নিউজ ডেস্ক, ২০ ছেপ্টেম্বৰ : ছত্তীশগড়ৰ বস্তাৰৰ মাওবাদী হিংসাত নিহতসকলৰ পৰিয়ালৰ এটা দলে তেওঁলোকৰ অঞ্চলত ন্যায় আৰু শান্তি প্ৰতিষ্ঠাৰ দাবীত যন্তৰ-মন্তৰত প্ৰতিবাদ সাব্যস্ত কৰে । এই প্ৰতিবাদৰ এদিন পিচত কেন্দ্ৰীয় গৃহমন্ত্ৰী অমিত শ্বাহে মাওবাদীসকলৰ বিৰুদ্ধে সৰ্বাত্মক অভিযান আৰম্ভ কৰাৰ বিষয়ে এক স্পষ্ট বিবৃতি দিয়ে । তেওঁ কয় যে যদি মাওবাদীয়ে যদি হিংসা ত্যাগ কৰাৰ তেওঁৰ আহ্বানক আওকাণ কৰে তেন্তে ইয়াৰ ভয়ানক পৰিণতি হ'ব ।
উল্লেখ্য যে, বৃহস্পতিবাৰে ছত্তীশগড়ৰ নক্সাল হিংসাৰ বলি হোৱা ৫৫ গৰাকী লোকে ‘‘বস্তাৰ শান্তি সমিতি’’ৰ বেনাৰত কৰ্তব্য পথত প্ৰতিবাদ সাব্যস্ত কৰে আৰু দুপৰীয়া যন্তৰ-মন্তৰলৈ সমদল উলিয়ায় । বস্তাৰ শান্তি সমিতিৰ সমন্বয়ক মংগুৰাম কাৱাদে কয়, "আমি দাবী কৰো যে বস্তাৰবাসীৰ আহ্বান শুনিব লাগে আৰু আমাৰ লোকসকলক এই নিৰন্তৰ হিংসাৰ পৰা মুক্ত কৰিব লাগে ।"
#WATCH | Union Home Minister Amit Shah says, " we will end naxalism. i appeal to (naxalites) to surrender before the law, give up their weapons. in many places in the north-east and kashmir, many people have given up their weapons and joined the mainstream. you are also welcome to… https://t.co/fvlyVxH52u pic.twitter.com/yaAOAKhXPC
— ANI (@ANI) September 20, 2024
জলকীয়া চপোৱাৰ পিচত ঘৰলৈ উভতি অহা ১৮ বছৰীয়া গুডডুৰাম লেকামে মাৰ্চ মাহত মাওবাদীয়ে জংঘলত স্থাপন কৰা এটা লেণ্ডমাইনত ভৰি দিয়াত তেওঁ ভৰিখন হেৰুৱাইছিল । বোমাটো বিস্ফোৰণৰ ফলত তেওঁ ভৰিখন হেৰুৱাবলগা হয় । আনহাতে, তিনিটা সন্তানৰ মাতৃ মমতা চোৰীয়ে (৩৫) কয়, "আমাৰ গাঁৱৰ মহিলাসকল সুৰক্ষিত নহয় । তেওঁলোকে আনকি আমাৰ ঘৰৰ বাহিৰলৈও অকলে ওলাব নোৱাৰে । আনহাতে, আমাৰ অঞ্চলৰ ছোৱালীবোৰৰ বাবে সঠিক শিক্ষাৰ সুবিধা নাই ।"
এই সন্দৰ্ভত প্ৰতিক্ৰিয়া ব্যক্ত কৰি অমিত শ্বাহে শুকুৰবাৰে মাওবাদীসকলক হিংসা ত্যাগ কৰিবলৈ আৰু অস্ত্ৰ সম্বৰণ কৰি আত্মসমৰ্পণ কৰিবলৈ আহ্বান জনায় । আনহাতে, ছত্তীশগড়ৰ পৰা অহা নক্সাল হিংসাৰ বলি হোৱাসকলক ৰাষ্ট্ৰীয় ৰাজধানীত থকা তেওঁৰ বাসগৃহত সাক্ষাত কৰি অমিত শ্বাহে আশ্বাস দিয়ে যে ২০২৬ চনৰ ৩১ মাৰ্চৰ ভিতৰত মাওবাদীক ভাৰতৰ পৰা নিশ্চিহ্ন কৰা হ'ব ।
অমিত শ্বাহে লগতে ঘোষণা কৰে যে প্ৰধানমন্ত্ৰী নৰেন্দ্ৰ মোদীয়ে দেশত নক্সাল হিংসা আৰু আদৰ্শ বন্ধ কৰাৰ সিদ্ধান্ত লৈছে । "মই মাওবাদীসকলক হিংসা ত্যাগ কৰিবলৈ, অস্ত্ৰ সম্বৰণ কৰিবলৈ আৰু উত্তৰ-পূবৰ উগ্ৰপন্থীসকলে কৰা দৰে আত্মসমৰ্পণ কৰিবলৈ অনুৰোধ জনাইছো । যদি আপোনালোকে মোৰ আহ্বান নুশুনে, তেন্তে এই বিপদ সমাপ্ত কৰিবলৈ শীঘ্ৰেই সৰ্বাত্মক অভিযান চলোৱা হ'ব ।" অমিত শ্বাহে কয় ।
উল্লেখ্য যে, বৰ্তমান মাওবাদীৰ বিষয়টো ছত্তীশগড়ৰ মাত্ৰ চাৰিখন জিলাতে সীমাবদ্ধ হৈ আছে । এই ক্ষেত্ৰত কেন্দ্ৰীয় গৃহমন্ত্ৰীয়ে দৃঢ়তাৰে কয় যে নিৰাপত্তা বাহিনীয়ে মাওবাদীৰ বিৰুদ্ধে তেওঁলোকৰ অভিযানত যথেষ্ট অগ্ৰগতি লাভ কৰিছে । তেওঁ কয় যে মোদী প্ৰশাসনে পশুপতিনাথ, নেপাল, তিৰুপতি আৰু অন্ধ্ৰপ্ৰদেশৰ মাজত কৰিড'ৰ নিৰ্মাণৰ বাবে মাওবাদীৰ যি পৰিকল্পনা সেয়া বিফল কৰিছে ।
"শীঘ্ৰেই ৰাজ্য প্ৰশাসনৰ ঘনিষ্ঠ সহযোগিতাত গৃহ মন্ত্ৰণালয়ে নক্সাল হিংসাৰ দ্বাৰা প্ৰভাৱিত ছত্তীশগড়ৰ বাসিন্দাসকলৰ বাবে এক কল্যাণমূলক কাৰ্যসূচী গ্ৰহণ কৰিব ।" অমিত শ্বাহে লগতে কয় ।
