২২ মাৰ্চত জেএনইউ ছাত্ৰ সন্থাৰ নিৰ্বাচন

JNU Elections 2024 : জেএনইউ ছাত্ৰ সন্থাৰ নিৰ্বাচনৰ তাৰিখ ঘোষণা কৰা হৈছে । মনোনয়ন প্ৰক্ৰিয়া ১৫ মাৰ্চৰ পৰা আৰম্ভ হ'ব । ভোটগ্ৰহণ ২২ মাৰ্চত আৰু ফলাফল ২৪ মাৰ্চত ঘোষণা কৰা হ'ব ।

নিউজ ডেস্ক, ১১ মাৰ্চ : জৱাহৰলাল নেহৰু বিশ্ববিদ্যালয়ে (জেএনইউ) ছাত্ৰ সন্থাৰ নিৰ্বাচনৰ তাৰিখ ঘোষণা কৰিছে । বিশ্ববিদ্যালয়খনৰ নিৰ্বাচন সমিতিয়ে দেওবাৰে নিশা এই কথা ঘোষণা কৰে । নিৰ্বাচন সমিতিৰ অধ্যক্ষ শৈলেন্দ্ৰ কুমাৰে ডিঅ'এছ আৰু নিৰ্বাচন সমিতিৰ ৪০ গৰাকী সদস্যৰ সৈতে আলোচনাৰ পিছত ছাত্ৰ সন্থাৰ নিৰ্বাচনৰ সময়সূচী লিখিতভাৱে প্ৰকাশ কৰে ।

প্ৰকাশিত নিৰ্বাচনী অনুসূচী অনুসৰি, নিৰ্বাচনত ভোটদান কৰিবলগা শিক্ষাৰ্থীসকলৰ চূড়ান্ত ভোটাৰ তালিকা সোমবাৰে প্ৰকাশ কৰা হ'ব । তাৰ পিচত তালিকাত নামৰ ক্ষেত্ৰত থকা আপত্তি বা নাম সংযোগ আৰু কৰ্তন কৰাৰ কাম মঙলবাৰে পুৱা 9 বজাৰ পৰা সন্ধিয়া 5 বজালৈ কৰা হ'ব ।

• মনোনয়ন প্ৰক্ৰিয়া 15 মাৰ্চৰ পৰা আৰম্ভ হ'ব
• ২২ মাৰ্চত ভোটগ্ৰহণ অনুষ্ঠিত হ'ব
• ফলাফল ২৪ মাৰ্চত ঘোষণা কৰা হ'ব

উল্লেখ্য যে জেএনইউত ছাত্ৰ সন্থাৰ নিৰ্বাচনৰ প্ৰক্ৰিয়া ফেব্ৰুৱাৰী মাহত আৰম্ভ হয় । আনহাতে, সকলো মহাবিদ্যালয়ৰ সাধাৰণ সভা (জিবিএম) সম্পন্ন কৰিবলৈ শিক্ষাৰ্থীসকলৰ ডীনে (চিঅ'এছ) নিৰ্দেশনা দিছিল । ইয়াৰ পিচত নিৰ্বাচনী সমিতি গঠনৰ বাবে জিবিএমৰ প্ৰক্ৰিয়া আৰম্ভ কৰা হয় । ৪ মাৰ্চত সকলো মহাবিদ্যালয়ৰ জিবিএম প্ৰক্ৰিয়া সম্পূৰ্ণ হোৱাৰ পিচত নিৰ্বাচন সমিতিক ৬ মাৰ্চত ডিঅ'এছ অধ্যাপক মনুৰাধা চৌধুৰীয়ে স্বীকৃতি দিয়ে । তেতিয়াৰে পৰা নিৰ্বাচন সমিতিয়ে ইয়াৰ কাম আৰম্ভ কৰে আৰু নিৰ্বাচনৰ সময়সূচী ঘোষণা কৰাৰ প্ৰস্তুতি চলায় ।