হায়দৰাবাদ: ভাৰতৰ ইতিহাসৰ পাতত আজিৰ দিনটোৰ স্মৃতি ক’লা চিয়াঁহীৰে খোদিত হৈছিল 2008 চনত ৷ সেইদিনা পাক সমৰ্থিত ইছলামিক সন্ত্ৰাসবাদী সংগঠন লস্কৰ-ই-তৈবাই ভাৰত ভূমিত নৰমেধ যজ্ঞ পাতি খেলিছিল তেজৰ ফাকু ৷ মুম্বাই চহৰ সেইদিনা ত্ৰাসিত হৈছিল দানৱৰূপী সন্ত্ৰাসবাদীৰ বিভৎস হত্যালীলা দেখি ৷ আজিও সেই ভয়ংকৰ অধ্যায় দেশবাসীয়ে পাহৰিব পৰা নাই ৷
26/11 এইটোৱেই আছিল তাৰিখ, সমুদ্ৰ পথেৰে পাকিস্তানৰ পৰা ভাৰত ভূমিত প্ৰৱেশ কৰি লস্কৰ গোটৰ সন্ত্ৰাসবাদীয়ে মুম্বাইত চলাইছিল ভয়ংকৰ আক্ৰমণ ৷ অতি কমেও 174 গৰাকী লোকে প্ৰাণ হেৰুওৱা এই আক্ৰমণে দেশবাসীক কঁপাই তুলিছিল ৷ আহত হৈছিল কেবাশতাধিক লোক ৷ সমগ্ৰ বিশ্বই গৰিহণা দিছিল এই আক্ৰমণক ৷ আজি 26/11 ৰ আক্ৰমণৰ ঘটনাৰ 16 বছৰ হ’ল ৷
কেন্দ্ৰীয় গৃহমন্ত্ৰী অমিত শ্বাহ, প্ৰতিৰক্ষামন্ত্ৰী ৰাজনাথ সিঙৰ লগতে বিভিন্নজনে এই ঘটনাত প্ৰাণ হেৰুওৱা প্ৰতি গভীৰ শ্ৰদ্ধা নিবেদন কৰিছে ৷ সেই আক্ৰমণত সন্ত্ৰাসবাদীৰ বিৰুদ্ধে পৰাক্ৰমেৰে যুঁজ দি ছহিদ হোৱা নিৰাপত্তাকৰ্মীসকলৰ প্ৰতিও শ্ৰদ্ধা জনাইছে মন্ত্ৰীদ্বয়ে ৷
साल 2008 में आज ही के दिन मुंबई में कायर आतंकवादियों ने निर्दोष लोगों की हत्या कर मानवता को शर्मसार किया था। 26/11 के मुंबई हमलों में आतंकियों से लड़ते हुए वीरगति को प्राप्त होने वाले जवानों को भावभीनी श्रद्धांजलि अर्पित करता हूँ और अपना जीवन गँवाने वाले लोगों को नमन करता हूँ।…
— Amit Shah (@AmitShah) November 26, 2024
সামাজিক মাধ্যম X যোগে শ্ৰদ্ধা জনাই কেন্দ্ৰীয় গৃহমন্ত্ৰী অমিত শ্বাহে লিখিছে- ‘‘2008 চনৰ আজিৰ দিনটোতে মুম্বাইত কাপুৰুষ সন্ত্ৰাসবাদীয়ে নিৰীহ লোকক হত্যা কৰি মানৱতাক ধূলিস্যাৎ কৰিছিল ৷ 26/11 ৰ মুম্বাই আক্ৰমণত সন্ত্ৰাসবাদীৰ সৈতে যুঁজ দি প্ৰাণ আহুতি দিয়া বীৰ জোৱান সকললৈ গভীৰ শ্ৰদ্ধাঞ্জলি জনাইছোঁ আৰু প্ৰাণ হেৰুওৱা নিৰীহ লোকসকললৈ শ্ৰদ্ধা নিবেদন কৰিছোঁ ৷’’
সন্ত্ৰাসবাদ সমগ্ৰ মানৱ সভ্যতাৰ বাবে এক কলংক বুলি অভিহিত কৰি সন্ত্ৰাসবাদ বিৰোধী পদক্ষেপৰ ক্ষেত্ৰত ভাৰত কিদৰে বিশ্বগুৰু হৈছে সেই বিষয়ে আলোকপাত কৰে ৷ পোষ্টত শ্বাহে লগতে কয়, ‘‘সন্ত্ৰাসবাদ সমগ্ৰ মানৱ সভ্যতাৰ বাবে এক কলংক ৷ সন্ত্ৰাসবাদৰ বিৰুদ্ধে মোদী চৰকাৰৰ শূন্য সহনশীল নীতিক সমগ্ৰ বিশ্বই প্ৰশংসা কৰিছে আৰু আজি ভাৰত সন্ত্ৰাস-বিৰোধী পদক্ষেপৰ ক্ষেত্ৰত বিশ্বগুৰুত পৰিণত হৈছে ৷’’
প্ৰতিৰক্ষামন্ত্ৰী ৰাজনাথ সিঙেও 26/11 ৰ সন্ত্ৰাসবাদী আক্ৰমণত প্ৰাণ হেৰুওৱাসকলৰ প্ৰতি শ্ৰদ্ধা জ্ঞাপন কৰিছে ৷ X যোগে প্ৰকাশ কৰা এক বাৰ্তাত তেওঁ কয়- ‘‘26/11 ৰ মুম্বাই আক্ৰমণৰ এই দিনটোত দেশে প্ৰাণ হেৰুওৱাসকলক স্মৰণ কৰিছে ৷ সন্ত্ৰাসবাদীৰ বিৰুদ্ধে সাহসেৰে যুঁজ দি সৰ্বোচ্চ ত্যাগ কৰা বীৰ ছহিদ জোৱান সকললৈ গভীৰ শ্ৰদ্ধা জনাইছো ৷ আমি তেওঁলোকক কেতিয়াও পাহৰি নাযাওঁ ৷’’
On the anniversary of 26/11 Mumbai terror attacks, the nation remebers who lost their lives that fateful day. We pay homage to the security personnel who fought with utmost courage and made supreme sacrifice in the line of duty. We remember, and we will never forget those wounds.
— Rajnath Singh (@rajnathsingh) November 26, 2024
উল্লেখ্য যে মুম্বাইৰ সন্ত্ৰাসবাদী আক্ৰমণৰ ঘটনাই আজি 16 বছৰ সম্পূৰ্ণ কৰিলে ৷ তাজ হোটেল, অবেৰয় ট্ৰাইডেণ্ট হোটেল, ছত্ৰপতি শিৱাজী টাৰ্মিনাছ, লিওপোল্ড কেফে, মুম্বাই চাবাদ হাউচ, নৰিমান হাউচ, কামা হাস্পতাল আৰু মেট্ৰ’ চিনেমাত দহজন লস্কৰ-ই-তৈবা সন্ত্ৰাসবাদীৰ দ্বাৰা সংগঠিতভাৱে ধাৰাবাহিক আক্ৰমণ চলোৱা হৈছিল । পাকিস্তানৰ পৰা সাগৰীয় পথেৰে মুম্বাইলৈ আহি ভাৰতৰ বিত্তীয় ৰাজধানীত ধাৰাবাহিক আক্ৰমণ চলাইছিল দহজন লস্কৰ-ই-তৈবা সন্ত্ৰাসবাদীয়ে ।
লগতে পঢ়ক: সম্ভল হিংসা : বাহিৰৰ লোকৰ প্ৰৱেশ নিষিদ্ধ, ইণ্টাৰনেট-বিদ্যালয় বন্ধ
