ধ্বংস কৰিবলৈ ষড়যন্ত্ৰ কৰিছে ।
তেওঁ লগতে চৰকাৰক দাবী জনায় যে, 'NEET-UG' পুনৰ হ’ব লাগে । স্বচ্ছ পদ্ধতিৰে অনলাইন কৰিব লাগে ।
লগতে পঢ়ক: ২১ জুনত কংগ্ৰেছৰ দেশজোৰা NEET-UG কেলেংকাৰীৰ প্ৰতিবাদ কাৰ্যসূচী - Congress To Protest NEET UG Scam
খাৰ্গেই লগতে দাবী জনায় যে সকলো "প্ৰশ্নকাকত ফাদিল কেলেংকাৰী" উচ্চতম ন্যায়ালয়ৰ তত্বাৱধানত পুংখানুপুংখভাৱে তদন্ত কৰা উচিত আৰু দোষীৰ বিৰুদ্ধে কঠোৰ ব্যৱস্থা গ্ৰহণ কৰা উচিত ।
তেওঁ লগতে কয় যে, মোদী চৰকাৰে নিজৰ কুকৰ্মৰ পৰা সাৰি যাব নোৱাৰে ।
জুলাই শেষত NEET-UG, 2024ৰ বাবে কাউন্সেলিং আৰম্ভ হোৱাৰ সম্ভাৱনা
চৰকাৰী সূত্ৰই জনোৱা মতে, চলিত মাহৰ শেষৰ ফালে NEET-UG, 2024ৰ বাবে কাউন্সেলিং আৰম্ভ হোৱাৰ সম্ভাৱনা আছে । জুলাই মাহৰ প্ৰথম সপ্তাহত কাউন্সেলিং ছেচন আৰম্ভ হোৱাৰ সম্ভাৱনা আছিল । অৱশ্যে কাউন্সেলিং কৰ্তৃপক্ষই কোনো তাৰিখ বা সূচী অৱগত কৰা নাই ।
একাংশ চিকিৎসা মহাবিদ্যালয়লৈ অনুমতি পত্ৰ প্ৰদানৰ প্ৰক্ৰিয়া এতিয়াও চলি আছে আৰু অতিৰিক্ত আসন সংযোজন হোৱাৰ সম্ভাৱনা আছে বুলি সূত্ৰসমূহে প্ৰকাশ কৰে । এক চৰকাৰী সূত্ৰই জনোৱা মতে, ‘প্ৰথম ৰাউণ্ডতে নতুন কলেজৰ আসন পূৰণৰ প্ৰক্ৰিয়া সম্পূৰ্ণ হোৱাৰ পিছত কাউন্সেলিঙৰ তাৰিখ ঘোষণা কৰা হ'ব ।" চলিত মাহৰ শেষৰ ফালে কাউন্সেলিং প্ৰক্ৰিয়া আৰম্ভ হ’ব পাৰে বুলিও সূত্ৰটোৱে প্ৰকাশ কৰে ।
পৰীক্ষা বাতিল কৰাটো সঠিক নহয়- NTA
NEET-UG 2024 পৰীক্ষা বাতিল কৰাৰ দাবী ক্ৰমাৎ বৃদ্ধি পোৱাৰ মাজতে ৫ জুলাইত কেন্দ্ৰ আৰু ৰাষ্ট্ৰীয় পৰীক্ষণ সংস্থাই উচ্চতম ন্যায়ালয়ক জনাইছিল যে পৰীক্ষা বাতিল কৰাটো সঠিক নহ’ব আৰু ইয়াৰ ফলত সৎ প্ৰাৰ্থীসকল আক্ষৰিক অৰ্থত বিপদত পৰিব ।
