কানপুৰ (উত্তৰ প্ৰদেশ): এগাৰাকী ছাত্ৰীক যৌন নিৰ্যাতন চলোৱাৰ এক অভিযোগৰ ভিত্তিত আৰক্ষী অধীক্ষক (এচিপি) মহছিন খানৰ বিৰুদ্ধে উত্তৰ প্ৰদেশ আৰক্ষীয়ে গ্ৰহণ কৰিছে পদক্ষেপ । জানিব পৰা মতে, ইতিমধ্যে এচিপি মহছিন খানৰ পিএইচডি মনোনয়ন বাতিল কৰিছে আইআইটি কানপুৰে । প্ৰশাসনিক বিষয়াসকলেও এইটো নিশ্চিত কৰিছে ।
লগতে উত্তৰ প্ৰদেশ আৰক্ষীৰ দ্বাৰা জাৰি কৰা এনঅ'চিও প্ৰত্যাহাৰ কৰা হৈছে । মহছিনে আইআইটিৰ পিএইচডি পাঠ্যক্ৰমত নামভৰ্তি কৰিছিল । অভিযোগৰ পিছৰে পৰা এচিপি শিৰোনামত আছে ।
আইআইটি কানপুৰৰ প্ৰশাসনিক বিষয়াসকলৰ মতে, উত্তৰ প্ৰদেশ আৰক্ষীয়ে এচিপি মহছিন খানক পিএইচডি কৰিবলৈ এনঅ'চি জাৰি কৰিছিল । যাৰ পৰিপ্ৰেক্ষিতত, মহছিনে নামভৰ্তি কৰিছিল । মহছিন খানে এই বছৰৰ জুলাইত পিএইচডি আৰম্ভ কৰিছিল । সেয়া এতিয়াও প্ৰাৰম্ভিক পৰ্যায়ত আছিল । এতিয়া পঞ্জীয়ন বাতিল হোৱাৰ পিছত, তেওঁ তেওঁৰ গৱেষণাৰ কাম সম্পূৰ্ণ কৰিব নোৱাৰিব ।
একে সময়তে, ঘটনাটোৰ তদন্ত কৰি থকা আৰক্ষীৰ দলটোক আইআইটি কানপুৰৰ এজন ছাত্ৰই এক বিশেষ তথ্য প্ৰদান কৰিছে য'ত এচিপি মহছিনৰ কাৰ্যকলাপ বন্দী কৰা হৈছে । ছাত্ৰজনে কয় যে যদি আৰক্ষীয়ে বিষয়টো গুৰুত্বসহকাৰে তদন্ত কৰে, তেন্তে নিশ্চিতভাৱে মহছিনৰ বিৰুদ্ধে পৰ্যাপ্ত প্ৰমাণ পোৱা যাব ।
একে সময়তে, অভিযুক্ত এচিপি মহছিনে নিৰন্তৰ দাবী কৰি আহিছে যে তেওঁ সম্পূৰ্ণৰূপে নিৰ্দোষ । তেওঁলোকে ছাত্ৰজনে দাখিল কৰা এজাহাৰখন মিছা বুলি কৈছে ।
প্ৰকৃততে হৈছিল কি ?
আইআইটি কানপুৰত অধ্যয়ন কৰি থকা এগৰাকী ছাত্ৰীয়ে অভিযোগ কৰে যে মহছিনে ছাত্ৰীগৰাকীক প্ৰেমৰ জালত পেলাই ধৰ্ষণ কৰিছিল । মহছিন বিবাহিত আছিল যদিও ছাত্ৰীগৰাকীৰ পৰা এই বিষয়টো লুকুৱাই ৰাখিছিল । ভুক্তভোগী ছাত্ৰীগৰাকীয়ে আৰক্ষী আয়ুক্তৰ ওচৰত উত্থাপন কৰিছিল অভিযোগ ।
ইয়াৰ পিছত, কল্যাণপুৰ আৰক্ষী থানাত এটা গোচৰ ৰুজু কৰা হয় । মহছিন লক্ষ্ণৌৰ মুখ্য কাৰ্যালয়ত কৰ্মৰত আছিল । ইতিমধ্যে গোচৰটোৰ তদন্তৰ বাবে এটা বিশেষ অনুসন্ধানকাৰী দলো গঠন কৰা হৈছে । ইফালে ছাত্ৰীগৰাকীয়ে আৰক্ষীৰ ওচৰত বহুতো প্ৰমাণ দাখিল কৰিছে ।
