নেশ্যনেল ডেস্ক, 9 জুন : দেওবাৰ অৰ্থাৎ আজি ভাৰতবৰ্ষৰ বাবে এক অতি বিশেষ দিন ৷ এফালে দেওবাৰে তৃতীয়বাৰৰ বাবে প্ৰধানমন্ত্ৰী হিচাপে শপত গ্ৰহণ কৰিব নৰেন্দ্ৰ মোদীয়ে ৷ একে সময়তে আজি T-২০ বিশ্বকাপত পাকিস্তানৰ মুখামুখি হৈছে ভাৰত ৷ সাধাৰণতে কোনো ইভেণ্ট এই মেচতকৈ ডাঙৰ নহয়, কিন্তু ইয়াত দেশৰ মনোযোগ অন্য দিশলৈ ঘূৰি যাব পাৰে ৷
সন্ধিয়া 7.15 বজাত ৰাষ্ট্ৰপতি ভৱনত অনুষ্ঠিত হ’ব শপত গ্ৰহণ অনুষ্ঠান আৰু ভাৰত-পাকিস্তানৰ খেলখন ভাৰতীয় সময় অনুসৰি নিশা 8 বজাৰ পৰা নিউয়ৰ্কৰ নাছাউ কাউন্টি আন্তঃৰাষ্ট্ৰীয় ক্ৰিকেট ষ্টেডিয়ামত আৰম্ভ হ’ব ৷
লগতে পঢ়ক : তৃতীয়বাৰৰ বাবে প্ৰধানমন্ত্ৰী হিচাপে শপত ল’ব নৰেন্দ্ৰ মোদীয়ে - PM oath taking ceremony
পাকিস্তানৰ প্ৰাক্তন স্পীনাৰ ডেনিছ কানেৰিয়াই প্ৰধানমন্ত্ৰীৰূপে শপতগ্ৰহণৰ পূৰ্বে মোদীক শুভেচ্ছা জনাইছে ৷ দেওবাৰক আৰু অধিক বিশেষ কৰি তুলিবলৈ ডেনিছে শপত গ্ৰহণ অনুষ্ঠান আৰু পাকিস্তানৰ বিৰুদ্ধে ভাৰতৰ জয়ৰ জৰিয়তে ভাৰতীয়সকলৰ বাবে ‘দুগুণ সুখ’ৰ ভৱিষ্যদ্বাণী কৰিছিল ৷
কানেৰিয়াই আই এন এছক কয়- ‘মই পুনৰ ভাৰতৰ প্ৰধানমন্ত্ৰী হোৱাৰ বাবে মোদী চাহেবক অভিনন্দন জনাব বিচাৰিছো ৷ তেওঁ ভাৰতৰ হৈ বহু কাম কৰিছে ৷ দেওবাৰে ভাৰতীয়সকলৰ বাবে দুগুণ সুখৰ সৃষ্টি হ’ব ৷'
লগতে পঢ়ক : টি-২০ বিশ্বকাপৰ আজি মহাৰণ; সমুখ সমৰত ভাৰত বনাম পাকিস্তান - T20 World Cup 2024
এফালে আয়াৰলেণ্ডক পৰাস্ত কৰি আত্মবিশ্বাসী হৈ আছে টিম ইণ্ডিয়া ৷ আনহাতে, বিশ্বকাপত অভিষেক ঘটোৱা আমেৰিকাৰ হাতত পৰাস্ত হোৱা পাকিস্তান দলটোৱে এই মেচত জয়ী হৈ প্ৰতিযোগিতালৈ ঘূৰি অহাৰ আশা কৰিছে ৷
ভাৰতৰ বিৰুদ্ধে খেলখন পাকিস্তানৰ বাবে গুৰুত্বপূৰ্ণ ৷ যদি পাকিস্তানে চুবুৰীয়াৰ বিৰুদ্ধে পৰাজিত হয়, তেন্তে দলটোৱে প্ৰতিযোগিতাখনৰ ছুপাৰ 8-ত স্থান হেৰুৱাব পাৰে ৷
কানেৰিয়াই পি চি বি অৰ্থাৎ পাকিস্তানে কি ভুল কৰিছে তাক বুজাই দিয়ে ৷ প্ৰাক্তন পাকিস্তানী ক্ৰিকেটাৰগৰাকীয়ে কয়, ‘তেওঁৰ ইগো কেতিয়াও শেষ নহয়, তেওঁৰ উদ্দেশ্য স্পষ্ট নহয় ৷ পৰিয়াল আৰু আত্মীয়ৰ ভিত্তিত দল বনায় আৰু কোনেও দেশৰ কথা নাভাবে ৷ এনেদৰে দল গঠন নহয় ৷ যদি আপুনি খেলুৱৈসকলৰ কেৰিয়াৰৰ প্ৰতি অন্যায় কৰি আছে তেন্তে এইটোৱেই হ’ব ৷ প্ৰথমখন মেচত পাকিস্তানৰ লগত যিয়েই নহওক কিয়, ভৱিষ্যতেও হ’ব পাৰে ৷'
লগতে পঢ়ক : আজি নতুন মন্ত্ৰীসভাৰ শপতগ্ৰহণ : আৰম্ভ হৈছে কাউণ্ট-ডাউন - Oath taking ceremony of Narendra Modi as PM