নিউজ ডেস্ক, 24 ফেব্ৰুৱাৰী : আৰক্ষীৰ জালত বনভুলপুৰা কাণ্ডৰ মাষ্টাৰমাইণ্ড আব্দুল মালিক ৷ আব্দুলক বিচাৰি ইতিমধ্যে নেপালকে ধৰি দেশৰ বহু চহৰত আৰক্ষীয়ে অভিযান চলাইছিল ৷ পত্নী আৰু পুত্ৰৰ সৈতে পলাতক হৈ আছিল আব্দুল মালিক ৷ হালদ্বাণী হিংসাৰ গোচৰত আব্দুল মালিক আৰু তেওঁৰ পুত্ৰক বিচৰা বুলি ঘোষণা কৰিছিল আৰক্ষীয়ে ৷ ইফালে আব্দুল মালিকৰ অধিবক্তাই কয় যে তেওঁক দিল্লীৰ পৰা উত্তৰাখণ্ড আৰক্ষীয়ে গ্ৰেপ্তাৰ কৰিছে ৷
- " class="align-text-top noRightClick twitterSection" data="">
আব্দুল মালিকৰ অধিবক্তা অজয় কুমাৰ বহুগুনা আৰু শৈলাভ পাণ্ডেই কয় যে হালদ্বানীৰ সত্ৰ আদালতত আবেদন দাখিল কৰা হৈছে ৷ আব্দুল মালিকে সত্ৰ আদালতত অগ্ৰিম জামিন অৰ্থাৎ আগতীয়া জামিন আবেদন দাখিল কৰিছে ৷ য’ত তেওঁ গ্ৰেপ্তাৰৰ ওপৰত স্থগিতাদেশৰ অনুৰোধ জনাইছে ৷ আব্দুল মালিকৰ অধিবক্তাই জনোৱা মতে, উত্তৰাখণ্ড আৰক্ষীয়ে তেওঁক দিল্লীৰ পৰা গ্ৰেপ্তাৰ কৰিছে ৷ অধিবক্তাগৰাকীৰ মতে, উত্তৰাখণ্ড আৰক্ষীয়ে আব্দুল মালিকক হালদ্বানীলৈ আনিছে ৷
উল্লেখযোগ্য যে বিগত 8 ফেব্ৰুৱাৰীত বনফুলপুৰাত সংঘটিত হোৱা হিংসাত্মক ঘটনাত দুস্কৃতিকাৰীয়ে শিলগুটি নিক্ষেপ আৰু অগ্নিসংযোগত লিপ্ত হৈছিল ৷ য’ত তিনিশৰো অধিক লোক আহত হোৱাৰ বিপৰীতে অগ্নিসংযোগ আৰু হিংসাত 8 কোটিৰো অধিক মূল্যৰ চৰকাৰী আৰু ব্যক্তিগত সম্পত্তিৰ ক্ষতিসাধন হয় ৷ আৰক্ষী আৰু দুষ্কৃতিকাৰীৰ মাজত হোৱা গুলীচালনাতো 5 জন লোকে প্ৰাণ হেৰুৱাই ৷ হিংসাৰ আন অভিযুক্তক গ্ৰেপ্তাৰ কৰিবলৈ আৰক্ষীয়ে ধাৰাবাহিকভাৱে ব্যৱস্থা গ্ৰহণ কৰি আছে ৷ এই হিংসাৰ মূল অভিযুক্ত, মষ্ট ৱাণ্টেড আব্দুল মালিক আৰু তেওঁৰ পুত্ৰ ম’ইদ পলাতক হৈ আছিল আৰু শেহতীয়াকৈ আব্দুল মালিকক গ্ৰেপ্তাৰৰ খবৰ লাভ কৰা গৈছে ৷
আব্দুল মালিক কোন-
হালদ্বানী হিংসাৰ মাষ্টাৰমাইণ্ড বুলি চিনাক্ত কৰা আব্দুল মালিক মুছলমান সমাজৰ বঞ্জাৰা পৰিয়ালৰ ব্যক্তি ৷ তেওঁৰ প্ৰাথমিক শিক্ষা হালদ্বাণীত হৈছিল ৷ নাইনিতালৰ পৰা বি এ সম্পূৰ্ণ কৰে অভিযুক্ত মালিকে ৷ আব্দুল মালিকৰ পৰিয়ালৰ পুৰণি কাম আছিল চাউল আৰু শস্য বিক্ৰী কৰা ৷ পূৰ্বে দেউতাকৰ লগত চাউলৰ ব্যৱসায় কৰিছিল আব্দুলে ৷ ৰাজনৈতিক প্ৰসাৰতা থকা আব্দুল মালিকৰ সমাজবাদী পাৰ্টি আৰু বহুজন সমাজ পাৰ্টিতো প্ৰভাৱ থকা বুলি কোৱা হয় ৷ উত্তৰ প্ৰদেশত থকা সময়ছোৱাত আব্দুলে বিধানসভা নিৰ্বাচনত প্ৰতিদ্বন্দ্বিতা কৰিছিল ৷ নব্বৈৰ দশকত তেওঁ চাড্ডা গ্ৰুপৰ সৈতে খননৰ কামতো হাত উজান দিছিল ৷
ৰে’লৱে ঠিকাদাৰী ক্ষেত্ৰতো হাত দিছে আব্দুলে ৷ কোৱা হয় যে আব্দুল মালিকৰ হাৰিয়ানা আৰু চণ্ডীগড়তো বহু ব্যৱসায় আছে ৷ 25 বছৰ পূৰ্বে হালদ্বাৰ এজন এছ পি নেতাৰ হত্যাকাণ্ডৰ গোচৰত মষ্ট ৱান্টেড হোৱাৰ লগতে শাস্তিও লাভ কৰিছে ৷ বিলাসী গাড়ীত যাত্ৰা কৰাত চৌখিন আব্দুল মালিক ৷ লগতে কেইবাজনো ব্যক্তিগত অস্ত্ৰধাৰী দেহৰক্ষীও লগত লৈ ফুৰে আব্দুলে ৷ স্থানীয় লোকে অভিযোগ কৰে যে চৰকাৰী ভূমিত অবৈধ মাদ্ৰাছা আৰু মছজিদ নিৰ্মাণ কৰি আব্দুল মালিকে নিজৰ সমাজত যথেষ্ট প্ৰভাৱ বিস্তাৰ কৰিছিল ৷
আব্দুলৰ উদ্দেশ্য আছিল যে অবৈধ মাদ্ৰাছা আৰু মছজিদৰ আৱৰণত তেওঁ পৌৰ নিগমৰ ওপৰত হেঁচা প্ৰয়োগ কৰিব আৰু নিগমে তেওঁক চৰকাৰী মাটি খালী কৰিবলৈ নক’ব ৷ পৌৰ নিগমে যেতিয়া অবৈধ নিৰ্মাণৰ কাম ভাঙিবলৈ গৈছিল, তেতিয়া আব্দুলৰ আহ্বানত বৃহৎ জনসমাগম হৈছিল, যিয়ে বনভুলপুৰা আৰক্ষী থানাত জুই লগোৱাৰ লগতে 70 খনতকৈও অধিক বাহন জ্বলাই দিছিল ৷ ১৯৯৮ চনৰ ১৯ মাৰ্চত এছ পি নেতা ৰাহুফ ছিদ্দিকিৰ হত্যাকাণ্ডৰ গোচৰতোআব্দুল মালিকৰ নাম জড়িত হৈ আছে ৷ এই গোচৰত আব্দুলে বহু বছৰ ধৰি জেলতো শাস্তি ভোগ কৰি আছিল ৷ ইতিমধ্যে আব্দুল মালিকৰ বিৰুদ্ধে বহু গোচৰ ৰুজু হৈছে ৷
লগতে পঢ়ক : কাৰ ভুলৰ বাবে উত্তৰ প্ৰদেশত কৰ্মৰত অৱস্থাত নিহত অসমৰ জোৱান কমল যোশী ?
