নেশ্য়নেল ডেস্ক: উত্তৰ প্ৰদেশৰ সম্ভালত কাৰ্তিকেয় মহাদেৱ মন্দিৰৰ দুৱাৰ মুকলি হোৱাৰ পিছত মন্দিৰৰ চাৰিওফালে থকা বেদখল উচ্ছেদ কৰাৰ বাবে প্ৰশাসনৰ প্ৰচেষ্টা তীব্ৰতৰ হৈছে । আনহাতে, ঘৰৰ মালিকে মন্দিৰৰ পিছফালে থকা অট্টালিকাটো বেদখলমুক্ত কৰাত উদ্যোগ লৈছে । ইতিমধ্য়ে ইয়াক ভাঙি পেলোৱাৰ কাম আৰম্ভ কৰিছে । নিৰাপত্তাৰক্ষীৰ বেষ্টনীৰ মাজত বৰ্তমান শ্ৰমিকসকলে বেদখল উচ্ছেদ কৰাৰ কামত ব্য়স্ত হৈছে ।
সম্ভালৰ খাগগু চৰাই এলেকাত কাৰ্তিকেয় মহাদেৱ মন্দিৰৰ পিছফালে নিৰ্মাণ কৰা ঘৰটো প্ৰশাসনে কালিয়েই জোখ-মাখ কৰিছিল । ঘৰৰ মালিকে মন্দিৰৰ শীৰ্ষত বেদখল কৰিছিল । উল্লেখ্য় যে ঘৰৰ মালিকে প্ৰায় আঢ়ৈৰ পৰা তিনি ফুটৰ এখন বাৰান্দা আঁতৰাই দিছিল যিয়ে মন্দিৰৰ চূড়াটো আৱৰি ৰাখিছিল ।
এই ক্ষেত্ৰত প্ৰশাসনে বেদখল উচ্ছেদ কৰাৰ বিষয়ে নিৰ্দেশ দিছিল । অৱশ্য়ে ঘৰৰ মালিক মতিনে নিজেই প্ৰশাসনক বেদখল উচ্ছেদ কৰিবলৈ অনুৰোধ কৰিছিল । ইয়াৰ পিছত প্ৰশাসনে ঘৰৰ মালিকৰ অনুৰোধ গ্ৰহণ কৰি এইক্ষেত্ৰত পদক্ষেপ ল'বলৈ আগবাঢ়ে ।
মঙলবাৰে পুৱা ঘৰৰ মালিক মতিনে শ্ৰমিকসকলকৰ সহায়ত কাম আৰম্ভ কৰে । ঘৰৰ মালিকে বেদখল আঁতৰোৱাৰ কাম দুই-তিনি দিনৰ ভিতৰত সম্পূৰ্ণ হ'ব বুলি কয় । তেওঁৰ ওপৰত প্ৰশাসনৰ কোনো চাপ নাই আৰু তেওঁ নিজেই বেদখল ধ্বংস কৰি আছে ।
উল্লেখ্য় যে বিগত কেইবাদিন ধৰি উত্তাল হৈ আছে উত্তাল হৈ আছে সম্ভল । বিগত ১৯ নৱেম্বৰৰ পৰাই সম্ভলত উত্তেজনা অব্যাহত আছিল । জামা মছজিদৰ স্থানত হৰিহৰ মন্দিৰ থকাৰ দাবীৰে কৰা এক আৱেদনৰ শুনানি গ্ৰহণ কৰি আদালতে প্ৰথমবাৰৰ বাবে জামা মছজিদৰ জৰীপৰ নিৰ্দেশ দিছিল । সেই নিৰ্দেশৰ পিছতে উত্তেজনা তীব্ৰতৰ হয় আৰু আদালতৰ নিৰ্দেশৰ বিৰোধিতাৰে সম্ভলত হোৱা প্ৰতিবাদে হিংসাত্মক ৰূপ লয় ।
