নেশ্যনেল ডেস্ক, ৮ জুন : পুনৰ বাতৰিৰ শিৰোনাম দখল কৰিছে গণপ্ৰহাৰৰ বাতৰিয়ে ৷ এইবাৰ গণপ্ৰহাৰত প্ৰাণ হেৰুৱাব লগা হ’ল দুই যুৱকে ৷ প্ৰায় 12 জনীয়া এটা দলৰ প্ৰহাৰত প্ৰাণ হেৰুৱাব লগাত পৰে দুই যুৱকে ৷ নিহত দুই যুৱক উত্তৰ প্ৰদেশৰ চাহাৰনপুৰৰ বুলি জানিব পৰা গৈছে ৷
এই গণপ্ৰহাৰৰ ঘটনাটো সংঘটিত হৈছে চত্তীশগড়ৰ ৰায়পুৰৰ আৰঙত ৷ এই বাতৰিটো পোহৰলৈ অহাৰ পাচতে সৰ্বত্ৰে সৃষ্টি হৈ প্ৰতিক্ৰিয়াৰ ৷ আনকি নিহত দুই যুৱকৰ পৰিয়ালৰ লোকেও গণপ্ৰহাৰৰ ফলতে দুই যুৱকৰ মৃত্যু হোৱা বুলি উল্লেখ কৰিছে ৷
ইফালে আৰক্ষীৰ ফালৰ পৰাও এই ঘটনাৰ তদন্ত কৰি থকা হৈছে ৷ কিন্তু এই আৰক্ষীয়ে গণপ্ৰহাৰৰ ফলত দুই যুৱকৰ মৃত্যু হোৱা নাই বুলিহে উল্লেখ কৰিছে ৷ আৰক্ষীয়ে সমগ্ৰ ঘটনাটো তন্ন তন্নকৈ পৰীক্ষা কৰি আছে বুলি জানিব পৰা গৈছে ৷
উল্লেখ্য যে, উক্ত ঘটনাটো সংগঠিত হৈছিল বৃহস্পতিবাৰে মাজ নিশা ৷ জানিব পৰা মতে, তিনি যুৱকে ৰায়পুৰ আৰক্ষীৰ তথ্য অনুসৰি উত্তৰ প্ৰদেশৰ তিনিজন যুৱকে এখন ট্ৰাকত গৰু তুলি মহাছামুণ্ড হৈ ওড়িশালৈ লৈ গৈ আছিল ।
এই সময়ছোৱাত বৃহস্পতিবাৰে নিশা 10 ৰ পৰা 12 জন যুৱকে আৰঙত তেওঁলোকক তালাচী কৰাৰ লগতে প্ৰহাৰ কৰে । কেৱল প্ৰহাৰ কৰাই নহয়, তিনিওজন যুৱকক পেলাই দিয়ে মহানদীত । ফলত এজন যুৱকৰ থিতাতে মৃত্যু হয় । আনহাতে চিকিৎসাধীন অৱস্থাত আন এজন যুৱকৰ মৃত্যু হয় ৷ শেহতীয়া তথ্য অনুসৰি, তৃতীয়জন যুৱক হাস্পতালত চিকিৎসাধীন হৈ আছে ৷
লগতে পঢ়ক : গৰু সৰবৰাহৰ সন্দেহত মাজনিশা গণপ্ৰহাৰ তিনি যুৱকক: দুজনৰ মৃত্য়ু - Two killed in mob lynching
