নিউজ ডেস্ক, ২২ ফেব্ৰুৱাৰী : দিল্লীৰ সাতখন লোকসভা আসনৰ বাবে আম আদমি পাৰ্টী আৰু কংগ্ৰেছৰ মাজত আসন বুজাবুজিৰ বিষয়টো প্ৰায় সমাধান হৈছে । প্ৰাপ্ত তথ্য অনুসৰি, আম আদমি পাৰ্টীয়ে চাৰিখন আসনত প্ৰাৰ্থী প্ৰদান কৰিব । আনহাতে, কংগ্ৰেছে দিল্লীৰ তিনিখন আসনত প্ৰাৰ্থী প্ৰদান কৰিব । অৱশ্যে এই সন্দৰ্ভত এতিয়ালৈকে আনুষ্ঠানিকভাৱে একো ঘোষণা কৰা হোৱা নাই । কিন্তু দুয়োটা দলৰ নেতাই এই সূত্ৰটো প্ৰত্যাখ্যান কৰাৰ পৰা বিৰত আছে । বৃহস্পতিবাৰে দিল্লী চৰকাৰৰ মন্ত্ৰী তথা দলৰ জ্যেষ্ঠ নেত্ৰী আতিশীক এই বিষয়ে সোধাত তেওঁ কয়, "শীঘ্ৰেই আসন ভাগ-বাটোৱাৰাৰ আনুষ্ঠানিক ঘোষণা কৰা হ'ব, আপোনালোকে অপেক্ষা কৰক ।"
- " class="align-text-top noRightClick twitterSection" data="">
সূত্ৰ অনুসৰি, কংগ্ৰেছ আৰু আম আদমি পাৰ্টীৰ মাজত আসন বুজাবুজিৰ ক্ষেত্ৰত মিত্ৰতাৰ বাবে কংগ্ৰেছে গুজৰাটত আম আদমি পাৰ্টীক দুখন আসন প্ৰদান কৰিছে । আম আদমি পাৰ্টীৰ প্ৰাৰ্থীয়ে গুজৰাটৰ ভাৰুচ আৰু ভাৱনগৰ আসনৰ পৰা প্ৰতিদ্বন্দ্বিতা কৰিব । আনহাতে, আম আদমি পাৰ্টীয়ে চণ্ডীগড়ৰ আসনখন কংগ্ৰেছক এৰি দিছে ।
গোৱাৰ ক্ষেত্ৰত আম আদমি পাৰ্টীয়ে ইতিমধ্যে দক্ষিণ গোৱা আসনত প্ৰাৰ্থী ঘোষণা কৰিছিল যদিও এতিয়া আম আদমি পাৰ্টীয়ে এই আসনখন কংগ্ৰেছৰ বাবে এৰি দিব । আনহাতে, কংগ্ৰেছে হাৰিয়ানাত এখন আসন আম আদমি পাৰ্টীক দিব । অৱশ্যে পঞ্জাবৰ বাবে ইতিমধ্যে পৃথক প্ৰতিদ্বন্দ্বিতা ঘোষণা কৰা হৈছে । আপ আৰু কংগ্ৰেছে পঞ্জাবত পৃথকে ১৩ খন লোকসভা আসনত প্ৰতিদ্বন্দ্বিতা কৰিব ।
উল্লেখ্য যে লোকসভা নিৰ্বাচনত বিজেপিক প্ৰত্যাহ্বান জনাবৰ বাবে বিৰোধী দলবোৰৰ মাজত আসন বুজাবুজি এক গুৰুত্বপূৰ্ণ বিষয় । এই সন্দৰ্ভত কংগ্ৰেছ আৰু আম আদমি পাৰ্টীৰ মাজত কেইলানিও আলোচনা হয় । ইয়াৰ পূৰ্বে আম আদমি পাৰ্টীয়ে গুজৰাট, গোৱা আৰু অসমৰ লোকসভা আসনৰ বাবে প্ৰাৰ্থীৰ নাম ঘোষণা কৰিছে ।
উল্লেখ্য যে লোকসভা নিৰ্বাচন বিভিন্ন কাৰণত আম আদমি পাৰ্টীৰ বাবে গুৰুত্বপূৰ্ণ বিবেচিত হৈছে । ৰাষ্ট্ৰীয় দল হিচাপে পৰিগণিত হোৱাৰ পিছত আম আদমি পাৰ্টীয়ে ৰাষ্ট্ৰীয় সম্প্ৰসাৰণৰ সম্ভাৱনা অন্বেষণ কৰি আছে । পাঁচখন ৰাজ্যত অনুষ্ঠিত বিধানসভা নিৰ্বাচনত আম আদমি পাৰ্টীৰ প্ৰদৰ্শন ভাল নাছিল । সেয়ে এতিয়া লোকসভা নিৰ্বাচনত পুনৰ প্ৰত্যাৱৰ্তন কৰাটো দলটোৰ বাবে এক প্ৰত্যাহ্বান ।
দিল্লী, পঞ্জাব, গুজৰাট, গোৱা আৰু হাৰিয়ানাত আম আদমি পাৰ্টীয়ে ভাল সুযোগ লাভৰ সম্ভাৱনা আছে বুলি ভাবে । সেয়ে আম আদমি পাৰ্টীয়ে লোকসভা নিৰ্বাচনত উক্ত ৰাজ্যকেইখনত নিজৰ একাউণ্ট খুলি অস্তিত্ব প্ৰদৰ্শন কৰিব বিচাৰে । ইয়াৰ পূৰ্বে 2014 আৰু 2019 চনৰ লোকসভা নিৰ্বাচনত আম আদমি পাৰ্টীয়ে নিজৰ একাউণ্ট খুলিব পৰা নাছিল । দুয়োবাৰেই দলটোৰ প্ৰাৰ্থীয়ে তেওঁলোকৰ আমানতৰ ধনো হেৰুৱাবলগা হৈছিল । দিল্লীত সাতখন লোকসভা আসনৰ আটাইকেইখন বিজেপিৰ দখললৈ যায় । আনহাতে, 7 খন আসনৰ ভিতৰত 5 খনত আম আদমি পাৰ্টী তৃতীয় স্থানত থাকে আৰু মাত্ৰ 18.2 শতাংশ ভোটহে লাভ কৰে । ইফালে কংগ্ৰেছে ২২.৬ শতাংশ আৰু বিজেপিয়ে সাতখন আসনত ৫৬.৯ শতাংশ ভোট লাভ কৰে ।
লগতে পঢ়ক :সপ্তমবাৰলৈ কেজৰিৱালক ইডিৰ চমন
