নিউজ ডেস্ক, ১৬ মাৰ্চ : অৱশেষত আদালতত হাজিৰ হয় দিল্লীৰ মুখ্যমন্ত্ৰী অৰবিন্দ কেজৰিৱাল । দিল্লী আবকাৰী নীতি গোচৰ সন্দৰ্ভত ইডিৰ দুটা অভিযোগৰ ভিত্তিত আদালতৰ দ্বাৰা তেওঁক তলৱ কৰা হৈছিল । এই পৰিপ্ৰেক্ষিতত তেওঁ ৰাউজ এভিনিউ আদালতত হাজিৰ হয় ।
ৰাউজ এভিনিউ আদালতৰ এচিএমএমে ১৫,০০০ টকাৰ জামিন বণ্ড আৰু ১ লাখ টকাৰ আমানতত আপৰ ৰাষ্ট্ৰীয় আহ্বায়কগৰাকীক জামিন প্ৰদান কৰে । ইয়াৰ পিছত অতিৰিক্ত মুখ্য মেট্ৰ'পলিটান দণ্ডাধীশ দিব্যা মালহোত্ৰাৰ আদালতে কেজৰিৱালক আদালত কক্ষ এৰি যাবলৈ অনুমতি দিয়ে ।
"অপৰাধ জামিনযোগ্য, অভিযুক্ত অৰবিন্দ কেজৰিৱালক জামিন দিয়া হৈছে ।" ৰায়টোত কোৱা হৈছে । আনহাতে, আদালতে ইডিক অভিযোগ সম্পৰ্কীয় নথিপত্ৰ কেজৰিৱালক হস্তান্তৰ কৰিবলৈ নিৰ্দেশ দিয়ে ।
ইফালে, ইডিয়ে দণ্ডাধীশ আদালতত দুটা অভিযোগ দাখিল কৰিছিল । গোচৰটোত তেওঁক জাৰি কৰা একাধিক চমন এৰাই যোৱাৰ বাবে কেজৰিৱালৰ বিৰুদ্ধে গোচৰ তৰিব বিচাৰিছিল । শেহতীয়া অভিযোগটো আম আদমি পাৰ্টীৰ ৰাষ্ট্ৰীয় আহ্বায়কগৰাকীৰ সৈতে সম্পৰ্কিত, যিয়ে ফেডাৰেল তদন্ত সংস্থাটোৰ দ্বাৰা ধন আত্মসাত প্ৰতিৰোধ আইনৰ (পিএমএলএ) ধাৰা 50-ৰ অধীনত প্ৰেৰণ কৰা চমন নম্বৰ 4-ৰ পৰা 8-লৈ সন্মান কৰা নাই ।
ইডিয়ে ইয়াৰ পূৰ্বে কেজৰিৱালৰ বিৰুদ্ধে গোচৰ তৰিবলৈ দণ্ডাধীশ আদালতত আবেদন কৰিছিল । বৰ্তমান বাতিল কৰা দিল্লীৰ আবকাৰী নীতিৰ সৈতে সম্পৰ্কিত ধন আত্মসাতৰ গোচৰত তেওঁক জাৰি কৰা প্ৰথম তিনিটা চমনত উপস্থিত নথকাৰ বাবে তেওঁৰ বিৰুদ্ধে এই আবেদন কৰিছিল ।
আনহাতে, কেজৰিৱালে এই চমনক প্ৰত্যাহ্বান জনাই সত্ৰ আদালতলৈ যায় । ইফালে ইডিৰ নতুন অভিযোগৰ পিছত ১৬ মাৰ্চত আদালতে দিল্লীৰ মুখ্যমন্ত্ৰী কেজৰিৱালক চমন জনায় । তাৰ পিচত দিল্লীৰ মুখ্যমন্ত্ৰী তথা আপৰ আহ্বায়ক অৰবিন্দ কেজৰিৱাল শনিবাৰে আবকাৰী নীতিৰ গোচৰ সন্দৰ্ভত ৰাউজ এভিনিউ আদালতত হাজিৰ হয় । পৰৱৰ্তী সময়ত ৰাউজ এভিনিউ আদালতৰ এচিএমএমে তেওঁক জামিন প্ৰদান কৰে ।
লগতে পঢ়ক :কবিতাৰ গ্ৰেপ্তাৰ ৰাজনৈতিক উদ্দেশ্য প্ৰণোদিত; এই অভিযোগেৰে আজি তেলেংগানাত বিআৰএছৰ প্ৰতিবাদ
